॥ Shiva Ashtakam 6 Gujarati Lyrics ॥
॥ શિવાષ્ટકમ્ ૬ ॥
નમો નમસ્તે ત્રિદશેશ્વરાય
ભૂતાદિનાથાય મૃડાય નિત્યમ્ ।
ગઙ્ગાતરઙ્ગોત્થિતબાલચન્દ્ર-
ચૂડાય ગૌરીનયનોત્સવાય ॥ ૧ ॥
સુતપ્તચામીકરચન્દ્રનીલ-
પદ્મપ્રવાલામ્બુદકાન્તિવસ્ત્રૈઃ ।
સુનૃત્યરઙ્ગેષ્ટવરપ્રદાય
કૈવલ્યનાથાય વૃષધ્વજાય ॥ ૨ ॥
સુધાંશુસૂર્યાગ્નિવિલોચનેન
તમોભિદે તે જગતઃ શિવાય ।
સહસ્રશુભ્રાંશુસહસ્રરશ્મિ-
સહસ્રસઞ્જિત્ત્વરતેજસેઽસ્તુ ॥ ૩ ॥
નાગેશરત્નોજ્જ્વલવિગ્રહાય
શાર્દૂલચર્માંશુકદિવ્યતેજસે ।
સહસ્રપત્રોપરિ સંસ્થિતાય
વરાઙ્ગદામુક્તભુજદ્વયાય ॥ ૪ ॥
સુનૂપુરારઞ્જિતપાદપદ્મ-
ક્ષરત્સુધાભૃત્યસુખપ્રદાય ।
વિચિત્રરત્નૌઘવિભૂષિતાય
પ્રેમાનમેવાદ્ય હરૌ વિધેહિ ॥ ૫ ॥
શ્રીરામ ગોવિન્દ મુકુન્દ શૌરે
શ્રીકૃષ્ણ નારાયણ વાસુદેવ ।
ઇત્યાદિનામામૃતપાનમત્ત-
ભૃઙ્ગાધિપાયાખિલદુઃખહન્ત્રે ॥ ૬ ॥
શ્રીનારદાદ્યૈઃ સતતં સુગોપ્ય-
જિજ્ઞાસિતાયાશુ વરપ્રદાય ।
તેભ્યો હરેર્ભક્તિસુખપ્રદાય
શિવાય સર્વગુરવે નમો નમઃ ॥ ૭ ॥
શ્રીગૌરીનેત્રોત્સવમઙ્ગલાય
તત્પ્રાણનાથાય રસપ્રદાય ।
સદા સમુત્કણ્ઠગોવિન્દલીલા-
ગાનપ્રવીણાય નમોઽસ્તુ તુભ્યમ્ ॥ ૮ ॥
એતત્ શિવસ્યાષ્ટકમદ્ભુતં મહત્
શૃણ્વન્ હરિપ્રેમ લભેત શીઘ્રમ્ ।
જ્ઞાનઞ્ચ વિજ્ઞાનમપૂર્વવૈભવં
યો ભાવપૂર્ણઃ પરમં સમાદરમ્ ॥ ૯ ॥
ઇતિ શિવાષ્ટકં સમ્પૂર્ણમ્ ।
– Chant Stotra in Other Languages –
Lord Siva Stotram » Lord Shiva Ashtakam 6 Lyrics in Sanskrit » English » Bengali » Kannada » Malayalam » Odia » Telugu » Tamil