॥ Sri Kalishatanama Stotra Kannada Lyrics ॥
॥ ಶ್ರೀಕಾಲೀಶತನಾಮಸ್ತೋತ್ರಮ್ ॥
ಭೈರವ ಉವಾಚ –
ಶತನಾಮ ಪ್ರವಕ್ಷ್ಯಾಮಿ ಕಾಲಿಕಾಯಾ ವರಾನನೇ ।
ಯಸ್ಯ ಪ್ರಪಠನಾದ್ವಾಗ್ಮೀ ಸರ್ವತ್ರ ವಿಜಯೀ ಭವೇತ್ ॥ 1 ॥
ಕಾಲೀ ಕಪಾಲಿನೀ ಕಾನ್ತಾ ಕಾಮದಾ ಕಾಮಸುನ್ದರೀ ।
ಕಾಲರಾತ್ರಿಃ ಕಾಲಿಕಾ ಚ ಕಾಲಭೈರವಪೂಜಿತಾ ॥ 2 ॥
ಕುರುಕುಲ್ಲಾ ಕಾಮಿನೀ ಚ ಕಮನೀಯಸ್ವಭಾವಿನೀ ।
ಕುಲೀನಾ ಕುಲಕರ್ತ್ರೀ ಚ ಕುಲವರ್ತ್ಮಪ್ರಕಾಶಿನೀ ॥ 3 ॥
ಕಸ್ತೂರೀರಸನೀಲಾ ಚ ಕಾಮ್ಯಾ ಕಾಮಸ್ವರೂಪಿಣೀ ।
ಕಕಾರವರ್ಣನಿಲಯಾ ಕಾಮಧೇನುಃ ಕರಾಲಿಕಾ ॥ 4 ॥
ಕುಲಕಾನ್ತಾ ಕರಾಲಾಸ್ಯಾ ಕಾಮಾರ್ತಾ ಚ ಕಲಾವತೀ ।
ಕೃಶೋದರೀ ಚ ಕಾಮಾಖ್ಯಾ ಕೌಮಾರೀ ಕುಲಪಾಲಿನೀ ॥ 5 ॥
ಕುಲಜಾ ಕುಲಕನ್ಯಾ ಚ ಕುಲಹಾ ಕುಲಪೂಜಿತಾ ।
ಕಾಮೇಶ್ವರೀ ಕಾಮಕಾನ್ತಾ ಕುಂಜರೇಶ್ವರಗಾಮಿನೀ ॥ 6 ॥
ಕಾಮದಾತ್ರೀ ಕಾಮಹರ್ತ್ರೀ ಕೃಷ್ಣಾ ಚೈವ ಕಪರ್ದಿನೀ ।
ಕುಮುದಾ ಕೃಷ್ಣದೇಹಾ ಚ ಕಾಲಿನ್ದೀ ಕುಲಪೂಜಿತಾ ॥ 7 ॥
ಕಾಶ್ಯಪೀ ಕೃಷ್ಣಮಾತಾ ಚ ಕುಲಿಶಾಂಗೀ ಕಲಾ ತಥಾ ।
ಕ್ರೀಂರೂಪಾ ಕುಲಗಮ್ಯಾ ಚ ಕಮಲಾ ಕೃಷ್ಣಪೂಜಿತಾ ॥ 8 ॥
ಕೃಶಾಂಗೀ ಕಿನ್ನರೀ ಕರ್ತ್ರೀ ಕಲಕಂಠೀ ಚ ಕಾರ್ತಿಕೀ ।
ಕಮ್ಬುಕಂಠೀ ಕೌಲಿನೀ ಚ ಕುಮುದಾ ಕಾಮಜೀವಿನೀ ॥ 9 ॥
ಕುಲಸ್ತ್ರೀ ಕೀರ್ತ್ತಿಕಾ ಕೃತ್ಯಾ ಕೀರ್ತಿಶ್ಚ ಕುಲಪಾಲಿಕಾ ।
ಕಾಮದೇವಕಲಾ ಕಲ್ಪಲತಾ ಕಾಮಾಂಗವರ್ಧಿನೀ ॥ 10 ॥
ಕುನ್ತಾ ಚ ಕುಮುದಪ್ರೀತಾ ಕದಮ್ಬಕುಸುಮೋತ್ಸುಕಾ ।
ಕಾದಮ್ಬಿನೀ ಕಮಲಿನೀ ಕೃಷ್ಣಾನನ್ದಪ್ರದಾಯಿನೀ ॥ 11 ॥
ಕುಮಾರೀಪೂಜನರತಾ ಕುಮಾರೀಗಣಶೋಭಿತಾ ।
ಕುಮಾರೀರಂಜನರತಾ ಕುಮಾರೀವ್ರತಧಾರಿಣೀ ॥ 12 ॥
ಕಂಕಾಲೀ ಕಮನೀಯಾ ಚ ಕಾಮಶಾಸ್ತ್ರವಿಶಾರದಾ ।
ಕಪಾಲಖಟ್ವಾಂಗಧರಾ ಕಾಲಭೈರವರೂಪಿಣೀ ॥ 13 ॥
ಕೋಟರೀ ಕೋಟರಾಕ್ಷೀ ಚ ಕಾಶೀ ಕೈಲಾಸವಾಸಿನೀ ।
ಕಾತ್ಯಾಯನೀ ಕಾರ್ಯಕರೀ ಕಾವ್ಯಶಾಸ್ತ್ರಪ್ರಮೋದಿನೀ ॥ 14 ॥
ಕಾಮಾಕರ್ಷಣರೂಪಾ ಚ ಕಾಮಪೀಠನಿವಾಸಿನೀ ।
ಕಂಕಿನೀ ಕಾಕಿನೀ ಕ್ರೀಡಾ ಕುತ್ಸಿತಾ ಕಲಹಪ್ರಿಯಾ ॥ 15 ॥
ಕುಂಡಗೋಲೋದ್ಭವಪ್ರಾಣಾ ಕೌಶಿಕೀ ಕೀರ್ತಿವರ್ಧಿನೀ ।
ಕುಮ್ಭಸ್ತನೀ ಕಟಾಕ್ಷಾ ಚ ಕಾವ್ಯಾ ಕೋಕನದಪ್ರಿಯಾ ॥ 16 ॥
ಕಾನ್ತಾರವಾಸಿನೀ ಕಾನ್ತಿಃ ಕಠಿನಾ ಕೃಷ್ಣವಲ್ಲಭಾ ।
ಇತಿ ತೇ ಕಥಿತಂ ದೇವಿ ಗುಹ್ಯಾದ್ಗುಹ್ಯತರಂ ಪರಮ್ ॥ 17 ॥
ಪ್ರಪಠೇದ್ಯ ಇದಂ ನಿತ್ಯಂ ಕಾಲೀನಾಮಶತಾಷ್ಟಕಮ್ ।
ತ್ರಿಷು ಲೋಕೇಷು ದೇವೇಶಿ ತಸ್ಯಾಸಾಧ್ಯಂ ನ ವಿದ್ಯತೇ ॥ 18 ॥
ಪ್ರಾತಃಕಾಲೇ ಚ ಮಧ್ಯಾಹ್ನೇ ಸಾಯಾಹ್ನೇ ಚ ಸದಾ ನಿಶಿ ।
ಯಃ ಪಠೇತ್ಪರಯಾ ಭಕ್ತ್ಯಾ ಕಾಲೀನಾಮಶತಾಷ್ಟಕಮ್ ॥ 19 ॥
ಕಾಲಿಕಾ ತಸ್ಯ ಗೇಹೇ ಚ ಸಂಸ್ಥಾನಂ ಕುರುತೇ ಸದಾ ।
ಶೂನ್ಯಾಗಾರೇ ಶ್ಮಶಾನೇ ವಾ ಪ್ರಾನ್ತರೇ ಜಲಮಧ್ಯತಃ ॥ 20 ॥
ವಹ್ನಿಮಧ್ಯೇ ಚ ಸಂಗ್ರಾಮೇ ತಥಾ ಪ್ರಾಣಸ್ಯ ಸಂಶಯೇ ।
ಶತಾಷ್ಟಕಂ ಜಪನ್ಮನ್ತ್ರೀ ಲಭತೇ ಕ್ಷೇಮಮುತ್ತಮಮ್ ॥ 21 ॥
ಕಾಲೀಂ ಸಂಸ್ಥಾಪ್ಯ ವಿಧಿವತ್ ಸ್ತುತ್ವಾ ನಾಮಶತಾಷ್ಟಕೈಃ ।
ಸಾಧಕಸ್ಸಿದ್ಧಿಮಾಪ್ನೋತಿ ಕಾಲಿಕಾಯಾಃ ಪ್ರಸಾದತಃ ॥ 22 ॥
ಇತಿ ಶ್ರೀಕಾಲೀಶತನಾಮಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Goddess Durga Slokam » Sri Kali Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil