॥ Shri Tarananda Gurvashtakam Telugu Lyrics ॥
॥ శ్రీతారానన్దగుర్వష్టకమ్ ॥
ఓం
శ్రీరామజయమ్ ।
ఓం సద్గురుశ్రీత్యాగరాజస్వామినే నమో నమః ।
అథ శ్రీతారానన్దగుర్వష్టకమ్ ।
గఙ్గాతీరసువాసం తం గఙ్గాలీనతపస్వినమ్ ।
శ్రీదయానన్దశిష్యార్యం తారానన్దగురుం భజే ॥ ౧ ॥
బ్రహ్మసూత్రప్రబోధం తం బ్రహ్మత్వతత్త్వబోధకమ్ ।
బ్రహ్మప్రకాశరూపం తం తారానన్దగురుం భజే ॥ ౨ ॥
బ్రహ్మవిద్యాసుబోధం తం తారకజ్ఞానమార్గిణమ్ ।
బ్రహ్మజ్ఞానస్వలీనం తం తారానన్దగురుం భజే ॥ ౩ ॥
బ్రహ్మనిష్ఠాపరం శాన్తం సంయతం యతభాషిణమ్ ।
బ్రహ్మలీనం తపస్తీర్థం తారానన్దగురుం భజే ॥ ౪ ॥
ఏకాన్తం ఏకసద్ధ్యానం ఏకాన్తధ్యానసువ్రతమ్ ।
ఏకవస్తుసదాలీనం తారానన్దగురుం భజే ॥ ౫ ॥
మాతృప్రేమపరీవాహం బుభుక్షాహరమాతరమ్ ।
ఆత్మతృష్ణాప్రశామం తం తారానన్దగురుం భజే ॥ ౬ ॥
స్వాగతస్మేరవక్త్రం తం హితభాషశ్రమాపహమ్ ।
శ్రుతశ్లోకప్రమోదం తం తారానన్దగురుం భజే ॥ ౭ ॥
హిమగద్యరసానన్దం గఙ్గాసహస్రమోదితమ్ ।
ఆశీర్వాదదయాపూరం తారానన్దగురుం భజే ॥ ౮ ॥
త్యాగరాజగురుస్వామిశిష్యాపుష్పానుతిస్థిరమ్ ।
తారానన్దగురుం వన్దే స్తోత్రమేతత్తదర్పణమ్ ॥
ఓం
శుభమస్తు
ఇతి సద్గురుశ్రీత్యాగరాజస్వామినః శిష్యయా భక్తయా పుష్పయా కృతం
శ్రీతారానన్దగుర్వష్టకం గురౌ సమర్పితమ్ ।
ఓం శుభమస్తు ।
– Chant Stotra in Other Languages –
Sri Tarananda Gurvashtakam Lyrics in Sanskrit » English » Bengali » Gujarati » Kannada » Malayalam » Odia » Tamil