॥ Sri Gokulesh Ashtakam Gujarati Lyrics ॥
॥ શ્રીગોકુલેશાષ્ટકમ્ ॥
નન્દગોપભૂપવંશભૂષણં વિભૂષણં var વિદૂષણં
ભૂમિભૂતિભુરિભાગ્યભાજનં ભયાપહમ્ ।
ધેનુધર્મરક્ષણાવતીર્ણપૂર્ણવિગ્રહમ્
નીલવારિવાહકાન્તિગોકુલેશમાશ્રયે ॥ ૧ ॥
ગોપબાલસુન્દરીગણાવૃતં કલાનિધિં
રાસમણ્ડલીવિહારકારિકામસુન્દરમ્ ।
પદ્મયોનિશઙ્કરાદિદેવવૃન્દવન્દિતં
નીલવારિવાહકાન્તિગોકુલેશમાશ્રયે ॥ ૨ ॥
ગોપરાજરત્નરાજિમન્દિરાનુરિઙ્ગણં
ગોપબાલબાલિકાકલાનુરુદ્ધગાયનમ્ ।
સુન્દરીમનોજભાવભાજનામ્બુજાનનં
નીલવારિવાહકાન્તિગોકુલેશમાશ્રયે ॥ ૩ ॥
કંસકેશિકુઞ્જરાજદુષ્ટદૈત્યદારણં
ઇન્દ્રસૃષ્ટવૃષ્ટિવારિવારણોદ્ધૃતાચલમ્ ।
કામધેનુકારિતાભિધાનગાનશોભિતં
નીલવારિવાહકાન્તિગોકુલેશમાશ્રયે ॥ ૪ ॥
ગોપિકાગૃહાન્તગુપ્તગવ્યચૌર્યચઞ્ચલં
દુગ્ધભાણ્ડભેદભીતલજ્જિતાસ્યપઙ્કજમ્ ।
ધેનુધૂલિધૂસરાઙ્ગશોભિહારનૂપુરં
નીલવારિવાહકાન્તિગોકુલેશમાશ્રયે ॥ ૫ ॥
વત્સધેનુગોપબાલભીષણોત્થવહ્નિપં
કેકિપિચ્છકલ્પિતાવતંસશોભિતાનનમ્ ।
વેણુવાદ્યમત્તધોષસુન્દરીમનોહરં
નીલવારિવાહકાન્તિગોકુલેશમાશ્રયે ॥ ૬ ॥
ગર્વિતામરેન્દ્રકલ્પકલ્પિતાન્નભોજનં
શારદારવિન્દવૃન્દશોભિહંસજારતમ્ ।
દિવ્યગન્ધલુબ્ધભૃઙ્ગપારિજાતમાલિનં
નીલવારિવાહકાન્તિગોકુલેશમાશ્રયે ॥ ૭ ॥
વાસરાવસાનગોષ્ઠગામિગોગણાનુગં
ધેનુદોહદેહગેહમોહવિસ્મયક્રિયમ્ ।
સ્વીયગોકુલેશદાનદત્તભક્તરક્ષણં
નીલવારિવાહકાન્તિગોકુલેશમાશ્રયે ॥ ૮ ॥
॥ ઇતિ શ્રીરઘુનાયપ્રભુવિરચિતં શ્રીગોકુલેશાષ્ટકં સમ્પૂર્ણમ્ ॥
– Chant Stotra in Other Languages –
Sri Krishna Slokam » Sri Gokulesha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil