॥ Brihannila Tantra Tara Shatanama Stotra Lyrics Kannada Lyrics ॥
॥ ತಾರಾಶತನಾಮಸ್ತೋತ್ರಮ್ ಬೃಹನ್ನೀಲತನ್ತ್ರಾರ್ಗತಮ್ ॥
ಶ್ರೀದೇವ್ಯುವಾಚ ।
ಸರ್ವಂ ಸಂಸೂಚಿತಂ ದೇವ ನಾಮ್ನಾಂ ಶತಂ ಮಹೇಶ್ವರ ।
ಯತ್ನೈಃ ಶತೈರ್ಮಹಾದೇವ ಮಯಿ ನಾತ್ರ ಪ್ರಕಾಶಿತಮ್ ॥ 20-1 ॥
ಪಠಿತ್ವಾ ಪರಮೇಶಾನ ಹಠಾತ್ ಸಿದ್ಧ್ಯತಿ ಸಾಧಕಃ ।
ನಾಮ್ನಾಂ ಶತಂ ಮಹಾದೇವ ಕಥಯಸ್ವ ಸಮಾಸತಃ ॥ 20-2 ॥
ಶ್ರೀಭೈರವ ಉವಾಚ ।
ಶೃಣು ದೇವಿ ಪ್ರವಕ್ಷ್ಯಾಮಿ ಭಕ್ತಾನಾಂ ಹಿತಕಾರಕಮ್ ।
ಯಜ್ಜ್ಞಾತ್ವಾ ಸಾಧಕಾಃ ಸರ್ವೇ ಜೀವನ್ಮುಕ್ತಿಮುಪಾಗತಾಃ ॥ 20-3 ॥
ಕೃತಾರ್ಥಾಸ್ತೇ ಹಿ ವಿಸ್ತೀರ್ಣಾ ಯಾನ್ತಿ ದೇವೀಪುರೇ ಸ್ವಯಮ್ ।
ನಾಮ್ನಾಂ ಶತಂ ಪ್ರವಕ್ಷ್ಯಾಮಿ ಜಪಾತ್ ಸ(ಅ)ರ್ವಜ್ಞದಾಯಕಮ್ ॥ 20-4 ॥
ನಾಮ್ನಾಂ ಸಹಸ್ರಂ ಸಂತ್ಯಜ್ಯ ನಾಮ್ನಾಂ ಶತಂ ಪಠೇತ್ ಸುಧೀಃ ।
ಕಲೌ ನಾಸ್ತಿ ಮಹೇಶಾನಿ ಕಲೌ ನಾನ್ಯಾ ಗತಿರ್ಭವೇತ್ ॥ 20-5 ॥
ಶೃಣು ಸಾಧ್ವಿ ವರಾರೋಹೇ ಶತಂ ನಾಮ್ನಾಂ ಪುರಾತನಮ್ ।
ಸರ್ವಸಿದ್ಧಿಕರಂ ಪುಂಸಾಂ ಸಾಧಕಾನಾಂ ಸುಖಪ್ರದಮ್ ॥ 20-6 ॥
ತಾರಿಣೀ ತಾರಸಂಯೋಗಾ ಮಹಾತಾರಸ್ವರೂಪಿಣೀ ।
ತಾರಕಪ್ರಾಣಹರ್ತ್ರೀ ಚ ತಾರಾನನ್ದಸ್ವರೂಪಿಣೀ ॥ 20-7 ॥
ಮಹಾನೀಲಾ ಮಹೇಶಾನೀ ಮಹಾನೀಲಸರಸ್ವತೀ ।
ಉಗ್ರತಾರಾ ಸತೀ ಸಾಧ್ವೀ ಭವಾನೀ ಭವಮೋಚಿನೀ ॥ 20-8 ॥
ಮಹಾಶಂಖರತಾ ಭೀಮಾ ಶಾಂಕರೀ ಶಂಕರಪ್ರಿಯಾ ।
ಮಹಾದಾನರತಾ ಚಂಡೀ ಚಂಡಾಸುರವಿನಾಶಿನೀ ॥ 20-9 ॥
ಚನ್ದ್ರವದ್ರೂಪವದನಾ ಚಾರುಚನ್ದ್ರಮಹೋಜ್ಜ್ವಲಾ ।
ಏಕಜಟಾ ಕುರಂಗಾಕ್ಷೀ ವರದಾಭಯದಾಯಿನೀ ॥ 20-10 ॥
ಮಹಾಕಾಲೀ ಮಹಾದೇವೀ ಗುಹ್ಯಕಾಲೀ ವರಪ್ರದಾ ।
ಮಹಾಕಾಲರತಾ ಸಾಧ್ವೀ ಮಹೈಶ್ವರ್ಯಪ್ರದಾಯಿನೀ ॥ 20-11 ॥
ಮುಕ್ತಿದಾ ಸ್ವರ್ಗದಾ ಸೌಮ್ಯಾ ಸೌಮ್ಯರೂಪಾ ಸುರಾರಿಹಾ ।
ಶಠವಿಜ್ಞಾ ಮಹಾನಾದಾ ಕಮಲಾ ಬಗಲಾಮುಖೀ ॥ 20-12 ॥
ಮಹಾಮುಕ್ತಿಪ್ರದಾ ಕಾಲೀ ಕಾಲರಾತ್ರಿಸ್ವರೂಪಿಣೀ ।
ಸರಸ್ವತೀ ಸರಿಚ್ಶ್ರೇಷ್ಠಾ ಸ್ವರ್ಗಂಗಾ ಸ್ವರ್ಗವಾಸಿನೀ ॥ 20-13 ॥
ಹಿಮಾಲಯಸುತಾ ಕನ್ಯಾ ಕನ್ಯಾರೂಪವಿಲಾಸಿನೀ ।
ಶವೋಪರಿಸಮಾಸೀನಾ ಮುಂಡಮಾಲಾವಿಭೂಷಿತಾ ॥ 20-14 ॥
ದಿಗಮ್ಬರಾ ಪತಿರತಾ ವಿಪರೀತರತಾತುರಾ ।
ರಜಸ್ವಲಾ ರಜಃಪ್ರೀತಾ ಸ್ವಯಮ್ಭೂಕುಸುಮಪ್ರಿಯಾ ॥ 20-15 ॥
ಸ್ವಯಮ್ಭೂಕುಸುಮಪ್ರಾಣಾ ಸ್ವಯಮ್ಭೂಕುಸುಮೋತ್ಸುಕಾ ।
ಶಿವಪ್ರಾಣಾ ಶಿವರತಾ ಶಿವದಾತ್ರೀ ಶಿವಾಸನಾ ॥ 20-16 ॥
ಅಟ್ಟಹಾಸಾ ಘೋರರೂಪಾ ನಿತ್ಯಾನನ್ದಸ್ವರೂಪಿಣೀ ।
ಮೇಘವರ್ಣಾ ಕಿಶೋರೀ ಚ ಯುವತೀಸ್ತನಕುಂಕುಮಾ ॥ 20-17 ॥
ಖರ್ವಾ ಖರ್ವಜನಪ್ರೀತಾ ಮಣಿಭೂಷಿತಮಂಡನಾ ।
ಕಿಂಕಿಣೀಶಬ್ದಸಂಯುಕ್ತಾ ನೃತ್ಯನ್ತೀ ರಕ್ತಲೋಚನಾ ॥ 20-18 ॥
ಕೃಶಾಂಗೀ ಕೃಸರಪ್ರೀತಾ ಶರಾಸನಗತೋತ್ಸುಕಾ ।
ಕಪಾಲಖರ್ಪರಧರಾ ಪಂಚಾಶನ್ಮುಂಡಮಾಲಿಕಾ ॥ 20-19 ॥
ಹವ್ಯಕವ್ಯಪ್ರದಾ ತುಷ್ಟಿಃ ಪುಷ್ಟಿಶ್ಚೈವ ವರಾಂಗನಾ ।
ಶಾನ್ತಿಃ ಕ್ಷಾನ್ತಿರ್ಮನೋ ಬುದ್ಧಿಃ ಸರ್ವಬೀಜಸ್ವರೂಪಿಣೀ ॥ 20-20 ॥
ಉಗ್ರಾಪತಾರಿಣೀ ತೀರ್ಣಾ ನಿಸ್ತೀರ್ಣಗುಣವೃನ್ದಕಾ ।
ರಮೇಶೀ ರಮಣೀ ರಮ್ಯಾ ರಾಮಾನನ್ದಸ್ವರೂಪಿಣೀ ॥ 20-21 ॥
ರಜನೀಕರಸಮ್ಪೂರ್ಣಾ ರಕ್ತೋತ್ಪಲವಿಲೋಚನಾ ।
ಇತಿ ತೇ ಕಥಿತಂ ದಿವ್ಯಂ ಶತಂ ನಾಮ್ನಾಂ ಮಹೇಶ್ವರಿ ॥ 20-22 ॥
ಪ್ರಪಠೇದ್ ಭಕ್ತಿಭಾವೇನ ತಾರಿಣ್ಯಾಸ್ತಾರಣಕ್ಷಮಮ್ ।
ಸರ್ವಾಸುರಮಹಾನಾದಸ್ತೂಯಮಾನಮನುತ್ತಮಮ್ ॥ 20-23 ॥
ಷಣ್ಮಾಸಾದ್ ಮಹದೈಶ್ವರ್ಯಂ ಲಭತೇ ಪರಮೇಶ್ವರಿ ।
ಭೂಮಿಕಾಮೇನ ಜಪ್ತವ್ಯಂ ವತ್ಸರಾತ್ತಾಂ ಲಭೇತ್ ಪ್ರಿಯೇ ॥ 20-24 ॥
ಧನಾರ್ಥೀ ಪ್ರಾಪ್ನುಯಾದರ್ಥಂ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ ।
ದಾರಾರ್ಥೀ ಪ್ರಾಪ್ನುಯಾದ್ ದಾರಾನ್ ಸರ್ವಾಗಮ(ಪುರೋ?ಪ್ರಚೋ)ದಿತಾನ್ ॥ 20-25 ॥
ಅಷ್ಟಮ್ಯಾಂ ಚ ಶತಾವೃತ್ತ್ಯಾ ಪ್ರಪಠೇದ್ ಯದಿ ಮಾನವಃ ।
ಸತ್ಯಂ ಸಿದ್ಧ್ಯತಿ ದೇವೇಶಿ ಸಂಶಯೋ ನಾಸ್ತಿ ಕಶ್ಚನ ॥ 20-26 ॥
ಇತಿ ಸತ್ಯಂ ಪುನಃ ಸತ್ಯಂ ಸತ್ಯಂ ಸತ್ಯಂ ಮಹೇಶ್ವರಿ ।
ಅಸ್ಮಾತ್ ಪರತರಂ ನಾಸ್ತಿ ಸ್ತೋತ್ರಮಧ್ಯೇ ನ ಸಂಶಯಃ ॥ 20-27 ॥
ನಾಮ್ನಾಂ ಶತಂ ಪಠೇದ್ ಮನ್ತ್ರಂ ಸಂಜಪ್ಯ ಭಕ್ತಿಭಾವತಃ ।
ಪ್ರತ್ಯಹಂ ಪ್ರಪಠೇದ್ ದೇವಿ ಯದೀಚ್ಛೇತ್ ಶುಭಮಾತ್ಮನಃ ॥ 20-28 ॥
ಇದಾನೀಂ ಕಥಯಿಷ್ಯಾಮಿ ವಿದ್ಯೋತ್ಪತ್ತಿಂ ವರಾನನೇ ।
ಯೇನ ವಿಜ್ಞಾನಮಾತ್ರೇಣ ವಿಜಯೀ ಭುವಿ ಜಾಯತೇ ॥ 20-29 ॥
ಯೋನಿಬೀಜತ್ರಿರಾವೃತ್ತ್ಯಾ ಮಧ್ಯರಾತ್ರೌ ವರಾನನೇ ।
ಅಭಿಮನ್ತ್ರ್ಯ ಜಲಂ ಸ್ನಿಗ್ಧಂ ಅಷ್ಟೋತ್ತರಶತೇನ ಚ ॥ 20-30 ॥
ತಜ್ಜಲಂ ತು ಪಿಬೇದ್ ದೇವಿ ಷಣ್ಮಾಸಂ ಜಪತೇ ಯದಿ ।
ಸರ್ವವಿದ್ಯಾಮಯೋ ಭೂತ್ವಾ ಮೋದತೇ ಪೃಥಿವೀತಲೇ ॥ 20-31 ॥
ಶಕ್ತಿರೂಪಾಂ ಮಹಾದೇವೀಂ ಶೃಣು ಹೇ ನಗನನ್ದಿನಿ ।
ವೈಷ್ಣವಃ ಶೈವಮಾರ್ಗೋ ವಾ ಶಾಕ್ತೋ ವಾ ಗಾಣಪೋಽಪಿ ವಾ ॥ 20-32 ॥
ತಥಾಪಿ ಶಕ್ತೇರಾಧಿಕ್ಯಂ ಶೃಣು ಭೈರವಸುನ್ದರಿ ।
ಸಚ್ಚಿದಾನನ್ದರೂಪಾಚ್ಚ ಸಕಲಾತ್ ಪರಮೇಶ್ವರಾತ್ ॥ 20-33 ॥
ಶಕ್ತಿರಾಸೀತ್ ತತೋ ನಾದೋ ನಾದಾದ್ ಬಿನ್ದುಸ್ತತಃ ಪರಮ್ ।
ಅಥ ಬಿನ್ದ್ವಾತ್ಮನಃ ಕಾಲರೂಪಬಿನ್ದುಕಲಾತ್ಮನಃ ॥ 20-34 ॥
ಜಾಯತೇ ಚ ಜಗತ್ಸರ್ವಂ ಸಸ್ಥಾವರಚರಾತ್ಮಕಮ್ ।
ಶ್ರೋತವ್ಯಃ ಸ ಚ ಮನ್ತವ್ಯೋ ನಿರ್ಧ್ಯಾತವ್ಯಃ ಸ ಏವ ಹಿ ॥ 20-35 ॥
ಸಾಕ್ಷಾತ್ಕಾರ್ಯಶ್ಚ ದೇವೇಶಿ ಆಗಮೈರ್ವಿವಿಧೈಃ ಶಿವೇ ।
ಶ್ರೋತವ್ಯಃ ಶ್ರುತಿವಾಕ್ಯೇಭ್ಯೋ ಮನ್ತವ್ಯೋ ಮನನಾದಿಭಿಃ ॥ 20-36 ॥
ಉಪಪತ್ತಿಭಿರೇವಾಯಂ ಧ್ಯಾತವ್ಯೋ ಗುರುದೇಶತಃ ।
ತದಾ ಸ ಏವ ಸರ್ವಾತ್ಮಾ ಪ್ರತ್ಯಕ್ಷೋ ಭವತಿ ಕ್ಷಣಾತ್ ॥ 20-37 ॥
ತಸ್ಮಿನ್ ದೇವೇಶಿ ಪ್ರತ್ಯಕ್ಷೇ ಶೃಣುಷ್ವ ಪರಮೇಶ್ವರಿ ।
ಭಾವೈರ್ಬಹುವಿಧೈರ್ದೇವಿ ಭಾವಸ್ತತ್ರಾಪಿ ನೀಯತೇ ॥ 20-38 ॥
ಭಕ್ತೇಭ್ಯೋ ನಾನಾಘಾಸೇಭ್ಯೋ ಗವಿ ಚೈಕೋ ಯಥಾ ರಸಃ ।
ಸದುಗ್ಧಾಖ್ಯಸಂಯೋಗೇ ನಾನಾತ್ವಂ ಲಭತೇ ಪ್ರಿಯೇ ॥ 20-39 ॥
ತೃಣೇನ ಜಾಯತೇ ದೇವಿ ರಸಸ್ತಸ್ಮಾತ್ ಪರೋ ರಸಃ ।
ತಸ್ಮಾತ್ ದಧಿ ತತೋ ಹವ್ಯಂ ತಸ್ಮಾದಪಿ ರಸೋದಯಃ ॥ 20-40 ॥
ಸ ಏವ ಕಾರಣಂ ತತ್ರ ತತ್ಕಾರ್ಯಂ ಸ ಚ ಲಕ್ಷ್ಯತೇ ।
ದೃಶ್ಯತೇ ಚ ಮಹಾದೇ(ವ?ವಿ)ನ ಕಾರ್ಯಂ ನ ಚ ಕಾರಣಮ್ ॥ 20-41 ॥
ತಥೈವಾಯಂ ಸ ಏವಾತ್ಮಾ ನಾನಾವಿಗ್ರಹಯೋನಿಷು ।
ಜಾಯತೇ ಚ ತತೋ ಜಾತಃ ಕಾಲಭೇದೋ ಹಿ ಭಾವ್ಯತೇ ॥ 20-42 ॥
ಸ ಜಾತಃ ಸ ಮೃತೋ ಬದ್ಧಃ ಸ ಮುಕ್ತಃ ಸ ಸುಖೀ ಪುಮಾನ್ ।
ಸ ವೃದ್ಧಃ ಸ ಚ ವಿದ್ವಾಂಶ್ಚ ನ ಸ್ತ್ರೀ ಪುಮಾನ್ ನಪುಂಸಕಃ ॥ 20-43 ॥
ನಾನಾಧ್ಯಾಸಸಮಾಯೋಗಾದಾತ್ಮನಾ ಜಾಯತೇ ಶಿವೇ ।
ಏಕ ಏವ ಸ ಏವಾತ್ಮಾ ಸರ್ವರೂಪಃ ಸನಾತನಃ ॥ 20-44 ॥
ಅವ್ಯಕ್ತಶ್ಚ ಸ ಚ ವ್ಯಕ್ತಃ ಪ್ರಕೃತ್ಯಾ ಜ್ಞಾಯತೇ ಧ್ರುವಮ್ ।
ತಸ್ಮಾತ್ ಪ್ರಕೃತಿಯೋಗೇನ ವಿನಾ ನ ಜ್ಞಾಯತೇ ಕ್ವಚಿತ್ ॥ 20-45 ॥
ವಿನಾ ಘಟತ್ವಯೋಗೇನ ನ ಪ್ರತ್ಯಕ್ಷೋ ಯಥಾ ಘಟಃ ।
ಇತರಾದ್ ಭಿದ್ಯಮಾನೋಽಪಿ ಸ ಭೇದಮುಪಗಚ್ಛತಿ ॥ 20-46 ॥
ಮಾಂ ವಿನಾ ಪುರುಷೇ ಭೇದೋ ನ ಚ ಯಾತಿ ಕಥಂಚನ ।
ನ ಪ್ರಯೋಗೈರ್ನ ಚ ಜ್ಞಾನೈರ್ನ ಶ್ರುತ್ಯಾ ನ ಗುರುಕ್ರಮೈಃ ॥ 20-47 ॥
ನ ಸ್ನಾನೈಸ್ತರ್ಪಣೈರ್ವಾಪಿ ನಚ ದಾನೈಃ ಕದಾಚನ ।
ಪ್ರಕೃತ್ಯಾ ಜ್ಞಾಯತೇ ಹ್ಯಾತ್ಮಾ ಪ್ರಕೃತ್ಯಾ ಲುಪ್ಯತೇ ಪುಮಾನ್ ॥ 20-48 ॥
ಪ್ರಕೃತ್ಯಾಧಿಷ್ಠಿತಂ ಸರ್ವಂ ಪ್ರಕೃತ್ಯಾ ವಂಚಿತಂ ಜಗತ್ ।
ಪ್ರಕೃತ್ಯಾ ಭೇದಮಾಪ್ನೋತಿ ಪ್ರಕೃತ್ಯಾಭೇದಮಾಪ್ನುಯಾತ್ ॥ 20-49 ॥
ನರಸ್ತು ಪ್ರಕೃತಿರ್ನೈವ ನ ಪುಮಾನ್ ಪರಮೇಶ್ವರಃ ।
ಇತಿ ತೇ ಕಥಿತಂ ತತ್ತ್ವಂ ಸರ್ವಸಾರಮನೋರಮಮ್ ॥ 20-50 ॥
ಇತಿ ಶ್ರೀಬೃಹನ್ನೀಲತನ್ತ್ರೇ ಭೈರವಭೈರವೀಸಂವಾದೇ ತಾರಾಶತನಾಮ
ತತ್ತ್ವಸಾರನಿರೂಪಣಂ ವಿಂಶಃ ಪಟಲಃ ॥ 20 ॥
– Chant Stotra in Other Languages –
Goddess Durga Slokam » Tara Shatanama Stotram from Brihannila Tantra Lyrics in Sanskrit » English » Bengali » Gujarati » Malayalam » Odia » Telugu » Tamil