॥ Sri Gitasara Guru Ashtottara Shatanamavali Stotram Malayalam Lyrics ॥
॥ ശ്രീഗീതാസാര ഗുര്‍വഷ്ടോത്തരശതനാമാവലിസ്തോത്രം ॥
ശ്രീഗണേശായ നമഃ ।
ശ്രീഗുരുഭ്യോ നമഃ ।
ഗീതാമധ്യഗതൈരേവ ഗ്രഥിതേയം പദൈഃ ശുഭൈഃ ।
ആചാര്യേന്ദ്രപദാംഭോജേ ഭക്ത്യാ മാലാ സമര്‍പ്യതേ ॥
വക്തും ബ്രഹ്മവിദാം ശ്രേഷ്ഠം മനോവാചാമഗോചരം ।
കഥമന്യാഃ സമര്‍ഥാഃ സ്യുര്‍വാചോ ഭാഗവതീര്‍വിനാ ॥
പ്രശാന്താത്മാ വിഗതഭീര്യോഗീ വിഗതകല്‍മഷഃ ।
യോഗയുക്തോ വിശുദ്ധാത്മാ യതചിത്തേന്ദ്രിയക്രിയഃ ॥ 1 ॥
സ്വകര്‍മനിരതഃ ശാന്തോ ധര്‍മാത്മാഽമിതവിക്രമഃ ।
മുക്തസങ്ഗോഽനഹംവാദീ ധൃത്യുത്സാഹസമന്വിതഃ ॥ 2 ॥
സ്ഥിരബുദ്ധിരസമ്മൂഢോ ജിതാത്മാ വിഗതസ്പൃഹഃ ।
സര്‍വസങ്കല്‍പസംന്യാസീ ഭക്തഃ സങ്ഗവിവര്‍ജിതഃ ॥ 3 ॥
വിവിക്തസേവീ ലഘ്വാശീ യതവാക്കായമാനസഃ ।
ഏകാകീ യോഗസംസിദ്ധോ യോഗാരൂഢോഽപരിഗ്രഹഃ ॥ 4 ॥
ധ്യാനയോഗപരോ മൌനീ സ്വസ്ഥഃ സംശുദ്ധകില്‍ബിഷഃ ।
വീതരാഗഭയക്രോധഃ സ്ഥിതധീര്‍വിഗതജ്വരഃ ॥ 5 ॥
സര്‍വാരംഭപരിത്യാഗീ കൃത്സ്നവിത് കൃത്സ്നകര്‍മകൃത് ।
യതേന്ദ്രിയമനോബുദ്ധിര്‍മുനിര്‍മോക്ഷപരായണഃ ॥ 6 ॥
യദൃച്ഛാലാഭസന്തുഷ്ടോ ദ്വന്ദ്വാതീതോ വിമത്സരഃ ।
അനികേതഃ സ്ഥിരമതിര്‍മഹാത്മാ ദൃഢനിശ്ചയഃ ॥ 7 ॥
നിര്‍ദ്വന്ദ്വോ നിത്യസത്ത്വസ്ഥോ നിര്യോഗക്ഷേമ ആത്മവാന്‍ ।
നിര്‍മമോ നിരഹങ്കാരഃ സമദുഃഖസുഖഃ ക്ഷമീ ॥ 8 ॥
നിരാശീര്യതചിത്താത്മാ ത്യക്തസര്‍വപരിഗ്രഹഃ ।
അനപേക്ഷഃ ശുചിര്‍ദക്ഷ ഉദാസീനോ ഗതവ്യഥഃ ॥ 9 ॥
ജ്ഞാനവിജ്ഞാനതൃപ്താത്മാ കൂടസ്ഥോ വിജിതേന്ദ്രിയഃ ।
നിസ്ത്രൈഗുണ്യോ വശീ ജ്ഞാനീ സമലോഷ്ടാശ്മകാഞ്ചനഃ ॥ 10 ॥
തുല്യപ്രിയാപ്രിയോ ധീരസ്തുല്യനിന്ദാത്മസംസ്തുതിഃ ।
ത്യാഗീ സത്ത്വസമാവിഷ്ടോ മേധാവീ ഛിന്നസംശയഃ ॥ 11 ॥
വിദ്വാനാത്മരതിര്‍മുക്തോ നിത്യതൃപ്തോ നിരാശ്രയഃ ।
അന്തസ്സുഖോഽന്തരാരാമഃ സന്തുഷ്ടഃ സര്‍വവിത് പുമാന്‍ ॥ 12 ॥
സര്‍വഭൂതാത്മഭൂതാത്മാ തത്ത്വവിത് സമദര്‍ശനഃ ।
ഗതിര്‍ഭര്‍താ പ്രഭുഃ സാക്ഷീ നിവാസഃ ശരണം സുഹൃത് ॥ 13 ॥
ആത്മതൃപ്തോ ഗുരുഃ പൂജ്യോ ഗരീയാന്‍ പുരുഷോത്തമഃ ।
ബ്രഹ്മഭൂതഃ പ്രസന്നാത്മാ ലോകാനുഗ്രഹകാംയയാ ॥ 14 ॥
സ്ഥിതപ്രജ്ഞോ ഗുണാതീതഃ ചന്ദ്രശേഖരഭാരതീ ।
ശാരദായാശ്ചരാ മൂര്‍തിഃ ശൃങ്ഗശൈലേ വിരാജതേ ॥ 15 ॥
ഇതി ശ്രീചന്ദ്രശേഖരഭാരതീശിഷ്യേണ ശ്രീ ആര. കൃഷ്ണസ്വാമിനാ
രചിതം ശ്രീഗീതാസാര ഗുര്‍വഷ്ടോത്തരശതനാമാവലിസ്തോത്രം ॥
– Chant Stotra in Other Languages –
Sri Gitasara Guru Ashtottara Shatanamavali Stotram Lyrics in Sanskrit » English » Bengali » Gujarati » Kannada » Odia » Telugu » Tamil