॥ Ganeshastavanam or Ganeshashtakam by Valmiki Malayalam Lyrics ॥
॥ വാല്‍മീകികൃതം ശ്രീഗണേശസ്തവനം അഥവാ ഗണേശാഷ്ടകം ॥
ചതുഃഷഷ്ടികോട്യാഖ്യവിദ്യാപ്രദം ത്വാം സുരാചാര്യവിദ്യാപ്രദാനാപദാനം ।
കഠാഭീഷ്ടവിദ്യാര്‍പകം ദന്തയുഗ്മം കവിം ബുദ്ധിനാഥം കവീനാം നമാമി ॥ 1 ॥
സ്വനാഥം പ്രധാനം മഹാവിഘ്നനാഥം നിജേച്ഛാവിസൃഷ്ടാണ്ഡവൃന്ദേശനാഥം ।
പ്രഭു ദക്ഷിണാസ്യസ്യ വിദ്യാപ്രദം ത്വാം കവിം ബുദ്ധിനാഥം കവീനാം നമാമി ॥ 2 ॥
വിഭോ വ്യാസശിഷ്യാദിവിദ്യാവിശിഷ്ടപ്രിയാനേകവിദ്യാപ്രദാതാരമാദ്യം ।
മഹാശാക്തദീക്ഷാഗുരും ശ്രേഷ്ഠദം ത്വാം കവിം ബുദ്ധിനാഥം കവീനാം നമാമി ॥ 3 ॥
വിധാത്രേ ത്രയീമുഖ്യവേദാംശ്ച യോഗം മഹാവിഷ്ണവേ ചാഗമാഞ് ശങ്കരായ ।
ദിശന്തം ച സൂര്യായ വിദ്യാരഹസ്യം കവിം ബുദ്ധിനാഥം കവീനാം നമാമി ॥ 4 ॥
മഹാബുദ്ധിപുത്രായ ചൈകം പുരാണം ദിശന്തം ഗജാസ്യസ്യ മാഹാത്മ്യയുക്തം ।
നിജജ്ഞാനശക്ത്യാ സമേതം പുരാണം കവിം ബുദ്ധിനാഥം കവീനാം നമാമി ॥ 5 ॥
ത്രയീശീര്‍ഷസാരം രുചാനേകമാരം രമാബുദ്ധിദാരം പരം ബ്രഹ്മപാരം ।
സുരസ്തോമകായം ഗണൌഘാധിനാഥം കവിം ബുദ്ധിനാഥം കവീനാം നമാമി ॥ 6 ॥
ചിദാനന്ദരൂപം മുനിധ്യേയരൂപം ഗുണാതീതമീശം സുരേശം ഗണേശം ।
ധരാനന്ദലോകാദിവാസപ്രിയം ത്വാം കവിം ബുദ്ധിനാഥം കവീനാം നമാമി ॥ 7 ॥
അനേകപ്രതാരം സുരക്താബ്ജഹാരം പരം നിര്‍ഗുണം വിശ്വസദ്ബ്രഹ്മരൂപം ।
മഹാവാക്യസന്ദോഹതാത്പര്യമൂര്‍തിം കവിം ബുദ്ധിനാഥം കവീനാം നമാമി ॥ 8 ॥
ഇദം യേ തു കവ്യഷ്ടകം ഭക്തിയുക്താത്രിസന്ധ്യം പഠന്തേ ഗജാസ്യം സ്മരന്തഃ ।
കവിത്വം സുവാക്യാര്‍ഥമത്യദ്ഭുതം തേ ലഭന്തേ പ്രസാദാദ് ഗണേശസ്യ മുക്തിം ॥ 9 ॥
ഇതി വാല്‍മീകികൃതം ഗണേശസ്തവനം സമാപ്തം ।
– Chant Stotra in Other Languages –
Sri Ganapathi Slokam » Ganeshastavanam or Ganeshashtakam by Valmiki Lyrics in Sanskrit » English » Bengali » Gujarati » Kannada » Odia » Telugu » Tamil