॥ Sri Gitasara Guru Ashtottara Shatanamavali Stotram Gujarati Lyrics ॥
॥ શ્રીગીતાસાર ગુર્વષ્ટોત્તરશતનામાવલિસ્તોત્રમ્ ॥
શ્રીગણેશાય નમઃ ।
શ્રીગુરુભ્યો નમઃ ।
ગીતામધ્યગતૈરેવ ગ્રથિતેયં પદૈઃ શુભૈઃ ।
આચાર્યેન્દ્રપદામ્ભોજે ભક્ત્યા માલા સમર્પ્યતે ॥
વક્તું બ્રહ્મવિદાં શ્રેષ્ઠં મનોવાચામગોચરમ્ ।
કથમન્યાઃ સમર્થાઃ સ્યુર્વાચો ભાગવતીર્વિના ॥
પ્રશાન્તાત્મા વિગતભીર્યોગી વિગતકલ્મષઃ ।
યોગયુક્તો વિશુદ્ધાત્મા યતચિત્તેન્દ્રિયક્રિયઃ ॥ ૧ ॥
સ્વકર્મનિરતઃ શાન્તો ધર્માત્માઽમિતવિક્રમઃ ।
મુક્તસઙ્ગોઽનહંવાદી ધૃત્યુત્સાહસમન્વિતઃ ॥ ૨ ॥
સ્થિરબુદ્ધિરસંમૂઢો જિતાત્મા વિગતસ્પૃહઃ ।
સર્વસઙ્કલ્પસંન્યાસી ભક્તઃ સઙ્ગવિવર્જિતઃ ॥ ૩ ॥
વિવિક્તસેવી લઘ્વાશી યતવાક્કાયમાનસઃ ।
એકાકી યોગસંસિદ્ધો યોગારૂઢોઽપરિગ્રહઃ ॥ ૪ ॥
ધ્યાનયોગપરો મૌની સ્વસ્થઃ સંશુદ્ધકિલ્બિષઃ ।
વીતરાગભયક્રોધઃ સ્થિતધીર્વિગતજ્વરઃ ॥ ૫ ॥
સર્વારમ્ભપરિત્યાગી કૃત્સ્નવિત્ કૃત્સ્નકર્મકૃત્ ।
યતેન્દ્રિયમનોબુદ્ધિર્મુનિર્મોક્ષપરાયણઃ ॥ ૬ ॥
યદૃચ્છાલાભસન્તુષ્ટો દ્વન્દ્વાતીતો વિમત્સરઃ ।
અનિકેતઃ સ્થિરમતિર્મહાત્મા દૃઢનિશ્ચયઃ ॥ ૭ ॥
નિર્દ્વન્દ્વો નિત્યસત્ત્વસ્થો નિર્યોગક્ષેમ આત્મવાન્ ।
નિર્મમો નિરહઙ્કારઃ સમદુઃખસુખઃ ક્ષમી ॥ ૮ ॥
નિરાશીર્યતચિત્તાત્મા ત્યક્તસર્વપરિગ્રહઃ ।
અનપેક્ષઃ શુચિર્દક્ષ ઉદાસીનો ગતવ્યથઃ ॥ ૯ ॥
જ્ઞાનવિજ્ઞાનતૃપ્તાત્મા કૂટસ્થો વિજિતેન્દ્રિયઃ ।
નિસ્ત્રૈગુણ્યો વશી જ્ઞાની સમલોષ્ટાશ્મકાઞ્ચનઃ ॥ ૧૦ ॥
તુલ્યપ્રિયાપ્રિયો ધીરસ્તુલ્યનિન્દાત્મસંસ્તુતિઃ ।
ત્યાગી સત્ત્વસમાવિષ્ટો મેધાવી છિન્નસંશયઃ ॥ ૧૧ ॥
વિદ્વાનાત્મરતિર્મુક્તો નિત્યતૃપ્તો નિરાશ્રયઃ ।
અન્તસ્સુખોઽન્તરારામઃ સન્તુષ્ટઃ સર્વવિત્ પુમાન્ ॥ ૧૨ ॥
સર્વભૂતાત્મભૂતાત્મા તત્ત્વવિત્ સમદર્શનઃ ।
ગતિર્ભર્તા પ્રભુઃ સાક્ષી નિવાસઃ શરણં સુહૃત્ ॥ ૧૩ ॥
આત્મતૃપ્તો ગુરુઃ પૂજ્યો ગરીયાન્ પુરુષોત્તમઃ ।
બ્રહ્મભૂતઃ પ્રસન્નાત્મા લોકાનુગ્રહકામ્યયા ॥ ૧૪ ॥
સ્થિતપ્રજ્ઞો ગુણાતીતઃ ચન્દ્રશેખરભારતી ।
શારદાયાશ્ચરા મૂર્તિઃ શૃઙ્ગશૈલે વિરાજતે ॥ ૧૫ ॥
ઇતિ શ્રીચન્દ્રશેખરભારતીશિષ્યેણ શ્રી આર. કૃષ્ણસ્વામિના
રચિતં શ્રીગીતાસાર ગુર્વષ્ટોત્તરશતનામાવલિસ્તોત્રમ્ ॥
– Chant Stotra in Other Languages –
Sri Gitasara Guru Ashtottara Shatanamavali Stotram Lyrics in Sanskrit » English » Bengali » Kannada » Malayalam » Odia » Telugu » Tamil