॥ Sri Chandra Ashtottara Shatanama Stotram 2 Gujarati Lyrics ॥
॥ શ્રીચન્દ્રાષ્ટોત્તરશતનામસ્તોત્રમ્ ૨ ॥
અથ શ્રીચન્દ્રાષ્ટોત્તરશતનામસ્તોત્રમ્ ।
અથ વક્ષ્યે શશિસ્તોત્રં તચ્છૃણુષ્વ મુદાન્વિતઃ ॥ ૧ ॥
ચન્દ્રોઽમૃતમયઃ શ્વેતો વિધુર્વિમલરૂપવાન્ ।
વિશાલમણ્ડલઃ શ્રીમાન્ પીયૂષકિરણઃ કરી ॥ ૨ ॥
દ્વિજરાજઃ શશધરઃ શશી શિવશિરોગૃહઃ ।
ક્ષીરાબ્ધિતનયો દિવ્યો મહાત્માઽમૃતવર્ષણઃ ॥ ૩ ॥
રાત્રિનાથો ધ્વાન્તહર્તા નિર્મલો લોકલોચનઃ ।
ચક્ષુરાહ્લાદજનકસ્તારાપતિરખણ્ડિતઃ ॥ ૪ ॥
ષોડશાત્મા કલાનાથો મદનઃ કામવલ્લભઃ ।
હંસઃસ્વામી ક્ષીણવૃદ્ધો ગૌરઃ સતતસુન્દરઃ ॥ ૫ ॥
મનોહરો દેવભોગ્યો બ્રહ્મકર્મવિવર્ધનઃ ।
વેદપ્રિયો વેદકર્મકર્તા હર્તા હરો હરિઃ ॥ ૬ ॥
ઊર્દ્ધ્વવાસી નિશાનાથઃ શૃઙ્ગારભાવકર્ષણઃ ।
મુક્તિદ્વારં શિવાત્મા ચ તિથિકર્તા કલાનિધિઃ ॥ ૭ ॥
ઓષધીપતિરબ્જશ્ચ સોમો જૈવાતૃકઃ શુચિઃ ।
મૃગાઙ્કો ગ્લૌઃ પુણ્યનામા ચિત્રકર્મા સુરાર્ચિતઃ ॥ ૮ ॥
રોહિણીશો બુધપિતા આત્રેયઃ પુણ્યકીર્તકઃ ।
નિરામયો મન્ત્રરૂપઃ સત્યો રાજા ધનપ્રદઃ ॥ ૯ ॥
સૌન્દર્યદાયકો દાતા રાહુગ્રાસપરાઙ્મુખઃ ।
શરણ્યઃ પાર્વતીભાલભૂષણં ભગવાનપિ ॥ ૧૦ ॥
પુણ્યારણ્યપ્રિયઃ પૂર્ણઃ પૂર્ણમણ્ડલમણ્ડિતઃ ।
હાસ્યરૂપો હાસ્યકર્તા શુદ્ધઃ શુદ્ધસ્વરૂપકઃ ॥ ૧૧ ॥
શરત્કાલપરિપ્રીતઃ શારદઃ કુમુદપ્રિયઃ ।
દ્યુમણિર્દક્ષજામાતા યક્ષ્મારિઃ પાપમોચનઃ ॥ ૧૨ ॥
ઇન્દુઃ કલઙ્કનાશી ચ સૂર્યસઙ્ગમપણ્ડિતઃ ।
સૂર્યોદ્ભૂતઃ સૂર્યગતઃ સૂર્યપ્રિયપરઃપરઃ ॥ ૧૩ ॥
સ્નિગ્ધરૂપઃ પ્રસન્નશ્ચ મુક્તાકર્પૂરસુન્દરઃ ।
જગદાહ્લાદસન્દર્શો જ્યોતિઃ શાસ્ત્રપ્રમાણકઃ ॥ ૧૪ ॥
સૂર્યાભાવદુઃખહર્તા વનસ્પતિગતઃ કૃતી ।
યજ્ઞરૂપો યજ્ઞભાગી વૈદ્યો વિદ્યાવિશારદઃ ॥ ૧૫ ॥
રશ્મિકોટિર્દીપ્તિકારી ગૌરભાનુરિતિ દ્વિજ ।
નામ્નામષ્ટોત્તરશતં ચન્દ્રસ્ય પાપનાશનમ્ ॥ ૧૬ ॥
ચન્દ્રોદયે પઠેદ્યસ્તુ સ તુ સૌન્દર્યવાન્ ભવેત્ ।
પૌર્ણમાસ્યાં પઠેદેતં સ્તવં દિવ્યં વિશેષતઃ ॥ ૧૭ ॥
સ્તવસ્યાસ્ય પ્રસાદેન ત્રિસન્ધ્યાપઠિતસ્ય ચ ।
સદાપ્રસાદાસ્તિષ્ઠન્તિ બ્રાહ્મણાશ્ચ દ્વિજોત્તમ ॥ ૧૮ ॥
શ્રાદ્ધે ચાપિ પઠેદેતં સ્તવં પીયૂષરૂપિણમ્ ।
તત્તુ શ્રાદ્ધમનન્તઞ્ચ કલાનાથપ્રસાદતઃ ॥ ૧૯ ॥
દુઃસ્વપ્નનાશનં પુણ્યં દાહજ્વરવિનાશનમ્ ।
બ્રાહ્મણાદ્યાઃ પઠેયુસ્તુ સ્ત્રીશૂદ્રાઃ શૃણુયુસ્તથા ॥ ૨૦ ॥
ઇતિ બૃહદ્ધર્મપુરાણાન્તર્ગતં શ્રીચન્દ્રાષ્ટોત્તરશતનામસ્તોત્રં સમ્પૂર્ણમ્ ।
– Chant Stotra in Other Languages –
Chandra Slokam » Sri Chandra Ashtottara Shatanama Stotram 2 Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil