॥ Sri Dakshinamurti Ashtottara Shatanama Stotram Telugu Lyrics ॥
॥ శ్రీదక్షిణామూర్తి అష్టోత్తర శతనామస్తోత్ర ॥
॥ అథ ధ్యానమ్ ॥
వటవృక్ష తటాసీనం యోగీ ధ్యేయాంఘ్రి పఙ్కజమ్।
శరశ్చన్ద్ర నిభం పూజ్యం జటాముకుట మణ్డితమ్ ॥ ౧ ॥
గఙ్గాధరం లలాటాక్షం వ్యాఘ్ర చర్మామ్బరావృతమ్।
నాగభూషం పరంబ్రహ్మ ద్విజరాజవతంసకమ్ ॥ ౨ ॥
అక్షమాలా జ్ఞానముద్రా వీణా పుస్తక శోభితమ్।
శుకాది వృద్ధ శిష్యాఢ్యం వేద వేదాన్తగోచరమ్ ॥ ౩ ॥
యువానాం మన్మథారాతిం దక్షిణామూర్తిమాశ్రయే।
॥ అథ దక్షిణామూర్తి అష్టోత్తర శతనామ స్తోత్రం ॥
ఓం విద్యారూపీ మహాయోగీ శుద్ధ జ్ఞానీ పినాకధృత్ ।
రత్నాలంకృత సర్వాఙ్గీ రత్నమౌళిర్జటాధరః ॥ ౧ ॥
గఙ్గాధర్యచలావాసీ మహాజ్ఞానీ సమాధికృత్।
అప్రమేయో యోగనిధిర్తారకో భక్తవత్సలః ॥ ౨ ॥
బ్రహ్మరూపీ జగద్వ్యాపీ విష్ణుమూర్తిః పురాతనః ।
ఉక్షవాహశ్చర్మవాసాః పీతామ్బర విభూషణః ॥ ౩ ॥
మోక్షదాయీ మోక్ష నిధిశ్చాన్ధకారీ జగత్పతిః।
విద్యాధారీ శుక్ల తనుః విద్యాదాయీ గణాధిపః ॥ ౪ ॥
ప్రౌఢాపస్మృతి సంహర్తా శశిమౌళిర్మహాస్వనః ।
సామ ప్రియోఽవ్యయః సాధుః సర్వ వేదైరలఙ్కృతః ॥ ౫ ॥
హస్తే వహ్నిధరః శ్రీమాన్ మృగధారీ వశఙ్కరః ।
యజ్ఞనాథ క్రతుధ్వంసీ యజ్ఞభోక్తా యమాన్తకః ॥ ౬ ॥
భక్తానుగ్రహ మూర్తిశ్చ భక్తసేవ్యో వృషధ్వజః ।
భస్మోధ్దూలిత సర్వాఙ్గః చాక్షమాలాధరోమహాన్ ॥ ౭ ॥
త్రయీమూర్తిః పరంబ్రహ్మ నాగరాజైరలఙ్కృతః ।
శాన్తరూపో మహాజ్ఞానీ సర్వ లోక విభూషణః ॥ ౮ ॥
అర్ధనారీశ్వరో దేవోమునిస్సేవ్యస్సురోత్తమః ।
వ్యాఖ్యానదేవో భగవాన్ రవి చన్ద్రాగ్ని లోచనః ॥ ౯ ॥
జగద్గురుర్మహాదేవో మహానన్ద పరాయణః ।
జటాధారీ మహాయోగీ జ్ఞానమాలైరలఙ్కృతః ॥ ౧౦ ॥
వ్యోమగఙ్గా జల స్థానః విశుద్ధో యతిరూర్జితః ।
తత్త్వమూర్తిర్మహాయోగీ మహాసారస్వతప్రదః ॥ ౧౧।
వ్యోమమూర్తిశ్చ భక్తానాం ఇష్టకామ ఫలప్రదః ।
పరమూర్తిః చిత్స్వరూపీ తేజోమూర్తిరనామయః ॥ ౧౨ ॥
వేదవేదాఙ్గ తత్త్వజ్ఞః చతుఃష్షష్టి కలానిధిః ।
భవరోగ భయధ్వంసీ భక్తానామభయప్రదః ॥ ౧౩ ॥
నీలగ్రీవో లలాటాక్షో గజ చర్మాగతిప్రదః ।
అరాగీ కామదశ్చాథ తపస్వీ విష్ణువల్లభః ॥ ౧౪ ॥
బ్రహ్మచారీ చ సన్యాసీ గృహస్థాశ్రమ కారణః ।
దాన్తః శమవతాం శ్రేష్ఠో సత్యరూపో దయాపరః ॥ ౧౫ ॥
యోగపట్టాభిరామశ్చ వీణాధారీ విచేతనః ।
మతిప్రజ్ఞా సుధాధారీ ముద్రాపుస్తక ధారణః ॥ ౧౬ ॥
వేతాలాది పిశాచౌఘ రాక్షసౌఘ వినాశనః ।
రాజ యక్ష్మాది రోగాణాం వినిహన్తా సురేశ్వరః ॥
॥ ఇతి శ్రీ దక్షిణామూర్తి అష్టోత్తర శతనామ స్తోత్రం సమ్పూర్ణమ్ ॥
– Chant Stotra in Other Languages –
Sri Dakshinamoorthy Slokam » Dakshinamurti Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil