॥ Sri Goda Devi Ashtottara Shatanamavali Telugu Lyrics ॥
॥ శ్రీగోదాష్టోత్తరశతనామస్తోత్రమ్ ॥
ధ్యానమ్ ।
శతమఖమణి నీలా చారుకల్హారహస్తా
స్తనభరనమితాఙ్గీ సాన్ద్రవాత్సల్యసిన్ధుః ।
అలకవినిహితాభిః స్రగ్భిరాకృష్టనాథా
విలసతు హృది గోదా విష్ణుచిత్తాత్మజా నః ॥
అథ స్తోత్రమ్ ।
శ్రీరఙ్గనాయకీ గోదా విష్ణుచిత్తాత్మజా సతీ ।
గోపీవేషధరా దేవీ భూసుతా భోగశాలినీ ॥ ౧ ॥
తులసీకాననోద్భూతా శ్రీధన్విపురవాసినీ ।
భట్టనాథప్రియకరీ శ్రీకృష్ణహితభోగినీ ॥ ౨ ॥
ఆముక్తమాల్యదా బాలా రఙ్గనాథప్రియా పరా ।
విశ్వమ్భరా కలాలాపా యతిరాజసహోదరీ ॥ ౩ ॥
కృష్ణానురక్తా సుభగా సులభశ్రీః సలక్షణా ।
లక్ష్మీప్రియసఖీ శ్యామా దయాఞ్చితదృగఞ్చలా ॥ ౪ ॥
ఫల్గున్యావిర్భవా రమ్యా ధనుర్మాసకృతవ్రతా ।
చమ్పకాశోక-పున్నాగ-మాలతీ-విలసత్-కచా ॥ ౫ ॥
ఆకారత్రయసమ్పన్నా నారాయణపదాశ్రితా ।
శ్రీమదష్టాక్షరీమన్త్ర-రాజస్థిత-మనోరథా ॥ ౬ ॥
మోక్షప్రదాననిపుణా మనురత్నాధిదేవతా ।
బ్రహ్మణ్యా లోకజననీ లీలామానుషరూపిణీ ॥ ౭ ॥
బ్రహ్మజ్ఞానప్రదా మాయా సచ్చిదానన్దవిగ్రహా ।
మహాపతివ్రతా విష్ణుగుణకీర్తనలోలుపా ॥ ౮ ॥
ప్రపన్నార్తిహరా నిత్యా వేదసౌధవిహారిణీ ।
శ్రీరఙ్గనాథమాణిక్యమఞ్జరీ మఞ్జుభాషిణీ ॥ ౯ ॥
పద్మప్రియా పద్మహస్తా వేదాన్తద్వయబోధినీ ।
సుప్రసన్నా భగవతీ శ్రీజనార్దనదీపికా ॥ ౧౦ ॥
సుగన్ధవయవా చారురఙ్గమఙ్గలదీపికా ।
ధ్వజవజ్రాఙ్కుశాబ్జాఙ్క-మృదుపాద-లతాఞ్చితా ॥ ౧౧ ॥
తారకాకారనఖరా ప్రవాలమృదులాఙ్గులీ ।
కూర్మోపమేయ-పాదోర్ధ్వభాగా శోభనపార్ష్ణికా ॥ ౧౨ ॥
వేదార్థభావతత్త్వజ్ఞా లోకారాధ్యాఙ్ఘ్రిపఙ్కజా ।
ఆనన్దబుద్బుదాకార-సుగుల్ఫా పరమాఽణుకా ॥ ౧౩ ॥
తేజఃశ్రియోజ్జ్వలధృతపాదాఙ్గులి-సుభూషితా ।
మీనకేతన-తూణీర-చారుజఙ్ఘా-విరాజితా ॥ ౧౪ ॥
కకుద్వజ్జానుయుగ్మాఢ్యా స్వర్ణరమ్భాభసక్థికా ।
విశాలజఘనా పీనసుశ్రోణీ మణిమేఖలా ॥ ౧౫ ॥
ఆనన్దసాగరావర్త-గమ్భీరామ్భోజ-నాభికా ।
భాస్వద్బలిత్రికా చారుజగత్పూర్ణ-మహోదరీ ॥ ౧౬ ॥
నవవల్లీరోమరాజీ సుధాకుమ్భాయితస్తనీ ।
కల్పమాలానిభభుజా చన్ద్రఖణ్డ-నఖాఞ్చితా ॥ ౧౭ ॥
సుప్రవాశాఙ్గులీన్యస్తమహారత్నాఙ్గులీయకా ।
నవారుణప్రవాలాభ-పాణిదేశ-సమఞ్చితా ॥ ౧౮ ॥
కమ్బుకణ్ఠీ సుచుబుకా బిమ్బోష్ఠీ కున్దదన్తయుక్ ।
కారుణ్యరస-నిష్యన్ద-నేత్రద్వయ-సుశోభితా ॥ ౧౯ ॥
ముక్తాశుచిస్మితా చారుచామ్పేయనిభనాసికా ।
దర్పణాకార-విపుల-కపోల-ద్వితయాఞ్చితా ॥ ౨౦ ॥
అనన్తార్క-ప్రకాశోద్యన్మణి-తాటఙ్క-శోభితా ।
కోటిసూర్యాగ్నిసఙ్కాశ-నానాభూషణ-భూషితా ॥ ౨౧ ॥
సుగన్ధవదనా సుభ్రూ అర్ధచన్ద్రలలాటికా ।
పూర్ణచన్ద్రాననా నీలకుటిలాలకశోభితా ॥ ౨౨ ॥
సౌన్దర్యసీమా విలసత్-కస్తూరీ-తిలకోజ్జ్వలా ।
ధగద్ధ-గాయమానోద్యన్మణి-సీమన్త-భూషణా ॥ ౨౩ ॥
జాజ్వల్యమాల-సద్రత్న-దివ్యచూడావతంసకా ।
సూర్యార్ధచన్ద్ర-విలసత్-భూషణాఞ్చిత-వేణికా ॥ ౨౪ ॥
అత్యర్కానల-తేజోధిమణి-కఞ్చుకధారిణీ ।
సద్రత్నాఞ్చితవిద్యోత-విద్యుత్కుఞ్జాభ-శాటికా ॥ ౨౫ ॥
నానామణిగణాకీర్ణ-హేమాఙ్గదసుభూషితా ।
కుఙ్కుమాగరు-కస్తూరీ-దివ్యచన్దన-చర్చితా ॥ ౨౬ ॥
స్వోచితౌజ్జ్వల్య-వివిధ-విచిత్ర-మణి-హారిణీ ।
అసఙ్ఖ్యేయ-సుఖస్పర్శ-సర్వాతిశయ-భూషణా ॥ ౨౭ ॥
మల్లికా-పారిజాతాది దివ్యపుష్ప-స్రగఞ్చితా ।
శ్రీరఙ్గనిలయా పూజ్యా దివ్యదేశసుశోభితా ॥ ౨౮ ॥
॥ ఇతి శ్రీగోదాష్టోత్తరశతనామస్తోత్రం సమ్పూర్ణమ్ ॥
– Chant Stotra in Other Languages –
Sri Lakshmi Slokam » Sri Godadevi Ashtottara Shatanamavali Lyrics in Sanskrit » English » Bengali » Gujarati » Kannada » Malayalam » Odia » Tamil