॥ Sarvamangala Ashtakam Malayalam Lyrics ॥
॥ സര്‍വമങ്ഗലാഷ്ടകം ॥
ശ്രീഗണേശായ നമഃ ।
ലക്ഷ്മീര്യസ്യ പരിഗ്രഹഃ കമലഭൂഃ സൂനുര്‍ഗരുത്മാന്‍ രഥഃ
പൌത്രശ്ചന്ദ്രവിഭൂഷണഃ സുരഗുരുഃ ശേഷശ്ച ശയ്യാസനഃ ।
ബ്രഹ്മാണ്ഡം വരമന്ദിരം സുരഗണാ യസ്യ പ്രഭോഃ സേവകാഃ
സ ത്രൈലോക്യകുടുംബപാലനപരഃ കുര്യാത് സദാ മങ്ഗലം ॥ 1 ॥
ബ്രഹ്മാ വായുഗിരീശശേഷഗരുഡാ ദേവേന്ദ്രകാമൌ ഗുരുശ്-
ചന്ദ്രാര്‍കൌ വരുണാനലൌ മനുയമൌ വിത്തേശവിഘ്നേശ്വരൌ ।
നാസത്യൌ നിരൃതിര്‍മരുദ്ഗണയുതാഃ പര്‍ജന്യമിത്രാദയഃ
സസ്ത്രീകാഃ സുരപുങ്ഗവാഃ പ്രതിദിനം കുര്‍വന്തു വോ മങ്ഗലം ॥ 2 ॥
വിശ്വാമിത്രപരാശരൌര്‍വഭൃഗവോഽഗസ്ത്യഃ പുലസ്ത്യഃ ക്രതുഃ
ശ്രീമാനത്രിമരീചികൌത്സപുലഹാഃ ശക്തിര്‍വസിഷ്ഠോഽങ്ഗിരാഃ ।
മാണ്ഡവയോ ജമദഗ്നിഗൌതമഭരദ്വാജാദയസ്താപസാഃ
ശ്രീമദ്വിശ്ണുപദാബ്ജഭക്തിനിരതാഃ കുര്‍വന്തു വോ മങ്ഗലം ॥ 3 ॥
മാന്ധാതാ നഹുഷോഽംബരീഷസഗരൌ രാജാ പൃഥുര്‍ഹൈഹയഃ
ശ്രീമാന്‍ ധര്‍മസുതോ നലോ ദശരഥോ രാമോ യയാതിര്യദുഃ ।
ഇക്ഷ്വാകുശ്ച വിഭീശണശ്ച ഭരതശ്ചോത്താനപാദധ്രുവാ-
വിത്യാദ്യാ ഭുവി ഭൂഭുജഃ പ്രതിദിനം കുര്‍വന്തു വോ മങ്ഗലം ॥ 4 ॥
ശ്രീമേരുര്‍ഹിമവാँശ്ച മന്ദരഗിരിഃ കൈലാസശൈലസ്തഥാ
മാഹേന്ദ്രോ മലയശ്ച വിന്ധ്യനിഷധൌ സിംഹസ്തഥാ രൈവതഃ ।
സഹ്യാദ്രിര്‍വരഗന്ധമാദനഗിരിര്‍മൈനാകഗോമന്തകാ-
വിത്യാദ്യാ ഭുവി ഭൂഭൃതഃ പ്രതിദിനം കുര്‍വന്തു വോ മങ്ഗലം ॥ 5 ॥
ഗങ്ഗാ സിന്ധുസരസ്വതീ ച യമുനാ ഗോദാവരീ നര്‍മദാ
കൃഷ്ണാ ഭീമരഥീ ച ഫല്‍ഗുസരയൂഃ ശ്രീഗണ്ഡകീ ഗോമതീ ।
കാവേരീകപിലാപ്രയാഗവിനതാവേത്രാവതീത്യാദയോ
നദ്യഃ ശ്രീഹരിപാദപങ്കജഭവാഃ (പ്രതിദിനം) കുര്‍വന്തു വോ മങ്ഗലം ॥ 6 ॥
വേദാശ്ചോപനിഷദ്ഗണാശ്ച വിവിധാഃ സാങ്ഗാ പുരാണാന്വിതാ
വേദാന്താ അപി മന്ത്ര-തന്ത്രസഹിതാസ്തര്‍കസ്മൃതീനാം ഗണാഃ ।
കാവ്യാലങ്കൃതിനീതിനാടകഗണാഃ ശബ്ദാശ്ച നാനാവിധാഃ
ശ്രീവിഷ്ണോര്‍ഗുണരാശികീര്‍തനകരാഃ (പ്രതിദിനം) കുര്‍വന്തു വോ മങ്ഗലം ॥ 7 ॥
ആദിത്യാദിനവഗ്രഹാഃ ശുഭകരാ മേഷാദയോ രാശയോ
നക്ഷത്രാണി സയോഗകാശ്ച തിഥയസ്തദ്ദേവതസ്തദ്ഗണാഃ ।
മാസാബ്ദാ ഋതവസ്തഥൈവ ദിവസാഃ സന്ധ്യാസ്തഥാ രാത്രയാഃ
സര്‍വേ സ്ഥാവരജങ്ഗമാഃ പ്രതിദിനം കുര്‍വന്തു വോ മങ്ഗലം ॥ 8 ॥
ഇത്യേതദ്വരമങ്ഗലാഷ്ടകമിദം ശ്രീവാദിരാജേശ്വരൈ-
ര്‍വ്യാഖാതം ജഗതാമഭീഷ്ടഫലദം സര്‍വാശുഭധ്വംസനം ।
മാങ്ഗല്യാദിശുഭക്രിയാസു സതതം സന്ധ്യാസു വാ യാഃ പഠേദ്-
ധര്‍മാര്‍ഥാദിസമസ്തവാഞ്ഛിതഫലം പ്രാപ്നോത്യസൌ മാനവാഃ ॥ 9 ॥
ഇതി ശ്രീമദ്വാദിരാജവിരചിതം സര്‍വമങ്ഗലാഷ്ടകം സമ്പൂര്‍ണം ।
– Chant Stotra in Other Languages –
Sri Sarva Mangala Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil