॥ Vatapuranatha Ashtakam Telugu Lyrics ॥
॥ శ్రీవాతపురనాథాష్టకమ్ ॥
కున్దసుమవృన్దసమమన్దహసితాస్యం
నన్దకులనన్దభరతున్దలనకన్దమ్ ।
పూతనిజగీతలవధూతదురితం తం
వాతపురనాథమిమమాతను హృదబ్జే ॥ ౧ ॥
నీలతరజాలధరభాలహరిరమ్యం
లోలతరశీలయుతబాలజనలీలమ్ ।
జాలనతిశీలమపి పాలయితుకామం
వాతపురనాథమిమమాతను హృదబ్జే ॥ ౨ ॥
కంసరణహింసమిహ సంసరణజాత-
క్లాన్తిభరశాన్తికరకాన్తిఝరవీతమ్ ।
వాతముఖధాతుజనిపాతభయఘాతం
వాతపురనాథమిమమాతను హృదబ్జే ॥ ౩ ॥
జాతుధురిపాతుకమిహాతురజనం ద్రాక్
శోకభరమూకమపి తోకమివ పాన్తమ్ ।
భృఙ్గరుచిసఙ్గరకృదఙ్గలతికం తం
వాతపురనాథమిమమాతను హృదబ్జే ॥ ౪ ॥
పాపభవతాపభరకోపశమనార్థా-
శ్వాసకరభాసమృదుహాసరుచిరాస్యమ్ ।
రోగచయభోగభయవేగహరమేకం
వాతపురనాథమిమమాతను హృదబ్జే ॥ ౫ ॥
ఘోషకులదోషహరవేషముపయాన్తం
పూషశతదూషకవిభూషణగణాఢ్యమ్ ।
భుక్తిమపిముక్తిమతిభక్తిషు దదానం
వాతపురనాథమిమమాతను హృదబ్జే ॥ ౬ ॥
పాపకదురాపమతితాపహరశోభ-
స్వాపఘనమామతదుమాపతిసమేతమ్ ।
దూనతరదీనసుఖదానకృతదీక్షం
వాతపురనాథమిమమాతను హృదబ్జే ॥ ౭ ॥
పాదపతదాదరణమోదపరిపూర్ణం
జీవముఖదేవజనసేవనఫలాఙ్ఘ్రిమ్
రూక్షభవమోక్షకృతదీక్షనిజవీక్షం
వాతపురనాథమిమమాతను హృదబ్జే ॥ ౮ ॥
భృత్యగణపత్యుదితనుత్యుచితమోదం
స్పష్టమిదమష్టకమదుష్టకరణార్హమ్ ।
ఆదధతమాదరదమాదిలయశూన్యం
వాతపురనాథమిమమాతను హృదబ్జే ॥ ౯ ॥
ఇతి మహామహోపాధ్యాయ బ్రహ్మశ్రీ గణపతీశాస్త్రీవిరచితం శ్రీవాతపురనాథాష్టకమ్ ॥
– Chant Stotra in Other Languages –
Sri Vatapuranatha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil