॥ Hymn to Nitai or Nityananda Kannada Lyrics ॥
॥ ನಿತ್ಯಾನನ್ದಾಷ್ಟಕಮ್ ॥
ಶರಚ್ಚನ್ದ್ರಭ್ರಾನ್ತಿಂ ಸ್ಫುರದಮಲಕಾನ್ತಿಂ ಗಜಗತಿಂ
ಹರಿಪ್ರೇಮೋನ್ಮತ್ತಂ ಧೃತಪರಮಸತ್ತ್ವಂ ಸ್ಮಿತಮುಖಮ್ ।
ಸದಾಘೂರ್ಣನ್ನೇತ್ರಂ ಕರಕಲಿತವೇತ್ರಂ ಕಲಿಭಿದಂ
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 1 ॥
ರಸಾನಾಮಾಗಾರಂ ಸ್ವಜನಗಣಸರ್ವಸ್ವಮತುಲಂ
ತದೀಯೈಕಪ್ರಾಣಪ್ರಮಿತವಸುಧಾಜಾಹ್ನವಪತಿಮ್ ।
ಸದಾಪ್ರೇಮೋನ್ಮಾದಂ ಪರಮವಿದಿತಂ ಮನ್ದಮನಸಾಂ
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 2 ॥
ಶಚೀಸೂನುಪ್ರೇಷ್ಠಂ ನಿಖಿಲಜಗದಿಷ್ಟಂ ಸುಖಮಯಂ
ಕಲೌ ಮಜ್ಜಜ್ಜಿವೋದ್ಧರಣಕರಣೋದ್ದಾಮಕರುಣಮ್ ।
ಹರೇರಾಖ್ಯಾನಾದ್ವಾ ಭವಜಲಧಿಗರ್ವೋನ್ನತಿಹರಂ
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 3 ॥
ಅಯೇ ಭ್ರಾತರ್ನೄಣಾಂ ಕಲಿಕಲುಷಿಣಾಂ ಕಿಂ ನು ಭವಿತಾ
ತಥಾ ಪ್ರಾಯಶ್ಚಿತ್ತಂ ರಚಯ ಯದನಾಯಾಸತ ಇಮೇ ।
ವ್ರಜನ್ತಿ ತ್ವಾಮಿತ್ಥಂ ಸಹ ಭಗವತಾ ಮನ್ತ್ರಯತಿ ಯೋ
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 4 ॥
ಯಥೇಷ್ಠಂ ರೇ ಭ್ರಾತಃ ಕುರು ಹರಿಹರಿಧ್ವಾನಮನಿಶಂ
ತತೋ ವಃ ಸಂಸಾರಾಮ್ಬುಧಿತರಣದಾಯೋ ಮಯಿ ಲಗೇತ್ ।
ಇದಂ ಬಾಹುಸ್ಫೋಟೈರಟತಿ ರಟಯನ್ ಯಃ ಪ್ರತಿಗೃಹಂ
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 5 ॥
ಬಲಾತ್ ಸಂಸಾರಾಮ್ಭೋನಿಧಿಹರಣಕುಮ್ಭೋದ್ಭವಮಹೋ
ಸತಾಂ ಶ್ರೇಯಃಸಿನ್ಧೂನ್ನತಿಕುಮುದಬನ್ಧುಂ ಸಮುದಿತಂ ।
ಖಲಶ್ರೇಣೀಸ್ಫೂರ್ಜಿತ್ತಿಮಿರಹರಸೂರ್ಯಪ್ರಭಮಹಂ
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 6 ॥
ನಟನ್ತಂ ಗಾಯನ್ತಂ ಹರಿಮನುವದನ್ತಂ ಪಥಿ ಪಥಿ
ವ್ರಜನ್ತಂ ಪಶ್ಯನ್ತಂ ಸ್ವಮಪಿ ನ ದಯನ್ತಂ ಜನಗಣಮ್ ।
ಪ್ರಕುರ್ವನ್ತಂ ಸನ್ತಂ ಸಕರುಣದೃಗನ್ತಂ ಪ್ರಕಲನಾದ್-
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 7 ॥
ಸುಬಿಭ್ರಾಣಂ ಭ್ರಾತುಃ ಕರಸರಸಿಜಂ ಕೋಮಲತರಂ
ಮಿಥೋ ವಕ್ತ್ರಾಲೋಕೋಚ್ಛಲಿತಪರಮಾನನ್ದಹೃದಯಮ್ ।
ಭ್ರಮನ್ತಂ ಮಾಧುರ್ಯೈರಹಹ ಮದಯನ್ತಂ ಪುರಜನಾನ್
ಭಜೇ ನಿತ್ಯಾನನ್ದಂ ಭಜನತರುಕನ್ದಂ ನಿರವಧಿ ॥ 8 ॥
ರಸಾನಾಮಾಧಾರಂ ರಸಿಕವರಸದ್ವೈಷ್ಣವಧನಂ
ರಸಾಗಾರಂ ಸಾರಂ ಪತಿತತತಿತಾರಂ ಸ್ಮರಣತಃ ।
ಪರಂ ನಿತ್ಯಾನನ್ದಾಷ್ಟಕಮಿದಮಪೂರ್ವಂ ಪಠತಿ ಯಃ
ತದಂಘ್ರಿದ್ವನ್ದ್ವಾಬ್ಜಂ ಸ್ಫುರತು ನಿತರಾಂ ತಸ್ಯ ಹೃದಯೇ ॥ 9 ॥
ಇತಿ ವೃನ್ದಾವನದಾಸಠಾಕೂರವಿರಚಿತಂ ನಿತ್ಯಾನನ್ದಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Hymn to Nitai or Nityananda Lyrics in Sanskrit » English » Bengali » Gujarati » Malayalam » Odia » Telugu » Tamil