॥ Shiva Ashtakam 6 Kannada Lyrics ॥
॥ ಶಿವಾಷ್ಟಕಮ್ 6 ॥
ನಮೋ ನಮಸ್ತೇ ತ್ರಿದಶೇಶ್ವರಾಯ
ಭೂತಾದಿನಾಥಾಯ ಮೃಡಾಯ ನಿತ್ಯಮ್ ।
ಗಂಗಾತರಂಗೋತ್ಥಿತಬಾಲಚನ್ದ್ರ-
ಚೂಡಾಯ ಗೌರೀನಯನೋತ್ಸವಾಯ ॥ 1 ॥
ಸುತಪ್ತಚಾಮೀಕರಚನ್ದ್ರನೀಲ-
ಪದ್ಮಪ್ರವಾಲಾಮ್ಬುದಕಾನ್ತಿವಸ್ತ್ರೈಃ ।
ಸುನೃತ್ಯರಂಗೇಷ್ಟವರಪ್ರದಾಯ
ಕೈವಲ್ಯನಾಥಾಯ ವೃಷಧ್ವಜಾಯ ॥ 2 ॥
ಸುಧಾಂಶುಸೂರ್ಯಾಗ್ನಿವಿಲೋಚನೇನ
ತಮೋಭಿದೇ ತೇ ಜಗತಃ ಶಿವಾಯ ।
ಸಹಸ್ರಶುಭ್ರಾಂಶುಸಹಸ್ರರಶ್ಮಿ-
ಸಹಸ್ರಸಂಜಿತ್ತ್ವರತೇಜಸೇಽಸ್ತು ॥ 3 ॥
ನಾಗೇಶರತ್ನೋಜ್ಜ್ವಲವಿಗ್ರಹಾಯ
ಶಾರ್ದೂಲಚರ್ಮಾಂಶುಕದಿವ್ಯತೇಜಸೇ ।
ಸಹಸ್ರಪತ್ರೋಪರಿ ಸಂಸ್ಥಿತಾಯ
ವರಾಂಗದಾಮುಕ್ತಭುಜದ್ವಯಾಯ ॥ 4 ॥
ಸುನೂಪುರಾರಂಜಿತಪಾದಪದ್ಮ-
ಕ್ಷರತ್ಸುಧಾಭೃತ್ಯಸುಖಪ್ರದಾಯ ।
ವಿಚಿತ್ರರತ್ನೌಘವಿಭೂಷಿತಾಯ
ಪ್ರೇಮಾನಮೇವಾದ್ಯ ಹರೌ ವಿಧೇಹಿ ॥ 5 ॥
ಶ್ರೀರಾಮ ಗೋವಿನ್ದ ಮುಕುನ್ದ ಶೌರೇ
ಶ್ರೀಕೃಷ್ಣ ನಾರಾಯಣ ವಾಸುದೇವ ।
ಇತ್ಯಾದಿನಾಮಾಮೃತಪಾನಮತ್ತ-
ಭೃಂಗಾಧಿಪಾಯಾಖಿಲದುಃಖಹನ್ತ್ರೇ ॥ 6 ॥
ಶ್ರೀನಾರದಾದ್ಯೈಃ ಸತತಂ ಸುಗೋಪ್ಯ-
ಜಿಜ್ಞಾಸಿತಾಯಾಶು ವರಪ್ರದಾಯ ।
ತೇಭ್ಯೋ ಹರೇರ್ಭಕ್ತಿಸುಖಪ್ರದಾಯ
ಶಿವಾಯ ಸರ್ವಗುರವೇ ನಮೋ ನಮಃ ॥ 7 ॥
ಶ್ರೀಗೌರೀನೇತ್ರೋತ್ಸವಮಂಗಲಾಯ
ತತ್ಪ್ರಾಣನಾಥಾಯ ರಸಪ್ರದಾಯ ।
ಸದಾ ಸಮುತ್ಕಂಠಗೋವಿನ್ದಲೀಲಾ-
ಗಾನಪ್ರವೀಣಾಯ ನಮೋಽಸ್ತು ತುಭ್ಯಮ್ ॥ 8 ॥
ಏತತ್ ಶಿವಸ್ಯಾಷ್ಟಕಮದ್ಭುತಂ ಮಹತ್
ಶೃಣ್ವನ್ ಹರಿಪ್ರೇಮ ಲಭೇತ ಶೀಘ್ರಮ್ ।
ಜ್ಞಾನಂಚ ವಿಜ್ಞಾನಮಪೂರ್ವವೈಭವಂ
ಯೋ ಭಾವಪೂರ್ಣಃ ಪರಮಂ ಸಮಾದರಮ್ ॥ 9 ॥
ಇತಿ ಶಿವಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Lord Siva Stotram » Lord Shiva Ashtakam 6 Lyrics in Sanskrit » English » Bengali » Gujarati » Malayalam » Odia » Telugu » Tamil