॥ Rama Chandra Ashtakam Gujarati Lyrics ॥
॥ શ્રીરામચન્દ્રાષ્ટકમ્ ॥
ૐ ચિદાકારો ધાતા પરમસુખદઃ પાવનતનુર્-
મુનીન્દ્રૈર્યોગીન્દ્રૈર્યતિપતિસુરેન્દ્રૈર્હનુમતા ।
સદા સેવ્યઃ પૂર્ણો જનકતનયાઙ્ગઃ સુરગુરૂ
રમાનાથો રામો રમતુ મમ ચિત્તે તુ સતતમ્ ॥ ૧ ॥
મુકુન્દો ગોવિન્દો જનકતનયાલાલિતપદઃ
પદં પ્રાપ્તા યસ્યાધમકુલભવા ચાપિ શબરી ।
ગિરાતીતોઽગમ્યો વિમલધિષણૈર્વેદવચસા
રમાનાથો રામો રમતુ મમ ચિત્તે તુ સતતમ્ ॥ ૨ ॥
ધરાધીશોઽધીશઃ સુરનરવરાણાં રઘુપતિઃ
કિરીટી કેયૂરી કનકકપિશઃ શોભિતવપુઃ ।
સમાસીનઃ પીઠે રવિશતનિભે શાન્તમનસો
રમાનાથો રામો રમતુ મમ ચિત્તે તુ સતતમ્ ॥ ૩ ॥
વરેણ્યઃ શારણ્યઃ કપિપતિસખશ્ચાન્તવિધુરો
લલાટે કાશ્મીરો રુચિરગતિભઙ્ગઃ શશિમુખઃ ।
નરાકારો રામો યતિપતિનુતઃ સંસૃતિહરો
રમાનાથો રામો રમતુ મમ ચિત્તે તુ સતતમ્ ॥ ૪ ॥
વિરૂપાક્ષઃ કાશ્યામુપદિશતિ યન્નામ શિવદં
સહસ્રં યન્નામ્નાં પઠતિ ગિરિજા પ્રત્યુષસિ વૈ ।
સ્વલોકે ગાયન્તીશ્વરવિધિમુખા યસ્ય ચરિતં
રમાનાથો રામો રમતુ મમ ચિત્તે તુ સતતમ્ ॥ ૫ ॥
પરો ધીરોઽધીરોઽસુરકુલભવશ્ચાસુરહરઃ
પરાત્મા સર્વજ્ઞો નરસુરગણૈર્ગીતસુયશાઃ ।
અહલ્યાશાપઘ્નઃ શરકરઋજુઃકૌશિકસખો
રમાનાથો રામો રમતુ મમ ચિત્તે તુ સતતમ્ ॥ ૬ ॥
હૃષીકેશઃ શૌરિર્ધરણિધરશાયી મધુરિપુર્-
ઉપેન્દ્રો વૈકુણ્ઠો ગજરિપુહરસ્તુષ્ટમનસા ।
બલિધ્વંસી વીરો દશરથસુતો નીતિનિપુણો
રમાનાથો રામો રમતુ મમ ચિત્તે તુ સતતમ્ ॥ ૭ ॥
કવિઃ સૌમિત્રીડ્યઃ કપટમૃગઘાતી વનચરો
રણશ્લાઘી દાન્તો ધરણિભરહર્તા સુરનુતઃ ।
અમાની માનજ્ઞો નિખિલજનપૂજ્યો હૃદિશયો
રમાનાથો રામો રમતુ મમ ચિત્તે તુ સતતમ્ ॥ ૮ ॥
ઇદં રામસ્તોત્રં વરમમરદાસેન રચિતમ્
ઉષઃકાલે ભક્ત્યા યદિ પઠતિ યો ભાવસહિતમ્ ।
મનુષ્યઃ સ ક્ષિપ્રં જનિમૃતિભયં તાપજનકં
પરિત્યજ્ય શ્રીષ્ઠં રઘુપતિપદં યાતિ શિવદમ્ ॥ ૯ ॥
॥ ઇતિ શ્રીમદ્રામદાસપૂજ્યપાદશિષ્યશ્રીમદ્ધં
સદાસશિષ્યેણામરદાસાખ્યકવિના વિરચિતં
શ્રીરામચન્દ્રાષ્ટકં સમાપ્તમ્ ॥
– Chant Stotra in Other Languages –
Sri Vishnu Stotram » Sri Rama Chandra Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil