॥ Manmahaprabhorashtakam Shrisvarupacharitamritam Malayalam Lyrics ॥
॥ ശ്രീമന്‍മഹാപ്രഭോരഷ്ടകം ശ്രീസ്വരൂപചരിതാമൃതം ॥
സ്വരൂപ ! ഭവതോ ഭവത്വയമിതി സ്മിതസ്നിഗ്ധയാ
ഗിരൈവ രഘുനാഥമുത്പുലകിഗാത്രമുല്ലാസയന്‍ ।
രഹസ്യുപദിശന്‍ നിജപ്രണയഗൂഢമുദ്രാം സ്വയം
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 1 ॥
സ്വരൂപ ! മമ ഹൃദ്വ്രണം ബത വിവേദ രൂപഃ കഥം
ലിലേഖ യദയം പഠ ത്വമപി താലപത്രേഽക്ഷരം ।
ഇതി പ്രണയവേല്ലിതം വിദധദാശു രൂപാന്തരം
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 2 ॥
സ്വരൂപ ! പരകീയസത്പ്രവരവസ്തുനാശേച്ഛതാം
ദധജ്ജന ഇഹ ത്വയാ പരിചിതോ ന വേതീക്ഷയം ।
സനാതനമുദിത്യ വിസ്മിതമുഖം മഹാവിസ്മിതം
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 3 ॥
സ്വരൂപ ! ഹരിനാമ യജ് ജഗദഘോഷയം തേന കിം
ന വാചയിതുമപ്യഥാശകമിമം ശിവാനന്ദജം ।
ഇതി സ്വപദലേഹനൈഃ ശിശുമചീകരന്‍ യഃ കവിം
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 4 ॥
സ്വരൂപ ! രസരീതിരംബുജദൃശാം വ്രജേ ഭണ്യതാം
ഘനപ്രണയമാനജാ ശ്രുതിയുഗം മമോത്കണ്ഠതേ ।
രമാ യദിഹ മാനിനീ തദപി ലോകയേതി ബ്രുവന്‍
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 5 ॥
സ്വരൂപ ! രസമന്ദിരം ഭവസി മന്‍മുദാമാസ്പദം
ത്വമത്ര പുരുഷോത്തമേ വ്രജഭുവീവ മേ വര്‍തസേ ।
ഇതി സ്വപരിരംഭണൈഃ പുലകിനം വ്യധാത്തം ച യോ
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 6 ॥
സ്വരൂപ ! കിമപീക്ഷിതം ക്വ നു വിഭോ നിശി സ്വപ്നതഃ
പ്രഭോ കഥയ കിം നു തന്നവയുവാ വരാംഭോധരഃ ।
വ്യധാത്കിമയമീക്ഷ്യതേ കിമു ന ഹീത്യഗാത്താം ദശാം
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 7 ॥
സ്വരൂപ ! മമ നേത്രയോഃ പുരത ഏവ കൃഷ്ണോ ഹസന്ന്‍
ഉപൈതി ന കരഗ്രഹം ബത ദദാതി ഹാ കിം സഖേ ।
ഇതി സ്ഖലതി ധാവതി ശ്വസിതി ഘൂര്‍ണതേ യഃ സദാ
വിരാജതു ചിരായ മേ ഹൃദി സ ഗൌരചന്ദ്രഃ പ്രഭുഃ ॥ 8 ॥
സ്വരൂപചരിതാമൃതം കില മഹാപ്രഭോരഷ്ടകം
രഹസ്യതമമദ്ഭുതം പഠതി യഃ കൃതീ പ്രത്യഹം ।
സ്വരൂപപരിവാരതാം നയതി തം ശചീനന്ദനോ
ഘനപ്രണയമാധുരീം സ്വപദയോഃ സമാത്വാദയന്‍ ॥ 9 ॥
ഇതി ശ്രീവിശ്വനാഥചക്രവര്‍തിഠക്കുരവിരചിതസ്തവാമൃതലഹര്യാം
ശ്രീമഹാപ്രഭോരഷ്ടകം സമ്പൂര്‍ണം ।
– Chant Stotra in Other Languages –
Sri Manmahaprabhorashtakam Shrisvarupacharitamritam Lyrics in Sanskrit » English » Bengali » Gujarati » Kannada » Odia » Telugu » Tamil