॥ Navastakam Odia Lyrics ॥
॥ ନଵାଷ୍ଟକମ୍ ॥
ଗୌରୀଂ ଗୋଷ୍ଠଵନେଶ୍ଵରୀଂ ଗିରିଧରପ୍ରାନାଧିକପ୍ରେୟସୀଂ
ସ୍ଵୀୟପ୍ରାଣପରାର୍ଧପୁଷ୍ପପଟଲୀନିର୍ମଞ୍ଛ୍ୟତତ୍ପଦ୍ଧତିମ୍ ।
ପ୍ରେମ୍ଣା ପ୍ରାନଵୟସ୍ୟୟା ଲଲିତୟା ସଂଲାଲିତାଂ ନର୍ମଭିଃ
ସିକ୍ତାଂ ସୁଷ୍ଠୁ ଵିଶାଖୟା ଭଜ ମନୋ ରାଧାମଗାଧାଂ ରସୈଃ ॥ ୧ ॥
ସ୍ଵୀୟପ୍ରେଷ୍ଠସରୋଵରାନ୍ତିକଵଲତ୍କୁଞ୍ଜାନ୍ତରେ ସୌରଭୋ-
ତ୍ଫୁଲ୍ଲତ୍ପୁଷ୍ପମରନ୍ଦଲୁବ୍ଧମଧୁପଶ୍ରେଣୀଧ୍ଵନିଭ୍ରାଜିତେ ।
ମାଦ୍ୟନ୍ମନ୍ମଥରାଜ୍ୟକାର୍ୟମସକୃଦ୍ସମ୍ଭାଲୟନ୍ତୀଂ ସ୍ମରା-
ମାତ୍ୟଶ୍ରୀହରିଣା ସମଂ ଭଜ ମନୋ ରାଧାମଗାଧାଂ ରସୈଃ ॥ ୨ ॥
କୃଷ୍ଣାପଙ୍ଗତରଙ୍ଗତୁଙ୍ଗିତତରାନଙ୍ଗାସୁରଙ୍ଗାଂ ଗିରଂ
ଭଙ୍ଗ୍ୟା ଲଙ୍ଗିମସଙ୍ଗରେ ଵିଦଧତୀଂ ଭଙ୍ଗଂ ନୁ ତଦ୍ରଙ୍ଗିଣଃ ।
ଫୁଲ୍ଲତ୍ସ୍ମେରସଖୀନିକାୟନିହିତସ୍ଵାଶୀଃସୁଧାସ୍ଵାଦନ
ଲବ୍ଧୋନ୍ମାଦଧୁରୋଦ୍ଧୁରାଂ ଭଜ ମନୋ ରାଧାମଗାଧାଂ ରସୈଃ ॥ ୩ ॥
ଜିତ୍ଵା ପାଶକକେଲିସଙ୍ଗରତରେ ନିର୍ଵାଦବିମ୍ବାଧରଂ
ସ୍ମିତ୍ଵା ଦ୍ଵିଃ ପଣିତଂ ଧୟତ୍ୟଘହରେ ସାନନ୍ଦଗର୍ଵୋଦ୍ଧୁରେ ।
ଈଷାଛୋଣଦୃଗନ୍ତକୋଣମୁଦୟଦ୍ରୋମଞ୍ଚକମ୍ପସ୍ମିତଂ
ନିଘ୍ନନ୍ତୀଂ କମଲେନ ତଂ ଭଜ ମନୋ ରାଧାମଗାଧାଂ ରସୈଃ ॥ ୪ ॥
ଅଂସେ ନ୍ୟସ୍ୟ କରଂ ପରଂ ବକରିପୋର୍ବାଢଂ ସୁସଖ୍ୟୋନ୍ମଦାଂ
ପଶ୍ୟନ୍ତୀଂ ନଵକାନନଶ୍ରିୟମିମାମୁଦ୍ୟଦ୍ଵସନ୍ତୋଦ୍ଭଵାମ୍ ।
ପ୍ରୀତ୍ୟା ତତ୍ର ଵିଶାଖୟା କିଶଲୟଂ ନଵ୍ୟଂ ଵିକୀର୍ଣଂ ପ୍ରିୟ-
ଶ୍ରୋତ୍ରେ ଦ୍ରାଗ୍ଦଧତୀଂ ମୁଦା ଭଜ ମନୋ ରାଧାମଗାଧାଂ ରସୈଃ ॥ ୫ ॥
ମିଥ୍ୟାସ୍ଵାପମନଲ୍ପପୁଷ୍ପଶୟନେ ଗୋଵର୍ଧନାଦ୍ରେର୍ଗୁହା-
ମଧ୍ୟେ ପ୍ରାଗ୍ଦଧତୋ ହରେର୍ମୁରଲିକାଂ ହୃତ୍ଵା ହରନ୍ତୀଂ ସ୍ରଜମ୍ ।
ସ୍ମିତ୍ଵା ତେନ ଗୃହୀତକଣ୍ଠନିକଟାଂ ଭୀତ୍ୟାପସାରୋତ୍ସୁକାଂ
ହସ୍ତାଭ୍ୟାଂ ଦମିତସ୍ତନୀଂ ଭଜ ମନୋ ରାଧାମଗାଧାଂ ରସୈଃ ॥ ୬ ॥
ତୂର୍ଣଂ ଗାଃ ପୁରତୋ ଵିଧାୟ ସଖିଭିଃ ପୂର୍ଣଂ ଵିଶନ୍ତଂ ଵ୍ରଜେ
ଘୂର୍ଣଦ୍ୟୌଵତକାଙ୍କ୍ଷିତାକ୍ଷିନଟନୈଃ ପଶ୍ୟନ୍ତମସ୍ୟା ମୁଖମ୍ ।
ଶ୍ୟାମଂ ଶ୍ୟାମଦୃଗନ୍ତଵିଭ୍ରମଭରୈରାନ୍ଦୋଲୟନ୍ତୀତରାଂ
ପଦ୍ମାମ୍ଲାନିକରୋଦୟାଂ ଭଜ ମନୋ ରାଧାମଗାଧାଂ ରସୈଃ ॥ ୭ ॥
ପ୍ରୋଦ୍ୟତ୍କାନ୍ତିଭରେଣ ବଲ୍ଲଵଵଧୂତାରାଃ ପରାର୍ଧାତ୍ପରାଃ
କୁର୍ଵାଣାଂ ମଲିନଃ ସଦୋଜ୍ଜ୍ଵଲରସେ ରାସେ ଲସନ୍ତୀରପି ।
ଗୋଷ୍ଠାରଣ୍ୟଵରେଣ୍ୟଧନ୍ୟଗଗନେ ଗତ୍ୟାନୁରାଧାଶ୍ରିତାଂ
ଗୋଵିନ୍ଦେନ୍ଦୁଵିରାଜିତାଂ ଭଜ ମନୋ ରାଧାମଗାଧାଂ ରସୈଃ ॥ ୮ ॥
ପ୍ରୀତ୍ୟା ସୁଷ୍ଠୁ ନଵାଷ୍ଟକଂ ପଟୁମତିର୍ଭୂମୌ ନିପତ୍ୟ ସ୍ଫୁଟଂ
କାକ୍ଵା ଗଦ୍ଗଦନିସ୍ଵନେନ ନିୟତଂ ପୂର୍ଣଂ ପଠେଦ୍ୟଃ କୃତୀ ।
ଘୂର୍ଣନ୍ମତ୍ତମୁକୁନ୍ଦଭୃଙ୍ଗଵିଲସଦ୍ରାଧାସୁଧାଵଲ୍ଲରୀଂ
ସେଵୋଦ୍ରେକରସେଣ ଗୋଷ୍ଠଵିପିନେ ପ୍ରେମ୍ଣା ସ ତାଂ ସିଞ୍ଚତି ॥ ୯ ॥
ଇତି ଶ୍ରୀରଘୁନାଥଦାସଗୋସ୍ଵାମିଵିରଚିତସ୍ତଵାଵଲ୍ୟାଂ
ନଵାଷ୍ଟକମ୍ ସମ୍ପୂର୍ଣମ୍ ।
– Chant Stotra in Other Languages –
Navastakam Lyrics in Sanskrit » English » Bengali » Gujarati » Kannada » Malayalam » Telugu » Tamil