॥ Shambhu Stavah Malayalam Lyrics ॥
॥ ശംഭുസ്തവഃ ॥
ശിവായ നമഃ ॥
ശംഭുസ്തവഃ ।
കൈലാസശൈലനിലയാത്കലികല്മഷഘ്നാ-
ച്ചന്ദ്രാര്ധഭൂഷിതജടാദ്വടമൂലവാസാത് ।
നമ്രോത്തമാംഗവിനിവേശിതഹസ്തപദ്മാ-
ച്ഛംഭോഃ പരം കിമപി ദൈവമഹം ന ജാനേ ॥ ൧ ॥
നാകാധിനാഥകരപല്ലവസേവിതാംഘ്രേര്-
നാഗാസ്യഷണ്മുഖവിഭാസിതപാര്ശ്വഭാഗാത് ।
നിര്വ്യാജപൂര്ണകരുണാന്നിഖിലാമരേഡ്യാ-
ച്ഛംഭോഃ പരം കിമപി ദൈവമഹം ന ജാനേ ॥ ൨ ॥
മൗനീന്ദ്രരക്ഷണകൃതേ ജിതകാലഗര്വാത്-
പാപാബ്ധിശോഷണവിധൗ ജിതവാഡവാഗ്നേഃ।
മാരാംഗഭസ്മപരിലേപനശുക്ലഗാത്രാ-
ച്ഛംഭോഃ പരം കിമപി ദൈവമഹം ന ജാനേ ॥ ൩ ॥
വിജ്ഞാനമുദ്രിതകരാച്ഛരദിന്ദുശുഭ്രാ-
ദ്വിജ്ഞാനദാനനിരതാജ്ജഡപംക്തയേഽപി ।
വേദാന്തഗേയചരണാദ്വിധിവിഷ്ണുസേവ്യാ-
ച്ഛംഭോഃ പരം കിമപി ദൈവമഹം ന ജാനേ ॥ ൪ ॥
ഇതി ശംഭുസ്തവഃ സംപൂര്ണഃ ॥
– Chant Stotra in Other Languages –
Shambhustavah in English – Marathi – Gujarati । Bengali – Kannada – Malayalam – Telugu