॥ ಶ್ರೀರಾಮಪ್ರಾತಃಸ್ಮರಣಮ್ ಶ್ರೀರಾಮಪಂಚಕಮ್ Kannada Lyrics ॥
ಪ್ರಾತಃ ಸ್ಮರಾಮಿ ರಘುನಾಥಮುಖಾರವಿನ್ದಂ
ಮನ್ದಸ್ಮಿತಂ ಮಧುರಭಾಷಿ ವಿಶಾಲಭಾಲಮ್ ।
ಕರ್ಣಾವಲಮ್ಬಿಚಲಕುಂಡಲಶೋಭಿಗಂಡಂ
ಕರ್ಣಾನ್ತದೀರ್ಘನಯನಂ ನಯನಾಭಿರಾಮಮ್ ॥ 1॥
ಪ್ರಾತರ್ಭಜಾಮಿ ರಘುನಾಥಕರಾರವಿನ್ದಂ
ರಕ್ಷೋಗಣಾಯ ಭಯದಂ ವರದಂ ನಿಜೇಭ್ಯಃ ।
ಯದ್ರಾಜಸಂಸದಿ ವಿಭಜ್ಯ ಮಹೇಶಚಾಪಂ
ಸೀತಾಕರಗ್ರಹಣಮಂಗಲಮಾಪ ಸದ್ಯಃ ॥ 2॥
ಪ್ರಾತರ್ನಮಾಮಿ ರಘುನಾಥಪದಾರವಿನ್ದಂ
ವಜ್ರಾಂಕುಶಾದಿಶುಭರೇಖಿ ಸುಖಾವಹಂ ಮೇ ।
ಯೋಗೀನ್ದ್ರಮಾನಸಮಧುವ್ರತಸೇವ್ಯಮಾನಂ
ಶಾಪಾಪಹಂ ಸಪದಿ ಗೌತಮಧರ್ಮಪತ್ನ್ಯಾಃ ॥ 3॥
ಪ್ರಾತರ್ವದಾಮಿ ವಚಸಾ ರಘುನಾಥ ನಾಮ
ವಾಗ್ದೋಷಹಾರಿ ಸಕಲಂ ಶಮಲಂ ನಿಹನ್ತಿ ।
ಯತ್ಪಾರ್ವತೀ ಸ್ವಪತಿನಾ ಸಹ ಭೋಕ್ತುಕಾಮಾ
ಪ್ರೀತ್ಯಾ ಸಹಸ್ರಹರಿನಾಮಸಮಂ ಜಜಾಪ ॥ 4॥
ಪ್ರಾತಃ ಶ್ರಯೇ ಶ್ರುತಿನುತಾಂ ರಘುನಾಥಮೂರ್ತಿಂ
ನೀಲಾಮ್ಬುಜೋತ್ಪಲಸಿತೇತರರತ್ನನೀಲಾಮ್ ।
ಆಮುಕ್ತಮೌಕ್ತಿಕವಿಶೇಷವಿಭೂಷಣಾಢ್ಯಾಂ
ಧ್ಯೇಯಾಂ ಸಮಸ್ತಮುನಿಭಿರ್ಜನಮುಕ್ತಿಹೇತುಮ್ ॥ 5॥
ಯಃ ಶ್ಲೋಕಪಂಚಕಮಿದಂ ಪ್ರಯತಃ ಪಠೇದ್ಧಿ
ನಿತ್ಯಂ ಪ್ರಭಾತಸಮಯೇ ಪುರುಷಃ ಪ್ರಬುದ್ಧಃ ।
ಶ್ರೀರಾಮಕಿಂಕರಜನೇಷು ಸ ಏವ ಮುಖ್ಯೋ
ಭೂತ್ವಾ ಪ್ರಯಾತಿ ಹರಿಲೋಕಮನನ್ಯಲಭ್ಯಮ್ ॥
॥ ಇತಿ ಶ್ರೀರಾಮಕರ್ಣಾಮೃತಾನ್ತರ್ಗತಮ್ ಶ್ರೀರಾಮಪ್ರಾತಃಸ್ಮರಣಮ್ ॥