॥ Rama Ashtottara Shatanama Stotram 3 Kannada Lyrics ॥
॥ ಶ್ರೀರಾಮಾಷ್ಟೋತ್ತರಶತನಾಮಸ್ತೋತ್ರಮ್ 3 ॥
ಶ್ರೀಗಣೇಶಾಯ ನಮಃ ॥
ವಾಲ್ಮೀಕಿರುವಾಚ ।
ಯೈಸ್ತು ನಾಮಸಹಸ್ರಸ್ಯ ಪತನಂ ನ ಭವೇತ್ಸದಾ ।
ರಚಿತಂ ನಿತ್ಯಪಾಠಾಯ ತೇಭ್ಯಃ ಸ್ವಲ್ಪಾಕ್ಷರಂ ಮಯಾ ॥ 1 ॥
ಅಷ್ಟೋತ್ತರಶತಂ ನಾಮ್ನಾಮಾದರೇಣ ಪಠನ್ತು ತೇ ।
ರಾಮಪಾದಾರವಿನ್ದಶ್ರೀಪ್ರಾಪ್ತಿಂ ತೇಷಾಂ ಚ ಪ್ರಾರ್ಥಯೇ ॥ 2 ॥
ಗುಣಾನಾಂ ಚಿನ್ತನಂ ನಿತ್ಯಂ ದುರ್ಗುಣಾನಾಂ ವಿವರ್ಜನಮ್ ।
ಸಾಧಕಾನಾಂ ಸದಾ ವೃತ್ತಿಃ ಪರಮಾರ್ಥಪರಾ ಭವೇತ್ ॥ 3 ॥
ಯಥಾ ತು ವ್ಯಸನೇ ಪ್ರಾಪ್ತೇ ರಾಘವಃ ಸ್ಥಿರನಿಶ್ಚಯಃ ।
ವಿಜಯಂ ಪ್ರಾಪ್ತವಾನನ್ತೇ ಪ್ರಾಪ್ನುವನ್ತು ಚ ಸಜ್ಜನಾಃ ॥ 4 ॥
ಶ್ರೀಗಣೇಶಾಯ ನಮಃ ।
ಸಮ್ರಾಡ್ದಕ್ಷಿಣಮಾರ್ಗಸ್ಥಃ ಸಹೋದರಪರೀವೃತಃ ।
ಸಾಧುಕಲ್ಪತರುರ್ವಶ್ಯೋ ವಸನ್ತಋತುಸಮ್ಭವಃ ॥ 5 ॥
ಸುಮನ್ತ್ರಾದರಸಮ್ಪೂಜ್ಯೋ ಯೌವರಾಜ್ಯವಿನಿರ್ಗತಃ ।
ಸುಬನ್ಧುಃ ಸುಮಹನ್ಮಾರ್ಗೀ ಮೃಗಯಾಖೇಲಕೋವಿದಃ ॥ 6 ॥
ಸರಿತ್ತೀರನಿವಾಸಸ್ಥೋ ಮಾರೀಚಮೃಗಮಾರ್ಗಣಃ ।
ಸದೋತ್ಸಾಹೀ ಚಿರಸ್ಥಾಯೀ ಸ್ಪಷ್ಟಭಾಷಣಶೋಭನಃ ॥ 7 ॥
ಸ್ತ್ರೀಶೀಲಸಂಶಯೋದ್ಧಿಗ್ನೋ ಜಾತವೇದ ಪ್ರಕೀರ್ತಿತಃ ।
ಸ್ವಯಮ್ಬೋಧಸ್ತಮೋಹಾರೀ ಪುಣ್ಯಪಾದೋಽರಿದಾರುಣಃ ॥ 8 ॥
ಸಾಧುಪಕ್ಷಪರೋ ಲೀನಃ ಶೋಕಲೋಹಿತಲೋಚನಃ ।
ಸಂಸಾರವನದಾವಾಗ್ರಿಃ ಸಹಕಾರ್ಯಸಮುತ್ಸುಕಃ ॥ 9 ॥
ಸೇನಾವ್ಯೂಹಪ್ರವೀಣಃ ಸ್ತ್ರೀಲಾಂಛನಕೃತಸಂಗರಃ ।
ಸತ್ಯಾಗ್ರಹೀ ವನಗ್ರಾಹೀ ಕರಗ್ರಾಹೀ ಶುಭಾಕೃತಿಃ ॥ 10 ॥
ಸುಗ್ರೀವಾಭಿಮತೋ ಮಾನ್ಯೋ ಮನ್ಯುನಿರ್ಜ್ಜಿತಸಾಗರಃ ।
ಸುತದ್ವಯಯುತಃ ಸೀತಾಶ್ವಾರ್ಭಗಮನಾಕುಲಃ ॥ 11 ॥
ಸುಪ್ರಮಾಣಿತಸರ್ವಾಂಗಃ ಪುಷ್ಪಮಾಲಾಸುಶೋಭಿತಃ ।
ಸುಗತಃ ಸಾನುಜೋ ಯೋದ್ಧಾ ದಿವ್ಯವಸ್ತ್ರಾದಿಶೋಭನಃ ॥ 12 ॥
ಸಮಾಧಾತಾ ಸಮಾಕಾರಃ ಸಮಾಹಾರಃ ಸಮನ್ವಯಃ ।
ಸಮಯೋಗೀ ಸಮುತ್ಕರ್ಷಃ ಸಮಭಾವಃ ಸಮುದ್ಯತಃ ॥ 13 ॥
ಸಮದೃಷ್ಟಿಃ ಸಮಾರಮ್ಭಃ ಸಮವೃತ್ತಿಃ ಸಮದ್ಯುತಿಃ ।
ಸದೋದಿತೋ ನವೋನ್ಮೇಷಃ ಸದಸದ್ವಾಚಕಃ ಪುಮಾನ್ ॥ 14 ॥
ಹರಿಣಾಕೃಷ್ಟವೈದೇಹೀಪ್ರೇರಿತಃ ಪ್ರಿಯದರ್ಶನಃ ।
ಹೃತದಾರ ಉದಾರಶ್ರೀರ್ಜನಶೋಕವಿಶೋಷಣಃ ॥ 15 ॥
ಹನುಮದ್ವಾಹನೋಽಗಮ್ಯಃ ಸುಗಮಃ ಸಜ್ಜನಪ್ರಿಯಃ ।
ಹನುಮದ್ದೂತಸಪನ್ನೋ ಮೃಗಾಕೃಷ್ಟಃ ಸುಖೋದಧಿಃ ॥ 16 ॥
ಹೃನ್ಮನ್ದಿರಸ್ಥಚಿನ್ಮೂರ್ತಿರ್ಮೃದೂ ರಾಜೀವಲೋಚನಃ ।
ಕ್ಷತ್ರಾಗ್ರಣೀಸ್ತಮಾಲಾಭೋ ರುದನಕ್ಲಿನ್ನಲೋಚನಃ ॥ 17 ॥
ಕ್ಷೀಣಾಯುರ್ಜನಕಾಹೂತೋ ರಕ್ಷೋಘ್ನೋ ಋಕ್ಷವತ್ಸಲಃ ।
ಜ್ಞಾನಚಕ್ಷುರ್ಯೋಗವಿಜ್ಞೋ ಯುಕ್ತಿಜ್ಞೋ ಯುಗಭೂಷಣಃ ॥ 18 ॥
ಸೀತಾಕಾನ್ತಶ್ಚಿತ್ರಮೂರ್ತಿಃ ಕೈಕೇಯೀಸುತಬಾನ್ಧವಃ ।
ಪೌರಪ್ರಿಯಃ ಪೂರ್ಣಕರ್ಮಾ ಪುಣ್ಯಕರ್ಮಪಯೋನಿಧಿಃ ॥ 19 ॥
ಸುರಾಜ್ಯಸ್ಥಾಪಕಶ್ಚಾತುರ್ವರ್ಣ್ಯಸಂಯೋಜಕಃ ಕ್ಷಮಃ ।
ದ್ವಾಪರಸ್ಥೋ ಮಹಾನಾತ್ಮಾ ಸುಪ್ರತಿಷ್ಠೋ ಯುಗನ್ಧರಃ ॥ 20 ॥
ಪುಣ್ಯಪ್ರಣತಸನ್ತೋಷಃ ಶುದ್ಧಃ ಪತಿತಪಾವನಃ ।
ಪೂರ್ಣೋಽಪೂರ್ಣೋಽನುಜಪ್ರಾಣಃ ಪ್ರಾಪ್ಯೋ ನಿಜಹೃದಿ ಸ್ವಯಮ್ ॥ 21 ॥
ವೈದೇಹೀಪ್ರಾಣನಿಲಯಃ ಶರಣಣತವತ್ಸಲಃ ।
ಶುಭೇಚ್ಛಾಪುರ್ವಕಂ ಸ್ತೋತ್ರಂ ಪಠನೀಯಂ ದಿನೇ ದಿನೇ ।
ಅಷ್ಟೋತ್ತರಶತಂ ನಾಮ್ನಾಂ ರಾಘವಸ್ಯ ಪಠೇನ್ನರಃ ॥ 22 ॥
ಇಷ್ಟಂ ಲಬ್ಧ್ವಾ ಸದಾ ಶಾನ್ತಃ ಸಾಮರ್ಥ್ಯಸಹಿತೋ ಭವೇತ್ ।
ನಿತ್ಯಂ ರಾಮೇಣ ಸಹಿತೋ ನಿವಾಸಸ್ತಸ್ಯ ವಾ ಭವೇತ್ ॥ 23 ॥
ಇತಿ ಶ್ರೀ ಅನನ್ತಸುತಶ್ರೀದಿವಾಕರವಿರಚಿತಂ
ಶ್ರೀರಾಮಾಷ್ಟೋತ್ತರಶತನಾಮಸ್ತೋತ್ರಂ 3 ಸಮ್ಪೂರ್ಣಮ್ ॥
– Chant Stotra in Other Languages –
Sri Vishnu Slokam » Sri Rama Ashtottara Shatanama Stotram 3 Lyrics in Sanskrit » English » Bengali » Gujarati » Malayalam » Odia » Telugu » Tamil