॥ Navastakam Gujarati Lyrics ॥
॥ નવાષ્ટકમ્ ॥
ગૌરીં ગોષ્ઠવનેશ્વરીં ગિરિધરપ્રાનાધિકપ્રેયસીં
સ્વીયપ્રાણપરાર્ધપુષ્પપટલીનિર્મઞ્છ્યતત્પદ્ધતિમ્ ।
પ્રેમ્ણા પ્રાનવયસ્યયા લલિતયા સંલાલિતાં નર્મભિઃ
સિક્તાં સુષ્ઠુ વિશાખયા ભજ મનો રાધામગાધાં રસૈઃ ॥ ૧ ॥
સ્વીયપ્રેષ્ઠસરોવરાન્તિકવલત્કુઞ્જાન્તરે સૌરભો-
ત્ફુલ્લત્પુષ્પમરન્દલુબ્ધમધુપશ્રેણીધ્વનિભ્રાજિતે ।
માદ્યન્મન્મથરાજ્યકાર્યમસકૃદ્સમ્ભાલયન્તીં સ્મરા-
માત્યશ્રીહરિણા સમં ભજ મનો રાધામગાધાં રસૈઃ ॥ ૨ ॥
કૃષ્ણાપઙ્ગતરઙ્ગતુઙ્ગિતતરાનઙ્ગાસુરઙ્ગાં ગિરં
ભઙ્ગ્યા લઙ્ગિમસઙ્ગરે વિદધતીં ભઙ્ગં નુ તદ્રઙ્ગિણઃ ।
ફુલ્લત્સ્મેરસખીનિકાયનિહિતસ્વાશીઃસુધાસ્વાદન
લબ્ધોન્માદધુરોદ્ધુરાં ભજ મનો રાધામગાધાં રસૈઃ ॥ ૩ ॥
જિત્વા પાશકકેલિસઙ્ગરતરે નિર્વાદબિમ્બાધરં
સ્મિત્વા દ્વિઃ પણિતં ધયત્યઘહરે સાનન્દગર્વોદ્ધુરે ।
ઈષાછોણદૃગન્તકોણમુદયદ્રોમઞ્ચકમ્પસ્મિતં
નિઘ્નન્તીં કમલેન તં ભજ મનો રાધામગાધાં રસૈઃ ॥ ૪ ॥
અંસે ન્યસ્ય કરં પરં બકરિપોર્બાઢં સુસખ્યોન્મદાં
પશ્યન્તીં નવકાનનશ્રિયમિમામુદ્યદ્વસન્તોદ્ભવામ્ ।
પ્રીત્યા તત્ર વિશાખયા કિશલયં નવ્યં વિકીર્ણં પ્રિય-
શ્રોત્રે દ્રાગ્દધતીં મુદા ભજ મનો રાધામગાધાં રસૈઃ ॥ ૫ ॥
મિથ્યાસ્વાપમનલ્પપુષ્પશયને ગોવર્ધનાદ્રેર્ગુહા-
મધ્યે પ્રાગ્દધતો હરેર્મુરલિકાં હૃત્વા હરન્તીં સ્રજમ્ ।
સ્મિત્વા તેન ગૃહીતકણ્ઠનિકટાં ભીત્યાપસારોત્સુકાં
હસ્તાભ્યાં દમિતસ્તનીં ભજ મનો રાધામગાધાં રસૈઃ ॥ ૬ ॥
તૂર્ણં ગાઃ પુરતો વિધાય સખિભિઃ પૂર્ણં વિશન્તં વ્રજે
ઘૂર્ણદ્યૌવતકાઙ્ક્ષિતાક્ષિનટનૈઃ પશ્યન્તમસ્યા મુખમ્ ।
શ્યામં શ્યામદૃગન્તવિભ્રમભરૈરાન્દોલયન્તીતરાં
પદ્મામ્લાનિકરોદયાં ભજ મનો રાધામગાધાં રસૈઃ ॥ ૭ ॥
પ્રોદ્યત્કાન્તિભરેણ બલ્લવવધૂતારાઃ પરાર્ધાત્પરાઃ
કુર્વાણાં મલિનઃ સદોજ્જ્વલરસે રાસે લસન્તીરપિ ।
ગોષ્ઠારણ્યવરેણ્યધન્યગગને ગત્યાનુરાધાશ્રિતાં
ગોવિન્દેન્દુવિરાજિતાં ભજ મનો રાધામગાધાં રસૈઃ ॥ ૮ ॥
પ્રીત્યા સુષ્ઠુ નવાષ્ટકં પટુમતિર્ભૂમૌ નિપત્ય સ્ફુટં
કાક્વા ગદ્ગદનિસ્વનેન નિયતં પૂર્ણં પઠેદ્યઃ કૃતી ।
ઘૂર્ણન્મત્તમુકુન્દભૃઙ્ગવિલસદ્રાધાસુધાવલ્લરીં
સેવોદ્રેકરસેણ ગોષ્ઠવિપિને પ્રેમ્ણા સ તાં સિઞ્ચતિ ॥ ૯ ॥
ઇતિ શ્રીરઘુનાથદાસગોસ્વામિવિરચિતસ્તવાવલ્યાં
નવાષ્ટકમ્ સમ્પૂર્ણમ્ ।
– Chant Stotra in Other Languages –
Navastakam Lyrics in Sanskrit » English » Bengali » Kannada » Malayalam » Odia » Telugu » Tamil