॥ Jambunatha Ashtakam Telugu Lyrics ॥
॥ జమ్బునాథాష్టకం ॥
కశ్చన జగతాం హేతుః కపర్దకన్దలితకుముదజీవాతుః ।
జయతి జ్ఞానమహీన్దుర్జన్మమృతిక్లాంతిహరదయాబిన్దుః ॥ ౧ ॥
శ్రితభృతిభద్ధపతాకః కలితోత్పలవననవమదోద్రేకః ।
అఖిలాణ్డమాతురేకః సుఖయత్వస్మాంస్తపఃపరీపాకః ॥ ౨ ॥
కశ్చన కారుణ్యఝరః కమలాకుచకలశకషణనిశితశరః ।
శ్రీమాన్ దమితత్రిపురః శ్రితజంభూపరిసరశ్చకాస్తు పురః ॥ ౩ ॥
శమితస్మరదవవిసరశ్శక్రాద్యాశాస్యసేవనావసరః ।
కరివనఘనభాగ్యభరో గిరతు మలం మమ మనస్సరశ్శఫరః ॥ ౪ ॥
గృహిణీకృతవైకుణ్ఠం గేహితజంభూమహీరుడుపకణ్ఠమ్ ।
దివ్యం కిమప్యకుణ్ఠం తేజః స్తాదస్మదవనసోత్కణ్ఠమ్ ॥ ౫ ॥
కృతశమనదర్పహరణం కృతకేతరఫణితిచారిరథచరణమ్ ।
శక్రాదిశ్రితచరణం శరణం జంభూద్రుమాంతికాభరణమ్ ॥ ౬ ॥
కరుణారసవారిధయే కరవాణి నమః ప్రణమ్రసురవిధయే ।
జగదానన్దధునిధయే జంభూతరుమూలనిలయసన్నిధయే ॥ ౭ ॥
కశ్చన శశిచూడాలం కణ్ఠేకాలం దయౌఘముత్కూలమ్ ।
శ్రితజంభూతరుమూలం శిక్షితకాలం భజే జగన్మూలమ్ ॥ ౮ ॥
॥ జమ్బునాథాష్టకం సంపూర్ణమ్ ॥
– Chant Stotra in Other Languages –
Lord Shiva Stotram » Jambunatha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil