॥ Sri Vidyaranya Ashtottara Shatanama Stotram Telugu Lyrics ॥
॥ శ్రీ విద్యారణ్యాష్టోత్తరశతనామ స్తోత్రమ్ ॥
విద్యారణ్యమహాయోగీ మహావిద్యాప్రకాశకః ।
శ్రీవిద్యానగరోద్ధర్తా విద్యారత్నమహోదధిః ॥ ౧ ॥
రామాయణమహాసప్తకోటిమంత్రప్రకాశకః ।
శ్రీదేవీకరుణాపూర్ణః పరిపూర్ణమనోరథః ॥ ౨ ॥
విరూపాక్షమహాక్షేత్రస్వర్ణవృష్టిప్రకల్పకః ।
వేదత్రయోల్లసద్భాష్యకర్తా తత్త్వార్థకోవిదః ॥ ౩ ॥
భగవత్పాదనిర్ణీతసిద్ధాన్తస్థాపనప్రభుః ।
వర్ణాశ్రమవ్యవస్థాతా నిగమాగమసారవిత్ ॥ ౪ ॥
శ్రీమత్కర్ణాటరాజ్యశ్రీసంపత్సింహాసనప్రదః ।
శ్రీమద్బుక్కమహీపాలరాజ్యపట్టాభిషేకకృత్ ॥ ౫ ॥
ఆచార్యకృతభాష్యాదిగ్రన్థవృత్తిప్రకల్పకః ।
సకలోపనిషద్భాష్యదీపికాదిప్రకాశకృత్ ॥ ౬ ॥
సర్వశాస్త్రార్థతత్త్వజ్ఞో మన్త్రశాస్త్రాబ్ధిమన్థరః ।
విద్వన్మణిశిరశ్శ్లాఘ్యబహుగ్రన్థవిధాయకః ॥ ౭ ॥
సారస్వతసముద్ధర్తా సారాసారవిచక్షణః ।
శ్రౌతస్మార్తసదాచారసంస్థాపనధురన్ధరః ॥ ౮ ॥
వేదశాస్త్రబహిర్భూతదుర్మతాంబోధిశోషకః ।
దుర్వాదిగర్వదావాగ్నిః ప్రతిపక్షేభకేసరీ ॥ ౯ ॥
యశోజైవాతృకజ్యోత్స్నాప్రకాశితదిగన్తరః ।
అష్టాఙ్గయోగనిష్ణాతస్సాఙ్ఖ్యయోగవిశారదః ॥ ౧౦ ॥
రాజాధిరాజసందోహపూజ్యమానపదాంబుజః ।
మహావైభవసమ్పన్న ఔదార్యశ్రీనివాసభూః ॥ ౧౧ ॥
తిర్యగాన్దోలికాముఖ్యసమస్తబిరుదార్జకః ।
మహాభోగీ మహాయోగీ వైరాగ్యప్రథమాశ్రయః ॥ ౧౨ ॥
శ్రీమాన్పరమహంసాదిసద్గురుః కరుణానిధిః ।
తపఃప్రభావనిర్ధూతదుర్వారకలివైభవః ॥ ౧౩ ॥
నిరంతరశివధ్యానశోషితాఖిలకల్మషః ।
నిర్జితారాతిషడ్వర్గో దారిద్ర్యోన్మూలనక్షమః ॥ ౧౪ ॥
జితేన్ద్రియస్సత్యవాదీ సత్యసన్ధో దృఢవ్రతః ।
శాన్తాత్మా సుచరిత్రాఢ్యస్సర్వభూతహితోత్సుకః ॥ ౧౫ ॥
కృతకృత్యో ధర్మశీలో దాంతో లోభవివర్జితః ।
మహాబుద్ధిర్మహావీర్యో మహాతేజా మహామనాః ॥ ౧౬ ॥
తపోరాశిర్జ్ఞానరాశిః కళ్యాణగుణవరిధిః ।
నీతిశాస్త్రసముద్ధర్తా ప్రాజ్ఞమౌళిశిరోమణిః ॥ ౧౭ ॥
శుద్ధసత్త్వమయోధీరో దేశకాలవిభాగవిత్ ।
అతీన్ద్రియజ్ఞాననిధిర్భూతభావ్యర్థకోవిదః ॥ ౧౮ ॥
గుణత్రయవిభాగజ్ఞస్సన్యాసాశ్రమదీక్షితః ।
జ్ఞానాత్మకైకదణ్డాఢ్యః కౌసుంభవసనోజ్జ్వలః ॥ ౧౯ ॥
రుద్రాక్షమాలికాధారీ భస్మోద్ధూళితదేహవాన్ ।
అక్షమాలాలసద్ధస్తస్త్రిపుణ్డ్రాఙ్కితమస్తకః ॥ ౨౦ ॥
ధరాసురతపస్సమ్పత్ఫలం శుభమహోదయః ।
చన్ద్రమౌళీశ్వరశ్రీమత్పాదపద్మార్చనోత్సుకః ॥ ౨౧ ॥
శ్రీమచ్ఛఙ్కరయోగీన్ద్రచరణాసక్తమానసః ।
రత్నగర్భగణేశానప్రపూజనపరాయణః ॥ ౨౨ ॥
శారదాంబాదివ్యపీఠసపర్యాతత్పరాశయః ।
అవ్యాజకరుణామూర్తిః ప్రజ్ఞానిర్జితగీష్పతిః ॥ ౨౩ ॥
సుజ్ఞానసత్కృతజగల్లోకానన్దవిధాయకః ।
వాణీవిలాసభవనం బ్రహ్మానన్దైకలోలుపః ॥ ౨౪ ॥
నిర్మమో నిరహంకారో నిరాలస్యో నిరాకులః ।
నిశ్చింతో నిత్యసంతుష్టో నియతాత్మా నిరామయః ॥ ౨౫ ॥
గురుభూమణ్డలాచార్యో గురుపీఠప్రతిష్ఠితః ।
సర్వతన్త్రస్వతన్త్రశ్చ యన్త్రమన్త్రవిచక్షణః ॥ ౨౬ ॥
శిష్టేష్టఫలదాతా చ దుష్టనిగ్రహదీక్షితః ।
ప్రతిజ్ఞాతార్థనిర్వోఢా నిగ్రహానుగ్రహప్రభుః ॥ ౨౭ ॥
జగత్పూజ్యస్సదానందస్సాక్షాచ్ఛఙ్కరరూపభృత్ ।
మహాలక్ష్మీమహామన్త్రపురశ్చర్యాపరాయణః ॥ ౨౮ ॥
విద్యారణ్యమహాయోగి నమ్నామష్టోత్తరం శతమ్ ।
యః పఠేత్సతతం సంపత్సారస్వతనిధిర్భవేత్ ॥ ౨౯ ॥
ఇతి శ్రీవిద్యారణ్యాష్టోత్తరశతనామస్తోత్రమ్ ।
– Chant Stotra in Other Languages –
Sri Vidyaranya Ashtottara Shatanama Stotram in English – Sanskrit – Kannada – Telugu – Tamil