॥ Siva Mahima Ashtakam Kannada Lyrics ॥
॥ ಶ್ರೀಶಿವಮಂಗಲಾಷ್ಟಕಮ್ ॥
ಭವಾಯ ಚನ್ದ್ರಚೂಡಾಯ ನಿರ್ಗುಣಾಯ ಗುಣಾತ್ಮನೇ ।
ಕಾಲಕಾಲಾಯ ರುದ್ರಾಯ ನೀಲಗ್ರೀವಾಯ ಮಂಗಲಮ್ ॥ 1 ॥
ವೃಷಾರೂಢಾಯ ಭೀಮಾಯ ವ್ಯಾಘ್ರಚರ್ಮಾಮ್ಬರಾಯ ಚ ।
ಪಶೂನಾಂ ಪತಯೇ ತುಭ್ಯಂ ಗೌರೀಕಾನ್ತಾಯ ಮಂಗಲಮ್ ॥ 2 ॥
ಭಸ್ಮೋದ್ಧೂಲಿತದೇಹಾಯ ವ್ಯಾಲಯಜ್ಞೋಪವೀತಿನೇ ।
ರುದ್ರಾಕ್ಷಮಾಲಾಭೂಷಾಯ ವ್ಯೋಮಕೇಶಾಯ ಮಂಗಲಮ್ ॥ 3 ॥
ಸೂರ್ಯಚನ್ದ್ರಾಗ್ನಿನೇತ್ರಾಯ ನಮಃ ಕೈಲಾಸವಾಸಿನೇ ।
ಸಚ್ಚಿದಾನನ್ದರೂಪಾಯ ಪ್ರಮಥೇಶಾಯ ಮಂಗಲಮ್ ॥ 4 ॥
ಮೃತ್ಯುಂಜಯಾಯ ಸಾಂಬಾಯ ಸೃಷ್ಟಿಸ್ಥಿತ್ಯನ್ತಕಾರಿಣೇ ।
ತ್ರ್ಯಂಬಕಾಯ ಸುಶಾನ್ತಾಯ ತ್ರಿಲೋಕೇಶಾಯ ಮಂಗಲಮ್ ॥ 5 ॥
ಗಂಗಾಧರಾಯ ಸೋಮಾಯ ನಮೋ ಹರಿಹರಾತ್ಮನೇ ।
ಉಗ್ರಾಯ ತ್ರಿಪುರಘ್ನಾಯ ವಾಮದೇವಾಯ ಮಂಗಲಮ್ ॥ 6 ॥
ಸದ್ಯೋಜಾತಾಯ ಶರ್ವಾಯ ದಿವ್ಯಜ್ಞಾನಪ್ರದಾಯಿನೇ ।
ಈಶಾನಾಯ ನಮಸ್ತುಭ್ಯಂ ಪಂಚವಕ್ತ್ರಾಯ ಮಂಗಲಮ್ ॥ 7 ॥
ಸದಾಶಿವಸ್ವರೂಪಾಯ ನಮಸ್ತತ್ಪುರುಷಾಯ ಚ ।
ಅಘೋರಾಯಚ ಘೋರಾಯ ಮಹಾದೇವಾಯ ಮಂಗಲಮ್ ॥ 8 ॥
ಮಂಗಲಾಷ್ಟಕಮೇತದ್ವೈ ಶಂಭೋರ್ಯಃ ಕೀರ್ತಯೇದ್ದಿನೇ ।
ತಸ್ಯ ಮೃತ್ಯುಭಯಂ ನಾಸ್ತಿ ರೋಗಪೀಡಾಭಯಂ ತಥಾ ॥ 9 ॥
– Chant Stotra in Other Languages –
Lord Shiva Slokam » Sri Shiva Mahima Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil