॥ Kamakshi Ashtakam Telugu Lyrics ॥
॥ కామాక్ష్యష్టకమ్ ॥
శ్రీకాఞ్చీపురవాసినీం భగవతీం శ్రీచక్రమధ్యే స్థితాం
కల్యాణీం కమనీయచారుమకుటాం కౌసుమ్భవస్త్రాన్వితామ్ ।
శ్రీవాణీశచిపూజితాఙ్ఘ్రియుగలాం చారుస్మితాం సుప్రభాం
కామాక్క్షీం కరుణామయీం భగవతీం వన్దే పరాం దేవతామ్ ॥ ౧ ॥
మాలామౌక్తికకన్ధరాం శశిముఖీం శమ్భుప్రియాం సున్దరీం
శర్వాణీం శరచాపమణ్డితకరాం శీతాంశుబిమ్బాననామ్ ।
వీణాగానవినోదకేలిరసికాం విద్యుత్ప్రభాభాసురాం
కామాక్షీం కరుణామయీం భగవతీం వన్దే పరాం దేవతామ్ ॥ ౨ ॥
శ్యామాం చారునితమ్బినీం గురుభుజాం చన్ద్రావతంసాం శివాం
శర్వాలిఙ్గితనీలచారువపుషీం శాన్తాం ప్రవాలాధరామ్ ।
బాలాం బాలతమాలకాన్తిరుచిరాం బాలార్కబిమ్బోజ్జ్వలాం
కామాక్షీం కరుణామయీం భగవతీం వన్దే పరాం దేవతామ్ ॥ ౩ ॥
లీలాకల్పితజీవకోటినివహాం చిద్రూపిణీం శఙ్కరీం
బ్రహ్మాణీం భవరోగతాపశమనీం భవ్యాత్మికాం శాశ్వతీమ్ ।
దేవీం మాధవసోదరీం శుభకరీం పఞ్చాక్షరీం పావనీం
కామాక్షీం కరుణామయీం భగవతీం వన్దే పరాం దేవతామ్ ॥ ౪ ॥
వామాం వారిజలోచనాం హరిహరబ్రహ్మేన్ద్రసమ్పూజితాం
కారుణ్యామృతవర్షిణీం గుణమయీం కాత్యాయనీం చిన్మయీమ్ ।
దేవీం శుమ్భనిషూదినీం భగవతీం కామేశ్వరీం దేవతాం
కామాక్షీం కరుణామయీం భగవతీం వన్దే పరాం దేవతామ్ ॥ ౫ ॥
కాన్తాం కాఞ్చనరత్నభూషితగలాం సౌభాగ్యముక్తిప్రదాం
కౌమారీం త్రిపురాన్తకప్రణయినీం కాదమ్బినీం చణ్డికామ్ ।
దేవీం శఙ్కరహృత్సరోజనిలయాం సర్వాఘహన్త్రీం శుభాం
కామాక్షీం కరుణామయీం భగవతీం వన్దే పరాం దేవతామ్ ॥ ౬ ॥
శాన్తాం చఞ్చలచారునేత్రయుగలాం శైలేన్ద్రకన్యాం శివాం
వారాహీం దనుజాన్తకీం త్రినయనీం సర్వాత్మికాం మాధవీమ్ ।
సౌమ్యాం సిన్ధుసుతాం సరోజవదనాం వాగ్దేవతామమ్బికాం
కామాక్షీం కరుణామయీం భగవతీం వన్దే పరాం దేవతామ్ ॥ ౭ ॥
చన్ద్రార్కానలలోచనాం గురుకుచాం సౌన్దర్యచన్ద్రోదయాం
విద్యాం విన్ధ్యనివాసినీం పురహరప్రాణప్రియాం సున్దరీమ్ ।
ముగ్ధస్మేరసమీక్షణేన సతతం సమ్మోహయన్తీం శివాం
కామాక్షీం కరుణామయీం భగవతీం వన్దే పరాం దేవతామ్ ॥ ౮ ॥
ఇతి శ్రీకామాక్ష్యష్టకం సమ్పూర్ణమ్ ।
– Chant Stotra in Other Languages –
Goddess Durga Slokam » Kamakshya Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil