॥ Navastakam Malayalam Lyrics ॥
॥ നവാഷ്ടകം ॥
ഗൌരീം ഗോഷ്ഠവനേശ്വരീം ഗിരിധരപ്രാനാധികപ്രേയസീം
സ്വീയപ്രാണപരാര്‍ധപുഷ്പപടലീനിര്‍മഞ്ഛ്യതത്പദ്ധതിം ।
പ്രേംണാ പ്രാനവയസ്യയാ ലലിതയാ സംലാലിതാം നര്‍മഭിഃ
സിക്താം സുഷ്ഠു വിശാഖയാ ഭജ മനോ രാധാമഗാധാം രസൈഃ ॥ 1 ॥
സ്വീയപ്രേഷ്ഠസരോവരാന്തികവലത്കുഞ്ജാന്തരേ സൌരഭോ-
ത്ഫുല്ലത്പുഷ്പമരന്ദലുബ്ധമധുപശ്രേണീധ്വനിഭ്രാജിതേ ।
മാദ്യന്‍മന്‍മഥരാജ്യകാര്യമസകൃദ്സംഭാലയന്തീം സ്മരാ-
മാത്യശ്രീഹരിണാ സമം ഭജ മനോ രാധാമഗാധാം രസൈഃ ॥ 2 ॥
കൃഷ്ണാപങ്ഗതരങ്ഗതുങ്ഗിതതരാനങ്ഗാസുരങ്ഗാം ഗിരം
ഭങ്ഗ്യാ ലങ്ഗിമസങ്ഗരേ വിദധതീം ഭങ്ഗം നു തദ്രങ്ഗിണഃ ।
ഫുല്ലത്സ്മേരസഖീനികായനിഹിതസ്വാശീഃസുധാസ്വാദന
ലബ്ധോന്‍മാദധുരോദ്ധുരാം ഭജ മനോ രാധാമഗാധാം രസൈഃ ॥ 3 ॥
ജിത്വാ പാശകകേലിസങ്ഗരതരേ നിര്‍വാദബിംബാധരം
സ്മിത്വാ ദ്വിഃ പണിതം ധയത്യഘഹരേ സാനന്ദഗര്‍വോദ്ധുരേ ।
ഈഷാഛോണദൃഗന്തകോണമുദയദ്രോമഞ്ചകമ്പസ്മിതം
നിഘ്നന്തീം കമലേന തം ഭജ മനോ രാധാമഗാധാം രസൈഃ ॥ 4 ॥
അംസേ ന്യസ്യ കരം പരം ബകരിപോര്‍ബാഢം സുസഖ്യോന്‍മദാം
പശ്യന്തീം നവകാനനശ്രിയമിമാമുദ്യദ്വസന്തോദ്ഭവാം ।
പ്രീത്യാ തത്ര വിശാഖയാ കിശലയം നവ്യം വികീര്‍ണം പ്രിയ-
ശ്രോത്രേ ദ്രാഗ്ദധതീം മുദാ ഭജ മനോ രാധാമഗാധാം രസൈഃ ॥ 5 ॥
മിഥ്യാസ്വാപമനല്‍പപുഷ്പശയനേ ഗോവര്‍ധനാദ്രേര്‍ഗുഹാ-
മധ്യേ പ്രാഗ്ദധതോ ഹരേര്‍മുരലികാം ഹൃത്വാ ഹരന്തീം സ്രജം ।
സ്മിത്വാ തേന ഗൃഹീതകണ്ഠനികടാം ഭീത്യാപസാരോത്സുകാം
ഹസ്താഭ്യാം ദമിതസ്തനീം ഭജ മനോ രാധാമഗാധാം രസൈഃ ॥ 6 ॥
തൂര്‍ണം ഗാഃ പുരതോ വിധായ സഖിഭിഃ പൂര്‍ണം വിശന്തം വ്രജേ
ഘൂര്‍ണദ്യൌവതകാങ്ക്ഷിതാക്ഷിനടനൈഃ പശ്യന്തമസ്യാ മുഖം ।
ശ്യാമം ശ്യാമദൃഗന്തവിഭ്രമഭരൈരാന്ദോലയന്തീതരാം
പദ്മാംലാനികരോദയാം ഭജ മനോ രാധാമഗാധാം രസൈഃ ॥ 7 ॥
പ്രോദ്യത്കാന്തിഭരേണ ബല്ലവവധൂതാരാഃ പരാര്‍ധാത്പരാഃ
കുര്‍വാണാം മലിനഃ സദോജ്ജ്വലരസേ രാസേ ലസന്തീരപി ।
ഗോഷ്ഠാരണ്യവരേണ്യധന്യഗഗനേ ഗത്യാനുരാധാശ്രിതാം
ഗോവിന്ദേന്ദുവിരാജിതാം ഭജ മനോ രാധാമഗാധാം രസൈഃ ॥ 8 ॥
പ്രീത്യാ സുഷ്ഠു നവാഷ്ടകം പടുമതിര്‍ഭൂമൌ നിപത്യ സ്ഫുടം
കാക്വാ ഗദ്ഗദനിസ്വനേന നിയതം പൂര്‍ണം പഠേദ്യഃ കൃതീ ।
ഘൂര്‍ണന്‍മത്തമുകുന്ദഭൃങ്ഗവിലസദ്രാധാസുധാവല്ലരീം
സേവോദ്രേകരസേണ ഗോഷ്ഠവിപിനേ പ്രേംണാ സ താം സിഞ്ചതി ॥ 9 ॥
ഇതി ശ്രീരഘുനാഥദാസഗോസ്വാമിവിരചിതസ്തവാവല്യാം
നവാഷ്ടകം സമ്പൂര്‍ണം ।
– Chant Stotra in Other Languages –
Navastakam Lyrics in Sanskrit » English » Bengali » Gujarati » Kannada » Odia » Telugu » Tamil