॥ Agastya Ashtakam Telugu Lyrics ॥
॥ అగస్త్యాష్టకమ్ ॥
అద్య మే సఫలం జన్మ చాద్య మే సఫలం తపః ।
అద్య మే సఫలం జ్ఞానం శమ్భో త్వత్పాదదర్శనాత్ ॥ ౧ ॥
కృతార్థోఽహం కృతార్థోఽహం కృతార్థోఽహం మహేశ్వర ।
అద్య తే పాదపద్మస్య దర్శనాత్భక్తవత్సల ॥ ౨ ॥
శివశ్శమ్భుః శివశ్శంభుః శివశ్శంభుః శివశ్శివః ।
ఇతి వ్యాహరతో నిత్యం దినాన్యాయాన్తు యాన్తు మే ॥ ౩ ॥
శివే భక్తిశ్శివే భక్తిశ్శివే భక్తిర్భవేభవే ।
సదా భూయాత్ సదా భూయాత్సదా భూయాత్సునిశ్చలా ॥ ౪ ॥
ఆజన్మ మరణం యస్య మహాదేవాన్యదైవతమ్ ।
మాజనిష్యత మద్వంశే జాతో వా ద్రాగ్విపద్యతామ్ ॥ ౫ ॥
జాతస్య జాయమానస్య గర్భస్థస్యాఽపి దేహినః ।
మాభూన్మమ కులే జన్మ యస్య శమ్భుర్న-దైవతమ్ ॥ ౬ ॥
వయం ధన్యా వయం ధన్యా వయం ధన్యా జగత్త్రయే ।
ఆదిదేవో మహాదేవో యదస్మత్కులదైవతమ్ ॥ ౭ ॥
హర శంభో మహాదేవ విశ్వేశామరవల్లభ ।
శివశఙ్కర సర్వాత్మన్నీలకణ్ఠ నమోఽస్తు తే ॥ ౮ ॥
అగస్త్యాష్టకమేతత్తు యః పఠేచ్ఛివసన్నిధౌ ।
శివలోకమవాప్నోతి శివేన సహ మోదతే ॥ ౯ ॥
॥ ఇత్యగస్త్యాష్టకమ్ ॥
– Chant Stotra in Other Languages –
Lord Shiva Slokam » Agastya Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil