॥ Hymn to Kottai Ishvara Kannada Lyrics ॥
॥ ಗೋಷ್ಠೇಶ್ವರಾಷ್ಟಕಮ್ ॥
ಸತ್ಯಜ್ಞಾನಮನನ್ತಮದ್ವಯಸುಖಾಕಾರಂ ಗುಹಾನ್ತಃಸ್ಥಿತ-
ಶ್ರೀಚಿದ್ವ್ಯೋಮ್ನಿ ಚಿದರ್ಕರೂಪಮಮಲಂ ಯದ್ ಬ್ರಹ್ಮ ತತ್ತ್ವಂ ಪರಮ್ ।
ನಿರ್ಬೀಜಸ್ಥಲಮಧ್ಯಭಾಗವಿಲಸದ್ಗೋಷ್ಠೋತ್ಥವಲ್ಮೀಕ-
ಸಮ್ಭೂತಂ ಸತ್ ಪುರತೋ ವಿಭಾತ್ಯಹಹ ತದ್ಗೋಷ್ಠೇಶಲಿಂಗಾತ್ಮನಾ ॥ 1 ॥
ಸರ್ವಜ್ಞತ್ವನಿದಾನಭೂತಕರುಣಾಮೂರ್ತಿಸ್ವರೂಪಾಮಲಾ
ಚಿಚ್ಛಕ್ತಿರ್ಜಡಶಕ್ತಿಕೈತವವಶಾತ್ ಕಾಂಚೀನದೀತ್ವಂ ಗತಾ ।
ವಲ್ಮೀಕಾಶ್ರಯಗೋಷ್ಠನಾಯಕಪರಬ್ರಹ್ಮೈಕ್ಯಕರ್ತ್ರೀ ಮುಹುಃ
ನೃಣಾಂ ಸ್ನಾನಕೃತಾಂ ವಿಭಾತಿ ಸತತಂ ಶ್ರೀಪಿಪ್ಪಿಲಾರಣ್ಯಗಾ ॥ 2 ॥
ಶ್ರೀಮದ್ರಾಜತಶೈಲಶೃಂಗವಿಲಸಚ್ಛ್ರೀಮದ್ಗುಹಾಯಾಂ ಮಹೀ-
ವಾರ್ವಹ್ನ್ಯಾಶುಗಖಾತ್ಮಿಕೀ ವಿಜಯತೇ ಯಾ ಪಂಚಲಿಂಗಾಕೃತಿಃ ।
ಸೈವಾಶಕ್ತಜನೇಷು ಭೂರಿಕೃಪಯಾ ಶ್ರೀಪಿಪ್ಪಿಲಾರಣ್ಯಗೇ
ವಲ್ಮೀಕೇ ಕಿಲ ಗೋಷ್ಠನಾಯಕಮಹಾಲಿಂಗಾತ್ಮನಾ ಭಾಸತೇ ॥ 3 ॥
ಯತ್ರಾದ್ಯಾಪ್ಯಣಿಮಾದಿಸಿದ್ಧಿನಿಪುಣಾಃ ಸಿದ್ಧೇಶ್ವರಾಣಾಂ ಗಣಾಃ
ತತ್ತದ್ದಿವ್ಯಗುಹಾಸು ಸನ್ತಿ ಯಮಿದೃಗ್ದೃಶ್ಯಾ ಮಹಾವೈಭವಾಃ ।
ಯತ್ರೈವ ಧ್ವನಿರರ್ಧರಾತ್ರಸಮಯೇ ಪುಣ್ಯಾತ್ಮಭಿಃ ಶ್ರೂಯತೇ
ಪೂಜಾವಾದ್ಯಸಮುತ್ಥಿತಃ ಸುಮನಸಾಂ ತಂ ರಾಜತಾದ್ರಿಂ ಭಜೇ ॥ 4 ॥
ಶ್ರೀಮದ್ರಾಜತಪರ್ವತಾಕೃತಿಧರಸ್ಯಾರ್ಧೇನ್ದುಚೂಡಾಮಣೇ-
ರ್ಲೋಮೈಕಂ ಕಿಲ ವಾಮಕರ್ಣಜನಿತಂ ಕಾಂಚೀತರುತ್ವಂ ಗತಮ್ ।
ತಸ್ಮಾದುತ್ತರವಾಹಿನೀ ಭುವಿ ಭವಾನ್ಯಾಖ್ಯಾ ತತಃ ಪೂರ್ವಗಾ
ಕಾಂಚೀನದ್ಯಭಿಧಾ ಚ ಪಶ್ಚಿಮಗತಾ ನಿಲಾನದೀ ಪಾವನೀ ॥ 5 ॥
ಶ್ರೀಮದ್ಭಾರ್ಗವಹಸ್ತಲಗ್ನಪರಶುವ್ಯಾಘಟ್ಟನಾದ್ ದಾರಿತೇ
ಕ್ಷೋಣೀಧ್ರೇ ಸತಿ ವಾಮದಕ್ಷಿಣಗಿರಿದ್ವನ್ದ್ವಾತ್ಮನಾ ಭೇದಿತೇ ।
ತನ್ಮಧ್ಯಪ್ರಥಿತೇ ವಿದಾರಧರಣೀಭಾಗೇತಿನದ್ಯಾಶ್ರಯೇ
ಸಾ ನೀಲಾತಟಿನೀ ಪುನಾತಿ ಹಿ ಸದಾ ಕಲ್ಪಾದಿಗಾನ್ ಪ್ರಾಣಿನಃ ॥ 6 ॥
ಕಲ್ಪಾದಿಸ್ಥಲಮಧ್ಯಭಾಗನಿಲಯೇ ಶ್ರೀವಿಶ್ವನಾಥಾಭಿಧೇ
ಲಿಂಗೇ ಪಿಪ್ಪಿಲಕಾನನಾನ್ತರಗತಶ್ರೀಗೋಷ್ಠನಾಥಾಭಿಧಃ ।
ಶ್ರೀಶಮ್ಭುಃ ಕರುಣಾನಿಧಿಃ ಪ್ರಕುರುತೇ ಸಾಂನಿಧ್ಯಮನ್ಯಾದೃಶಂ
ತತ್ಪತ್ನೀ ಚ ವಿರಾಜತೇಽತ್ರ ತು ವಿಶಾಲಾಕ್ಷೀತಿ ನಾಮಾಂಕಿತಾ ॥ 7 ॥
ಶ್ರೀಕಾಂಚೀತರುಮೂಲಪಾವನತಲಂ ಭ್ರಾಜತ್ತ್ರಿವೇಣ್ಯುದ್ಭವಂ
ತ್ಯಕ್ತ್ವಾನ್ಯತ್ರ ವಿಧಾತುಮಿಚ್ಛತಿ ಮುಹುರ್ಯಸ್ತೀರ್ಥಯಾತ್ರಾದಿಕಮ್ ।
ಸೋಽಯಂ ಹಸ್ತಗತಂ ವಿಹಾಯ ಕುಧಿಯಾ ಶಾಖಾಗ್ರಲೀನಂ ವೃಥಾ
ಯಷ್ಟ್ಯಾ ತಾಡಿತುಮೀಹತೇ ಜಡಮತಿರ್ನಿಃಸಾರತುಚ್ಛಂ ಫಲಮ್ ॥ 8 ॥
ಶ್ರೀಮದ್ರಾಜತಶೈಲೋತ್ಥತ್ರಿವೇಣೀಮಹಿಮಾಂಕಿತಮ್ ।
ಗೋಷ್ಠೇಶ್ವರಾಷ್ಟಕಮಿದಂ ಸಾರಜ್ಞೈರವಲೋಕ್ಯತಾಮ್ ॥ 9 ॥
ಇತಿ ಗೋಷ್ಠೇಶ್ವರಾಷ್ಟಕಂ ಸಮ್ಪೂರ್ಣಮ್
– Chant Stotra in Other Languages –
Hymn to Kottai Ishvara Lyrics in Sanskrit » English » Bengali » Gujarati » Malayalam » Odia » Telugu » Tamil