॥ Sri Garuda Ashtottara Shatanama Stotram Malayalam Lyrics ॥
॥ ശ്രീഗരുഡാഷ്ടോത്തരശതനാമസ്തോത്രം ॥
ശ്രീദേവ്യുവാച –
ദേവദേവ മഹാദേവ സര്‍വജ്ഞ കരുണാനിധേ ।
ശ്രോതുമിച്ഛാമി താര്‍ക്ഷ്യസ്യ നാംനാമഷ്ടോത്തരം ശതം ।
ഈശ്വര ഉവാച –
ശൃണു ദേവി പ്രവക്ഷ്യാമി ഗരുഡസ്യ മഹാത്മനഃ ।
നാംനാമഷ്ടോത്തരശതം പവിത്രം പാപനാശനം ॥
അസ്യ ശ്രീഗരുഡനാമാഷ്ടോത്തരശതമഹാമന്ത്രസ്യ ബ്രഹ്മാ ഋഷിഃ
അനുഷ്ടുപ് ഛന്ദഃ ഗരുഡോ ദേവതാ । പ്രണവോ ബീജം । വിദ്യാ ശക്തിഃ ।
വേദാദിഃ കീലകം । പക്ഷിരാജപ്രീത്യര്‍ഥേ ജപേ വിനിയോഗഃ ।
ധ്യാനം –
അമൃതകലശഹസ്തം കാന്തിസമ്പൂര്‍ണദേഹം
സകലവിബുധവന്ദ്യം വേദശാസ്ത്രൈരചിന്ത്യം ।
കനകരുചിരപക്ഷോദ്ധൂയമാനാണ്ഡഗോലം
സകലവിഷവിനാശം ചിന്തയേത്പക്ഷിരാജം ॥
ഓം । വൈനതേയഃ ഖഗപതിഃ കാശ്യപോഽഗ്നിര്‍മഹാബലഃ ।
തപ്തകാശ്ചനവര്‍ണാഭഃ സുപര്‍ണോ ഹരിവാഹനഃ ॥ 1 ॥
ഛന്ദോമയോ മഹാതേജാ മഹോത്സാഹോ മഹാബലഃ ।
ബ്രഹ്മണ്യോ വിഷ്ണുഭക്തശ്ച കുന്ദേന്ദുധവലാനനഃ ॥ 2 ॥
ചക്രപാണിധരഃ ശ്രീമാന്നാഗാരിര്‍നാഗഭൂഷണഃ ।
വിജ്ഞാനദോ വിശേഷജ്ഞോ വിദ്യാനിധിരനാമയഃ ॥ 3 ॥
ഭൂതിദോ ഭുവനത്രാതാ ഭൂശയോ ഭക്തവത്സലഃ ।
സപ്തച്ഛന്ദോമയഃ പക്ഷീ സുരാസുരസുപൂജിതഃ ॥ 4 ॥
ഗജഭുക് കച്ഛപാശീ ച ദൈത്യഹന്താഽരുണാനുജഃ ।
അമൃതാംശോഽമൃതവപുരാനന്ദനിധിരവ്യയഃ ॥ 5 ॥
നിഗമാത്മാ നിരാഹാരോ നിസ്ത്രൈഗുണ്യോ നിരപ്യയഃ ।
നിര്‍വികല്‍പഃ പരം ജ്യോതിഃ പരാത്പരതരഃ പരഃ ॥ 6 ॥
ശുഭാങ്ഗഃ ശുഭദഃ ശൂരഃ സൂക്ഷ്മരൂപീ ബൃഹത്തനുഃ ।
വിഷാശീ വിദിതാത്മാ ച വിദിതോ ജയവര്‍ധനഃ ॥ 7 ॥
ദാര്‍ഢ്യാങ്ഗോ ജഗദീശശ്ച ജനാര്‍ദനമഹാധ്വജഃ ।
സതാം സന്താപവിച്ഛേത്താ ജരാമരണവര്‍ജിതഃ ॥ 8 ॥
കല്യാണദഃ കലാതീതഃ കലാധരസമപ്രഭഃ ।
സോമപഃ സുരസങ്ഘേശോ യജ്ഞാങ്ഗോ യജ്ഞഭൂഷണഃ ॥ 9 ॥
മഹാജവോ ജിതാമിത്രോ മന്‍മഥപ്രിയബാന്ധവഃ ।
ശങ്ഖഭൃച്ചക്രധാരീ ച ബാലോ ബഹുപരാക്രമഃ ॥ 10 ॥
സുധാകുംഭധരോ ധീമാന്ദുരാധര്‍ഷോ ദുരാരിഹാ ।
വജ്രാങ്ഗോ വരദോ വന്ദ്യോ വായുവേഗോ വരപ്രദഃ ॥ 11 ॥
വിനതാനന്ദനഃ ശ്രീദോ വിജിതാരാതിസങ്ഗുലഃ ।
പതദ്വീരഷ്ഠഃ സര്‍വേശഃ പാപഹാ പാപനാശനഃ ॥ 12 ॥
അഗ്നിജിജ്ജയഘോഷശ്ച ജഗദാഹ്ലാദകാരകഃ ।
വജ്രനാസഃ സുവക്ത്രശ്ച മാരിഘ്നോ മദഭഞ്ജനഃ ॥ 13 ॥
കാലജ്ഞഃ കമലേഷ്ടശ്ച കലിദോഷനിവാരണഃ ।
വിദ്യുന്നിഭോ വിശാലാങ്ഗോ വിനതാദാസ്യമോചനഃ ॥ 14 ॥
സ്തോമാത്മാ ച ത്രയീമൂര്‍ധാ ഭൂമാ ഗായത്രലോചനഃ ।
സാമഗാനരതഃ സ്രഗ്വീ സ്വച്ഛന്ദഗതിരഗ്രണീഃ ॥ 15 ॥
ഇതീദം പരമം ഗുഹ്യം ഗരുഡസ്യ മഹാത്മനഃ
നാംനാമഷ്ടോത്തരശതം പവിത്രം പാപനാശനം ।
സ്തൂയമാനം മഹാദിവ്യം വിഷ്ണുനാ സമുദീരിതം ॥ 16 ॥
ഇതി ബ്രഹ്മാണ്ഡപുരാണാന്തര്‍ഗതം ഗരുഡാഷ്ടോത്തരശതനാമസ്തോത്രം സമ്പൂര്‍ണം ।
– Chant Stotra in Other Languages –
Garuda Deva Slokam » Sri Garuda Ashtottara Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil