॥ Bhartrihari’s Vijnanashataka Kannada Lyrics ॥
ವಿಜ್ಞಾನಶತಕಂ ಭರ್ತೃಹರಿಕೃತ
ವಿಗಲದಮಲದಾನಶ್ರೇಣಿಸೌರಭ್ಯಲೋಭೋ-
ಪಗತಮಧುಪಮಾಲಾವ್ಯಾಕುಲಾಕಾಶದೇಶಃ ।
ಅವತು ಜಗದಶೇಷಂ ಶಶ್ವದುಗ್ರಾತ್ಮದರ್ಯ್ಯೋ ?
ವಿಪುಲಪರಿಘದನ್ತೋದ್ದಂಡಶುಂಡೋ ಗಣೇಶಃ ॥ 1 ॥
ಯತ್ಸತ್ತಯಾ ಶುಚಿ ವಿಭಾತಿ ಯದಾತ್ಮಭಾಸಾ
ಪ್ರದ್ಯೋತಿತಂ ಜಗದಶೇಷಮಪಾಸ್ತದೋಷಮ್ ।
ತದ್ಬ್ರಹ್ಮ ನಿಷ್ಕಲಮಸಂಗಮಪಾರಸೌಖ್ಯಂ
ಪ್ರತ್ಯಗ್ಭಜೇ ಪರಮಮಂಗಲಮದ್ವಿತೀಯಮ್ ॥ 2 ॥
ಮಾತಾ ಮೃತಾ ಜನಯಿತಾಪಿ ಜಗಾಮ ಶೀಘ್ರಂ
ಲೋಕಾನ್ತರಂ ತವ ಕಲತ್ರಸುತಾದಯೋಽಪಿ ।
ಭ್ರಾತಸ್ತಥಾಪಿ ನ ಜಹಾಸಿ ಮೃಷಾಭಿಮಾನಂ
ದುಃಖಾತ್ಮಕೇ ವಪುಷಿ ಮೂತ್ರಕುದರ್ಪಕೂಪೇ ॥ 3 ॥
ಬ್ರಹ್ಮಾಮೃತಂ ಭಜ ಸದಾ ಸಹಜಪ್ರಕಾಶಂ
ಸರ್ವಾನ್ತರಂ ನಿರವಧಿ ಪ್ರಥಿತಪ್ರಭಾವಮ್ ।
ಯದ್ಯಸ್ತಿ ತೇ ಜಿಗಮಿಷಾ ಸಹಸಾ ಭವಾಬ್ಧೇಃ
ಪಾರೇ ಪರೇ ಪರಮಶರ್ಮಣಿ ನಿಷ್ಕಲಂಕೇ ॥ 4 ॥
ಆರಭ್ಯ ಗರ್ಭವಸತಿಂ ಮರಣಾವಸಾನಂ
ಯದ್ಯಸ್ತಿ ಜೀವಿತುಮದೃಷ್ಟಮನೇಕಕಾಲಮ್ ।
ಜನ್ತೋಸ್ತಥಾಪಿ ನ ಸುಖಂ ಸುಖವಿಭ್ರಮೋಽಯಂ
ಯದ್ಬಾಲಯಾ ರತಿರನೇಕವಿಭೂತಿಭಾಜಃ ॥ 5 ॥
ಸಾ ರೋಗಿಣೀ ಯದಿ ಭವೇದಥವಾ ವಿವರ್ಣಾ
ಬಾಲಾಪ್ರಿಯಾಶಶಿಮುಖೀ ರಸಿಕಸ್ಯ ಪುಂಸಃ ।
ಶಲ್ಯಾಯತೇ ಹೃದಿ ತಥಾ ಮರಣಂ ಕೃಶಾಂಗ್ಯಾ-
ಯತ್ತಸ್ಯ ಸಾ ವಿಗತನಿದ್ರಸರೋರುಹಾಕ್ಷೀ ॥ 6 ॥
ತ್ವತ್ಸಾಕ್ಷಿಕಂ ಸಕಲಮೇತದವೋಚಮಿತ್ಥಂ
ಭ್ರಾತರ್ವಿಚಾರ್ಯ ಭವತಾ ಕರಣೀಯಮಿಷ್ಟಮ್ ।
ಯೇನೇದೃಶಂ ನ ಭವಿತಾ ಭವತೋಽಪಿ ಕಷ್ಟಂ
ಶೋಕಾಕುಲಸ್ಯ ಭವಸಾಗರಮಗ್ನಮೂರ್ತೇಃ ॥ 7 ॥
ನಿಷ್ಕಂಟಕೇಽಪಿ ನ ಸುಖಂ ವಸುಧಾಧಿಪತ್ಯೇ
ಕಸ್ಯಾಪಿ ರಾಜತಿಲಕಸ್ಯ ಯದೇಷ ದೇವಃ ।
ವಿಶ್ವೇಶ್ವರೋ ಭುಜಗರಾಜವಿಭೂತಿಭೂಷೋ
ಹಿತ್ವಾ ತಪಸ್ಯತಿ ಚಿರಂ ಸಕಲಾ ವಿಭೂತೀಃ ॥ 8 ॥
ಭೂಮಂಡಲಂ ಲಯಮುಪೈತಿ ಭವತ್ಯಬಾಧಂ
ಲಬ್ಧಾತ್ಮಕಂ ಪುನರಪಿ ಪ್ರಲಯಂ ಪ್ರಯಾತಿ ।
ಆವರ್ತತೇ ಸಕಲಮೇತದನನ್ತವಾರಂ
ಬ್ರಹ್ಮಾದಿಭಿಃ ಸಮಮಹೋ ನ ಸುಖಂ ಜನಾನಾಮ್ ॥ 9 ॥
ಯದಾ ದೇವಾದೀನಾಪಿ ಭವತಿ ಜನ್ಮಾದಿ ನಿಯತಂ
ಮಹಾಹರ್ಮ್ಯಸ್ಥಾನೇ ಲಲಿತಲಲನಾಲೋಲಮನಸಾಮ್ ।
ತದಾ ಕಾಮಾರ್ತಾನಾಂ ಸುಗತಿರಿಹ ಸಂಸಾರಜಲಧೌ
ನಿಮಗ್ನಾನಾಮುಚ್ಚೈ ರತಿವಿಷಯಶೋಕಾದಿಮಕರೇ ॥10 ॥
ಸ್ವಯಂ ಭೋಕ್ತಾ ದಾತಾ ವಸು ಸುಬಹು ಸಮ್ಪಾದ್ಯ ಭವಿತಾ
ಕುಟುಮ್ಬಾನಾಂ ಪೋಷ್ಟಾ ಗುಣನಿಧಿರಶೇಷೇಪ್ಸಿತನರಃ ।
ಇತಿ ಪ್ರತ್ಯಾಶಸ್ಯ ಪ್ರಬಲದುರಿತಾನೀತವಿಧುರಂ
ಶಿರಸ್ಯಸ್ಯಾಕಸ್ಮಾತ್ಪತತಿ ನಿಧನಂ ಯೇನ ಭವತಿ ॥ 11 ॥
ವಿಪಶ್ಚಿದ್ದೇಹಾದೌ ಕ್ವಚಿದಪಿ ಮಮತ್ವಂ ನ ಕುರುತೇ
ಪರಬ್ರಹ್ಮಧ್ಯಾತಾ ಗಗನನಗರಾಕಾರಸದೃಶೇ ।
ನಿರಸ್ತಾಹಂಕಾರಃ ಶ್ರುತಿಜನಿತವಿಶ್ವಾಸಮುಷಿತೋ
ನಿರಾತಂಕೋಽವ್ಯಗ್ರಃ ಪ್ರಕೃತಿಮಧುರಾಲಾಪಚತುರಃ ॥ 12 ॥
ಅರೇ ಚೇತಶ್ಚಿತ್ರಂ ಭ್ರಮಸಿ ಯದಪಾಸ್ಯ ಪ್ರಿಯತಮಂ
ಮುಕುನ್ದಂ ಪಾರ್ಶ್ವಸ್ಥಂ ಪಿತರಮಪಿ ಮಾನ್ಯಂ ಸುಮನಸಾಮ್ ।
ಬಹಿಃ ಶಬ್ದಾದ್ಯರ್ಥೇ ಪ್ರಕೃತಿಚಪಲೇ ಕ್ಲೇಶಬಹುಲೇ
ನ ತೇ ಸಂಸಾರೇಽಸ್ಮಿನ್ಭವತಿ ಸುಖದಾದ್ಯಾಪಿ ವಿರತಿಃ ॥ 13 ॥
ನ ಜಾನೀಷೇ ಮೂರ್ಖ ಕ್ವಚಿದಪಿ ಹಿತಂ ಲೋಕಮಹಿತಂ
ಭ್ರಮದ್ಭೋಗಾಕಾಂಕ್ಷಾಕಲುಷಿತತಯಾ ಮೋಹಬಹುಲೇ ।
ಜಗತ್ಯತ್ರಾರಣ್ಯೇ ಪ್ರತಿಪದಮನೇಕಾಪದಿ ಸದಾ
ಹರಿಧ್ಯಾನೇ ವ್ಯಗ್ರಂ ಭವ ಸಕಲತಾಪೈಕಕದನೇ ॥ 14 ॥
ವಿಯದ್ಭೂತಂ ಭೂತಂ ಯದವನಲಭಂ ? ಚಾಖಿಲಮಿದಂ
ಮಹಾಮಾಯಾಸಂಗಾದ್ಭುಜಗ ಇವ ರಜ್ವಾಂ ಭ್ರಮಕರಮ್ ।
ತದತ್ಯನ್ತಾಲ್ಹಾದಂ ವಿಜರಮಮರಂ ಚಿನ್ತಯ ಮನಃ
ಪರಬ್ರಹ್ಮಾವ್ಯಗ್ರಂ ಹರಿಹರಸುರಾದ್ಯೈರವಗತಮ್ ॥ 15 ॥
ನ ಚೇತ್ತೇ ಸಾಮರ್ಥ್ಯಂ ಭವನಮರಣಾತಂಕಹರಣೇ
ಮನೋಽನಿರ್ದಿಷ್ಟೇಽಸ್ಮಿನ್ನವಗತಗುಣೇ ಜ್ಞಾತುಮಕಲೇ ।
ತದಾ ಮೇಘಶ್ಯಾಮಂ ಕಮಲದಲದೀರ್ಘಾಕ್ಷಮಮಲಂ
ಭಜಸ್ವ ಶ್ರೀರಂಗಂ ಶರದಮೃತಧಾಮಾಧಿಕಮುಖಮ್ ॥ 16 ॥
ಕ್ವಯಾತಃ ಕ್ವಾಯಾತೋ ದ್ವಿಜ ಕಲಯಸೇ ರತ್ನಮಟವೀ-
ಮಟನ್ವ್ಯಾಘ್ರಾಘ್ರಾತೋ ಮರಣಮಗಮದ್ವಿಶ್ವಮಹಿತಃ ।
ಅಯಂ ವಿದ್ಯಾರಾಮೋ ಮುನಿರಹಹ ಕೇನಾಪಿ ವಿದುಷಾ
ನ ಖಲ್ವಾತ್ಮಪ್ರಾಯೋ ಭವತು ಸುಕರೋ ಜ್ಞಾತುಮಶಿವಃ ॥ 17 ॥
ಅಹಂ ಶ್ರಾನ್ತೋಽಧ್ವಾನಂ ಬಹುವಿಷಮತಿಕ್ರಮ್ಯ ವಿಷಮಂ
ಧನಾಕಾಂಕ್ಷಾಕ್ಷಿಪ್ತಃ ಕುನೃಪತಿಮುಖಾಲೋಕನಪರಃ ।
ಇದಾನೀಂ ಕೇನಾಪಿ ಸ್ಥಿತಿಮುದರಕೂಪಸ್ಯ ಭರಣೇ
ಕದನ್ನೇನಾರಣ್ಯೇ ಕ್ವಚಿದಪಿ ಸಮೀಹೇ ಸ್ಥಿರಮತಿಃ ॥ 18 ॥
ಯಮಾರಾಧ್ಯಾರಾಧ್ಯಂ ತ್ರಿಭುವನಗುರೋರಾಪ್ತವಸತಿಃ
ಧ್ರುವೋ ಜ್ಯೋತಿಶ್ಚಕ್ರೇ ಸುಚಿರಮನವದ್ಯಂ ಶಿಶುರಪಿ ।
ಅವಾಪ ಪ್ರಲ್ಹಾದಃ ಪರಮಪದಮಾರಾಧ್ಯ ಯಮಿತಃ
ಸ ಕಸ್ಯಾಲಂ ಕ್ಲೇಶೋ ಹರತಿ ನ ಹರಿಃ ಕೀರ್ತಿತಗುಅಣಃ ॥ 19 ॥
ಕದಾಚಿತ್ಕಷ್ಟೇನ ದ್ರವಿಣಮಧಮಾರಾಧನವಶಾ-
ನ್ಮಯಾ ಲಬ್ಧಂ ಸ್ತೋಕಂ ನಿಹಿತಮವನೌ ತಸ್ಕರಭಯಾತ್ ।
ತತೋ ನಿತ್ಯೇ ಕಶ್ಚಿತ್ಕ್ವಚಿದಪಿ ತದಾಖುರ್ಬಿಲಗೃಹೇಽ-
ನಯಲ್ಲಬ್ಧೋಽಪ್ಯರ್ಥೋ ನ ಭವತಿ ಯದಾ ಕರ್ಮ ವಿಷಮಮ್ ॥ 20 ॥
ಜಗಾಮ ವ್ಯರ್ಥಂ ಮೇ ಬಹುದಿನಮಥಾರ್ಥಾರ್ಥಿತತಯಾ
ಕುಭೂಮೀಪಾಲಾನಾಂ ನಿಕಟಗತಿದೋಷಾಕುಲಮತೇಃ ।
ಹರಿಧ್ಯಾನವ್ಯಗ್ರಂ ಭವಿತುಮಧುನಾ ವಾಂಛತಿ ಮನಃ
ಕ್ವಚಿದ್ಗಂಗಾತೀರೇ ತರುಣತುಲಸೀಸೌರಭಭರೇ ॥ 21 ॥
ಕದಾ ಭಾಗೀರಥ್ಯಾ ಭವಜಲಧಿಸನ್ತಾರತರಣೇಃ
ಸ್ಖಲದ್ವೀಚೀಮಾಲಾಚಪಲತಲವಿಸ್ತಾರಿತಮುದಃ ।
ತಮಸ್ಸ್ಥಾನೇ ಕುಂಜೇ ಕ್ವಚಿದಪಿ ನಿವಿಶ್ಯಾಹೃತಮನಾ
ಭವಿಷ್ಯಾಮ್ಯೇಕಾಕೀ ನರಕಮಥನೇ ಧ್ಯಾನರಸಿಕಃ ॥ 22 ॥
ಕದಾ ಗೋವಿನ್ದೇತಿ ಪ್ರತಿದಿವಸಮುಲ್ಲಾಸಮಿಲಿತಾಃ
ಸುಧಾಧಾರಾಪ್ರಾಯಾಸ್ತ್ರಿದಶತಟಿನೀವೀಚಿಮುಖರೇ ।
ಭವಿಷ್ಯನ್ತ್ಯೇಕಾನ್ತೇ ಕ್ವಚಿದಪಿ ನಿಕುಂಜೇ ಮಮ ಗಿರೋ
ಮರಾಲೀಚಕ್ರಾಣಾಂ ಸ್ಥಿತಿಸುಖರವಾಕ್ರಾನ್ತಪುಲಿನೇ ॥ 23 ॥
ಯದಧ್ಯಸ್ತಂ ಸರ್ವಂ ಸ್ರಜಿ ಭುಜಗವದ್ಭಾತಿ ಪುರತೋ
ಮಹಾಮಾಯೋದ್ಗೀರ್ಣಂ ಗಗನಪವನಾದ್ಯಂ ತನುಭೃತಾಮ್ ।
ಭವೇತ್ತಸ್ಯಾ ಭ್ರಾನ್ತೇರ್ಮುರರಿಪುರಧಿಷ್ಠಾನಮುದಯೇ
ಯತೋ ನಸ್ಯಾದ್ಭ್ರಾನ್ತಿರ್ನಿರಧಿಕರಣಾ ಕ್ವಾಪಿ ಜಗತಿ ॥ 24 ॥
ಚಿದೇವ ಧ್ಯಾತವ್ಯಾ ಸತತಮನವದ್ಯಾ ಸುಖತನು-
ರ್ನಿರಾಧಾರಾ ನಿತ್ಯಾ ನಿರವಧಿರವಿದ್ಯಾದಿರಹಿತಾ ।
ಅನಾಸ್ಥಾಮಾಸ್ಥಾಯ ಭ್ರಮವಪುಷಿ ಸರ್ವತ್ರ ವಿಷಯೇ
ಸದಾ ಶೇಷವ್ಯಾಖ್ಯಾನಿಪುಣಮತಿಭಿಃ ಖ್ಯಾತಯತಿಭಿಃ ॥ 25 ॥
ಅಹೋಽತ್ಯರ್ಥೇಽಪ್ಯರ್ಥೇ ಶ್ರುತಿಶತಗುರುಭ್ಯಾಮವಗತೇ
ನಿಷಿದ್ಧತ್ವೇನಾಪಿ ಪ್ರತಿದಿವಸಮಾಧಾವತಿ ಮನಃ ।
ಪಿಶಾಚಸ್ತತ್ರೈವ ಸ್ಥಿರರತಿರಸಾರೇಽಪಿ ಚಪಲಂ
ನ ಜಾನೇ ಕೇನಾಸ್ಯ ಪ್ರತಿಕೃತಿರನಾರ್ಯಸ್ಯ ಭವಿತಾ ॥ 26 ॥
ನಿತ್ಯಾನಿತ್ಯಪದಾರ್ಥತತ್ತ್ವವಿಷಯೇ ನಿತ್ಯಂ ವಿಚಾರಃ ಸತಾಂ
ಸಂಸರ್ಗೇ ಮಿತಭಾಷಿತಾ ಹಿತಮಿತಾಹಾರೋಽನಹಂಕಾರಿತಾ ।
ಕಾರುಣ್ಯಂ ಕೃಪಣೇ ಜನೇ ಸುಖಿಜನೇ ಪ್ರೀತಿಃ ಸದಾ ಯಸ್ಯ ಸ
ಪ್ರಾಯೇಣೈವ ತಪಃ ಕರೋತಿ ಸುಕೃತೀ ಚೇತೋಮುಕುನ್ದಪ್ರಿಯಃ ॥ 27 ॥
ಸಾ ಗೋಷ್ಠೀ ಸುಹೃದಾಂ ನಿವಾರಿತಸುಧಾಸ್ವಾದಾಧುನಾ ಕ್ವಾಗಮ-
ತ್ತೇಧೀರಾ ಧರಣೀಧರೋಪಕರಣೀಭೂತಾ ಯಯುಃ ಕ್ವಾಪರೇ ।
ತೇ ಭೂಪಾ ಭವಭೀರವೋ ಭವರತಾಃ ಕ್ವಾಗುರ್ನಿರಸ್ತಾರಯೋ
ಹಾ ಕಷ್ಟಂ ಕ್ವ ಚ ಗಮ್ಯತೇ ನಹಿ ಸುಖಂ ಕ್ವಾಪ್ಯಸ್ತಿ ಲೋಕತ್ರಯೇ ॥ 28 ॥
ಭಾನುರ್ಭೂವಲಯಪ್ರದಕ್ಷಿಣಗತಿಃ ಕ್ರೀಡಾರತಿಃ ಸರ್ವದಾ
ಚನ್ದ್ರೋಪ್ಯೇಷಕಲಾನಿಧಿಃ ಕವಲಿತಃ ಸ್ವರ್ಭಾನುನಾ ದುಃಖಿತಃ ।
ಱ್ಹಾಸಂ ಗಚ್ಛತಿ ವರ್ಧತೇ ಚ ಸತತಂ ಗೀರ್ವಾಣವಿಶ್ರಾಮಭೂ-
ಸ್ತತ್ಸ್ಥಾನಂ ಖಲು ಯತ್ರ ನಾಸ್ತ್ಯಪಹತಿಃ ಕ್ಲೇಶಸ್ಯ ಸಂಸಾರಿಣಾಮ್ ॥ 29 ॥
ಸಂಸಾರೇಽಪಿ ಪರೋಪಕಾರಕರಣಖ್ಯಾತವ್ರತಾ ಮಾನವಾ
ಯೇ ಸಮ್ಪತ್ತಿಗೃಹಾ ವಿಚಾರಚತುರಾ ವಿಶ್ವೇಶ್ವರಾರಾಧಕಾಃ ।
ತೇಽಪ್ಯೇನಂ ಭವಸಾಗರಂ ಜನಿಮೃತಿಗ್ರಾಹಾಕುಲಂ ದುಸ್ತರಂ
ಗಮ್ಭೀರಂ ಸುತರಾಂ ತರನ್ತಿ ವಿವಿಧವ್ಯಾಧ್ಯಾಧಿವೀಚೀಮಯಮ್ ॥ 30 ॥
ರೇ ರೇ ಚಿತ್ತ ಮದಾನ್ಧ ಮೋಹಬಧಿರಾ ಮಿಥ್ಯಾಭಿಮಾನೋದ್ಧತಾ
ವ್ಯರ್ಥೇಯಂ ಭವತಾಂ ಧನಾವನರತಿಃ ಸಂಸಾರಕಾರಾಗೃಹೇ ।
ಬದ್ಧಾನಾಂ ನಿಗಡೇನ ಗಾತ್ರಮಮತಾಸಂಜ್ಞೇನ ಯತ್ಕರ್ಹಿಚಿ-
ದ್ದೇವಬ್ರಾಹ್ಮಣಭಿಕ್ಷುಕಾದಿಷು ಧನಂ ಸ್ವಪ್ನೇಽಪಿ ನ ವ್ಯೇತಿ ವಃ ॥ 31 ॥
ಯಾವತ್ತೇ ಯಮಕಿಂಕರಾಃ ಕರತಲಕ್ರೂರಾಸಿಪಾಶಾದಯೋ
ವುರ್ದಾನ್ತಾಃ ಸೃಣಿರಾಜದೀರ್ಘಸುನಖಾ ದಂಷ್ಟ್ರಾಕರಾಲಾನನಾಃ ।
ನಾಕರ್ಷನ್ತಿ ನರಾನ್ಧನಾದಿರಹಿತಾನ್ಯತ್ತಾವದಿಷ್ಟೇಚ್ಛಯಾ
ಯುಷ್ಮಾಭಿಃ ಕ್ರಿಯತಾಂ ಧನಸ್ಯ ಕೃಪಣಾಸ್ತ್ಯಾಗಃ ಸುಪರ್ವಾದಿಷು ॥ 32 ॥
ದೇಹಾದ್ಯಾತ್ಮಮತಾನುಸಾರಿ ಭವತಾಂ ಯದ್ಯಸ್ತಿ ಮುಗ್ಧಂ ಮತಂ
ವೇದವ್ಯಾಸವಿನಿನ್ದಿತಂ ಕಥಮಹೋ ಪಿತ್ರಾದ್ಯಪತ್ಯೇ ತದಾ ।
ದಾಹಾದಿಃ ಕ್ರಿಯತೇ ವಿಶುದ್ಧಫಲಕೋ ಯುಷ್ಮಾಭಿರುದ್ವೇಜಿತೈಃ
ಶೋಕೇನಾರ್ಥಪರಾಯಣೈರಪಸದೈರ್ದೃಷ್ಟಾರ್ಥಮಾತ್ರಾರ್ಥಿಭಿಃ ॥ 33 ॥
ಅದ್ಯಶ್ವೋ ವಾ ಮರಣಮಶಿವಪ್ರಾಣಿನಾಂ ಕಾಲಪಾಶೈ-
ರಾಕೃಷ್ಟಾನಾಂ ಜಗತಿ ಭವತೋ ನಾನ್ಯಥಾತ್ವಂ ಕದಾಚಿತ್ ।
ಯದ್ಯಪ್ಯೇವಂ ನ ಖಲು ಕುರುತೇ ಹಾ ತಥಾಪ್ಯರ್ಥಲೋಭಂ
ಹಿತ್ವಾ ಪ್ರಾಣೀ ಹಿತಮವಹಿತೋ ದೇವಲೋಕಾನುಕೂಲಮ್ ॥ 34 ॥
ದೃಷ್ಟಪ್ರಾಯಂ ವಿಕಲಮಖಿಲಂ ಕಾಲಸರ್ಪೇಣ ವಿಶ್ವಂ
ಕ್ರೂರೇಣೇದಂ ಶಿವ ಶಿವ ಮುನೇ ಬ್ರೂಹಿ ರಕ್ಷಾಪ್ರಕಾರಮ್ ।
ಅಸ್ಯಾಸ್ತೇಕಃ ಶೃಣು ಮುರರಿಪೋರ್ಧ್ಯಾನಪೀಯೂಷಪಾನಂ
ತ್ಯಕ್ತ್ವಾ ನಾನ್ಯತ್ಕಿಮಪಿ ಭುವನೇ ದೃಶ್ಯತೇ ಶಾಸ್ತ್ರದೃಷ್ಟ್ಯಾ ॥ 35 ॥
ಧ್ಯಾನವ್ಯಗ್ರಂ ಭವತು ತವ ಹೃತ್ತಿಷ್ಠತೋ ಯತ್ರ ತತ್ರ
ಶ್ರೀಮದ್ವಿಷ್ಣೋಸ್ತ್ರಿಭುವನಪತೇರ್ನಿತ್ಯಮಾನನ್ದಮೂರ್ತೇಃ ।
ಲಕ್ಷ್ಮೀಚೇತಃಕುಮುದವಿಪುಲಾನನ್ದಪೀಯೂಷಧಾಮ್ನೋ
ಮೇಘಚ್ಛಾಯಾಪ್ರತಿಭಟತನೋಃ ಕ್ಲೇಶಸಿನ್ಧುಂ ತಿತೀರ್ಷೋಃ ॥ 36 ॥
ಕಾಮವ್ಯಾಘ್ರೇ ಕುಮತಿಫಣಿನಿ ಸ್ವಾನ್ತದುರ್ವಾರನೀಡೇ
ಮಾಯಾಸಿಂಹೀವಿಹರಣಮಹೀಲೋಭಭಲ್ಲೂಕಭೀಮೇ ।
ಜನ್ಮಾರಣ್ಯೇ ನ ಭವತಿ ರತಿಃ ಸಜ್ಜನಾನಾಂ ಕದಾಚಿ-
ತ್ತತ್ತ್ವಜ್ಞಾನಾಂ ವಿಷಯತುಷಿತಾಕಂಟಕಾಕೀರ್ಣಪಾರ್ಶ್ವೇ ॥ 37 ॥
ಯಾಮಾಸಾದ್ಯ ತ್ರಿಲೋಕೀಜನಮಹಿತಶಿವಾವಲ್ಲಭಾರಾಮಭೂಮಿಂ
ಬ್ರಹ್ಮಾದೀನಾಂ ಸುರಾಣಾಂ ಸುಖವಸತಿಭುವೋ ಮಂಡಲಂ ಮಂಡಯನ್ತೀಮ್ ।
ನೋ ಗರ್ಭೇ ವ್ಯಾಲುಠನ್ತಿ ಕ್ವಚಿದಪಿ ಮನುಜಾ ಮಾತುರುತ್ಕ್ರಾನ್ತಿಭಾಜ-
ಸ್ತಾಂ ಕಾಶೀಂ ನೋ ಭಜನ್ತೇ ಕಿಮಿತಿ ಸುಮತಯೋ ದುಃಖಭಾರಂ ವಹನ್ತೇ ॥ 38 ॥
ಕಿಂ ಕುರ್ಮಃ ಕಿಂ ಭಜಾಮಃ ಕಿಮಿಹ ಸಮುದ್ರಿತಂ ಸಾಧನಂ ಕಿಂ ವಯಸ್ಯಾಃ
ಸಂಸಾರೋನ್ಮೂಲನಾಯ ಪ್ರತಿದಿವಸಮಿಹಾನರ್ಥಶಂಕಾವತಾರಃ ।
ಭ್ರಾತರ್ಜ್ಞಾತಂ ನಿದಾನಂ ಭವಭಯದಲನೇ ಸಂಗತಂ ಸಜ್ಜ್ನಾಂ
ತಾಂ ಕಾಶೀಮಾಶ್ರಯಾಮೋ ನಿರುಪಮಯಶಸಃ ಸ್ವಃಸ್ರವನ್ತ್ಯಾ ವಯಸ್ಯಾಮ್ ॥ 39 ॥
ಭುಕ್ತಿಃ ಕ್ವಾಪಿ ನ ಮುಕ್ತಿರಸ್ತ್ಯಭಿಮತಾ ಕ್ವಾಣ್ಯಸ್ತಿ ಮುಕ್ತಿರ್ನ ಸಾ
ಕಾಶ್ಯಾಮಸ್ತಿ ವಿಶೇಷ ಏವ ಸುತರಾಂ ಶ್ಲಾಘ್ಯಂ ಯದೇತದ್ರೂಪಮ್ ।
ಸರ್ವೈರುತ್ತಮಮಧ್ಯಮಾಧಮಜನೈರಾಸಾದ್ಯತೇಽನುಗ್ರಹಾ-
ದ್ದೇವಸ್ಯ ತ್ರಿಪುರದ್ವಿಷಃ ಸುರಧುನೀಸ್ನಾನಾವದಾತವ್ಯಯೈಃ ॥ 40 ॥
ವಿದ್ಯನ್ತೇ ದ್ವಾರಕಾದ್ಯಾ ಜಗತಿ ಕತಿ ನ ತಾ ದೇವತಾರಾಜಧಾನ್ಯೋ
ಯದ್ಯಪ್ಯನ್ಯಾಸ್ತಥಾಪಿ ಸ್ಖಲದಮಲಜಲಾವರ್ತಗಂಗಾತರಂಗಾ ।
ಕಾಶ್ಯೇವಾರಾಮಕೂಜತ್ಪಿಕಶುಕಚಟಕಾಕ್ರಾನ್ತದಿಕ್ಕಾಮಿನೀನಾಂ
ಕ್ರೀಡಾಕಾಸಾರಶಾಲಾ ಜಯತಿ ಮುನಿಜನಾನನ್ದಕನ್ದೈಕಭೂಮಿಃ ॥ 41 ॥
ಕಾಶೀಯಂ ಸಮಲಂಕೃತಾ ನಿರುಪಮಸ್ವರ್ಗಾಪಗಾವ್ಯೋಮಗಾ-
ಸ್ಥೂಲೋತ್ತಾರತರಂಗಬಿನ್ದುವಿಲಸನ್ಮುಕ್ತಾಫಲಶ್ರೇಣಿಭಿಃ ।
ಚಂಚಚ್ಚಂಚಲಚಂಚರೀಕನಿಕರಾರಾಗಾಮ್ಬರಾ ರಾಜತೇ
ಕಾಸಾರಸ್ಥವಿನಿದ್ರಪದ್ಮನಯನಾ ವಿಶ್ವೇಶ್ವರಪ್ರೇಯಸೀ ॥ 42 ॥
ವನ್ಹಿಪ್ರಾಕಾರಬುದ್ಧಿಂ ಜನಯತಿ ವಲಭೀವಾಸಿನಾಂ ನಾಗರಾಣಾಂ
ಗನ್ಧಾರಣ್ಯಪ್ರಸೂತಸ್ಫುಟಕುಸುಮಚಯಃ ಕಿಂಶುಕಾನಾಂ ಶುಕಾನಾಮ್ ।
ಚಂಚ್ವಾಕಾರೋ ವಸನ್ತೇ ಪರಮಪದಪದಂ ರಾಜಧಾನೀ ಪುರಾರೇಃ
ಸಾ ಕಾಶ್ಯಾರಾಮರಮ್ಯಾ ಜಯತಿ ಮುನಿಜನಾನನ್ದಕನ್ದೈಕಭೂಮಿಃ ॥ 43 ॥
ಭಜತ ವಿಬುಧಸಿನ್ಧುಂ ಸಾಧವೋ ಲೋಕಬನ್ಧುಂ
ಹರಹಸಿತತರಂಗಂ ಶಂಕರಾಶೀರ್ಷಸಂಗಮ್ ।
ದಲಿತಭವಭುಜಂಗಂ ಖ್ಯಾತಮಾಯಾವಿಭಂಗಂ
ನಿಖಿಲಭುವನವನ್ದ್ಯಂ ಸರ್ವತೀರ್ಥಾನವದ್ಯಮ್ ॥ 44 ॥
ಯದಮೃತಮಮೃತಾನಾಂ ಭಂಗರಂಗಪ್ರಸಂಗ-
ಪ್ರಕಟಿತರಸವತ್ತಾವೈಭವಂ ಪೀತಮುಚ್ಚೈಃ ।
ದಲಯತಿ ಕಲಿದನ್ತಾಂಸ್ತಾಂ ಸುಪರ್ವಸ್ರವನ್ತೀಂ
ಕಿಮಿತಿ ನ ಭಜತಾರ್ತಾ ಬ್ರಹ್ಮಲೋಕಾವತೀರ್ಣಾಮ್ ॥ 45 ॥
ಸ್ವಾಧೀನೇ ನಿಕಟಸ್ಥಿತೇಽಪಿ ವಿಮಲಜ್ಞಾನಾಮೃತೇ ಮಾನಸೇ
ವಿಖ್ಯಾತೇ ಮುನಿಸೇವಿತೇಽಪಿ ಕುಧಿಯೋ ನ ಸ್ನಾನ್ತಿ ತೀರ್ಥೇ ದ್ವಿಜಾಃ ।
ಯತ್ತತ್ಕಷ್ಟಮಹೋ ವಿವೇಕರಹಿತಾಸ್ತೀರ್ಥಾರ್ಥಿನೋ ದುಃಖಿತಾ
ಯತ್ರ ಕ್ವಾಪ್ಯಟವೀಮಟನ್ತಿ ಜಲಧೌ ಮಜ್ಜನ್ತಿ ದುಃಖಾಕರೇ ॥ 46 ॥
ನಾಭ್ಯಸ್ತೋ ಧಾತುವಾದೋ ನ ಚ ಯುವತೀವಶೀಕಾರಕಃ ಕೋಪ್ಯುಪಾಯೋ
ನೋ ವಾ ಪೌರಾಣಿಕತ್ವಂ ನ ಚ ಸರಸಕವಿತಾ ನಾಪಿ ನೀತಿರ್ನ ಗೀತಿಃ ।
ತಸ್ಮಾದರ್ಥಾರ್ಥಿನಾಂ ಯಾ ನ ಭವತಿ ಭವತಶ್ಚಾತುರೀ ಕ್ವಾಪಿ ವಿದ್ವನ್
ಜ್ಞಾತ್ವೇತ್ಥಂ ಚಕ್ರಪಾಣೇರನುಸರ ಚರಣಾಮ್ಭೋಜಯುಗ್ಮಂ ವಿಭೂತ್ಯೈ ॥ 47 ॥
ಅರ್ಥೇಭ್ಯೋಽನರ್ಥಜಾತಂ ಭವತಿ ತನುಭೃತಾಂ ಯೌವನಾದಿಷ್ವವಶ್ಯಂ
ಪಿತ್ರಾದ್ಯೈರರ್ಜಿತೇಭ್ಯೋಽನುಪಕೃತಿಮತಿಭಿಃ ಸ್ವಾತ್ಮನೈವಾರ್ಜಿತೇಭ್ಯಃ ।
ಯಸ್ಮಾದ್ದುಃಖಾಕರೇಭ್ಯಸ್ತಮನುಸರ ಸದಾ ಭದ್ರ ಲಕ್ಷ್ಮೀವಿಲಾಸಂ
ಗೋಪಾಲಂ ಗೋಪಕಾನ್ತಾಕುಚಕಲಶತಟೀಕುಂಕುಮಾಸಂಗರಂಗಮ್ ॥ 48 ॥
ಭ್ರಾತಃ ಶಾನ್ತಂ ಪ್ರಶಾನ್ತಂ ಕ್ವಚಿದಪಿ ನಿಪತನ್ಮಿತ್ರ ರೇ ಭೂಧರಾಗ್ರೇ
ಗ್ರೀಷ್ಮೇ ಧ್ಯಾನಾಯ ವಿಷ್ಣೋಃ ಸ್ಪೃಹಯಸಿ ಸುತರಾಂ ನಿರ್ವಿಶಂಕೇ ಗುಹಾಯಾಮ್ ।
ಅನ್ವೇಷ್ಯಾನ್ತಾದೃಗತ್ರ ಕ್ಷಿತಿವಲಯತಲೇ ಸ್ಥಾನಮುನ್ಮೂಲ ಯಾವ-
ತ್ಸಂಸಾರಾನರ್ಥವೃಕ್ಷಂ ಪ್ರಥಿತತಮಮಹಾಮೋಹಮೂಲಂ ವಿಶಾಲಮ್ ॥ 49 ॥
ಕೇದಾರಸ್ಥಾನಮೇಕಂ ರುಚಿರತರಮುಮಾನಾಟ್ಯಲೀಲಾವನೀಕಂ
ಪ್ರಾಲೇಯಾದ್ರಿಪ್ರದೇಶೇ ಪ್ರಥಿತಮತಿತರಾಮಸ್ತಿ ಗಂಗಾನಿವೇಶೇ ।
ಖ್ಯಾತಂ ನಾರಾಯಣಸ್ಯ ತ್ರಿಜಗತಿ ಬದರೀನಾಮ ಸಿದ್ಧಾಶ್ರಮಸ್ಯ
ತತ್ರೈವಾನಾದಿಮೂರ್ತೇರ್ಮುನಿಜನಮನಸಾಮನ್ಯದಾನನ್ದಮೂರ್ತೇಃ ॥ 50 ॥
ಸನ್ತನ್ಯೇ ತ್ರಿದಶಾಪಗಾದಿಪತನಾದೇವ ಪ್ರಯಾಗಾದಯಃ
ಪ್ರಾಲೇಯಾಚಲಸಮ್ಭವಾ ಬಹುಫಲಾಃ ಸಿದ್ಧಾಶ್ರಮಾಃ ಸಿದ್ಧಯಃ ।
ಯತ್ರಾಘೌಘಸಹಾ ಭವನ್ತಿ ಸುಧಿಯಾಂ ಧ್ಯಾನೇಶ್ವರಣಾಂ ಚಿರಂ
ಮುಕ್ತಾಶೇಷಭಿಯಾಂ ವಿನಿದ್ರಮನಸಾಂ ಕನ್ದಾಮ್ಬುಪರ್ಣಾಶಿನಾಮ್ ॥ 51 ॥
ಕಿಂ ಸ್ಥಾನಸ್ಯ ನಿರೀಕ್ಷಣೇನ ಮುರಜಿದ್ಧ್ಯಾನಾಯ ಭೂಮಂಡಲೇ
ಭ್ರಾತಶ್ಚೇದ್ವಿರತಿರ್ಭವೇದ್ದೃಢತರಾ ಯಸ್ಯ ಸ್ರಗಾದೌ ಸದಾ ।
ತಸ್ಯೈಷಾ ಯದಿ ನಾಸ್ತಿ ಹನ್ತ ಸುತರಾಂ ವ್ಯರ್ಥಂ ತದಾನ್ವೇಷಣಂ
ಸ್ಥಾನಸ್ಯಾನಧಿಕಾರಿಣಃ ಸುರಧುನೀತೀರಾದ್ರಿಕುಂಜಾದಿಷು ॥ 52 ॥
ಸ್ವಾನ್ತವ್ಯೋಮ್ನಿ ನಿರಸ್ತಕಲ್ಮಷಘನೇ ಸದ್ಬುದ್ಧಿತಾರಾವಲೀ-
ಸನ್ದೀಪ್ತೇ ಸಮುದೇತಿ ಚೇನ್ನಿರುಪಮಾನನ್ದಪ್ರಭಾಮಂಡಲಃ ।
ಬ್ರಹ್ಮಜ್ಞಾನಸುಧಾಕರಃ ಕವಲಿತಾವಿದ್ಯಾನ್ಧಕಾರಸ್ತದಾ
ಕ್ವ ವ್ಯೋಮ ಕ್ವ ಸದಾಗತಿಃ ಕ್ವ ಹುತಭುಕ್ ಕ್ವಾಮ್ಭಾಃ ಕ್ವ ಸರ್ವಂಸಹಾ ॥ 53 ॥
ವಿಶ್ವೇಶ್ವರೇ ಭವತಿ ವಿಶ್ವಜನೀನಜನ್ಮ-
ವಿಶ್ವಮ್ಭರೇ ಭಗವತಿ ಪ್ರಥಿತಪ್ರಭಾವೇ ।
ಯೋ ದತ್ತಚಿತ್ತವಿಷಯಃ ಸುಕೃತೀ ಕೃತಾರ್ಥೋ
ಯತ್ರ ಕ್ವಚಿತ್ಪ್ರತಿದಿನಂ ನಿವಸನ್ ಗೃಹಾದೌ ॥ 54 ॥
ಚಿದ್ರತ್ನಮತ್ರ ಪತಿತಂ ವಪುರನ್ಧಕೂಪೇ
ಪುಂಸೋ ಭ್ರಮಾದನುಪಮಂ ಸಹನೀಯತೇಜಃ ।
ಉದ್ಧೃತ್ಯ ಯೋ ಜಗತಿ ತದ್ಭವಿತಾ ಕೃತಾರ್ಥೋ
ಮನ್ಯೇ ಸ ಏವ ಸಮುಪಾಸಿತವಿಶ್ವನಾಥಃ ॥ 55 ॥
ಯದ್ಯೇತಾ ಮದನೇಷವೋ ಮೃಗದೃಶಶ್ಚೇತಃಕುರಂಗಾರಯೋ
ಧೀರಾಣಾಮಪಿ ನೋ ಭವೇಯುರಬಲಾಃ ಸಂಸಾರಮಾಯಾಪುರೇ ।
ಕೋ ನಾಮಾಮೃತಸಾಗರೇ ನ ರಮತೇ ಧೀರಸ್ತದಾ ನಿರ್ಮಲೇ
ಪೂರ್ಣಾನನ್ದಮಹೋರ್ಮಿರಮ್ಯನಿಕರೇ ರಾಗಾದಿನಕ್ರೋಜ್ಝಿತೇ ॥ 56 ॥
ಬಾಲೇಯಂ ಬಾಲಭಾವಂ ತ್ಯಜತಿ ನ ಸುದತಿ ಯತ್ಕಟಾಕ್ಷೈರ್ವಿಶಾಲೈ-
ರಸ್ಮಾನ್ವಿಭ್ರಾಮಯನ್ತೀ ಲಸದಧರದಲಾಕ್ಷಿಪ್ತಚೂತಪ್ರವಾಲಾ ।
ನೇತುಂ ವಾಂಛತ್ಯಕಾಮಾನ್ ಸ್ವಸದನಮಧುನಾ ಕ್ರೀಡಿತುಂ ದತ್ತಚಿತ್ತಾನ್
ಪುಷ್ಯನ್ನೀಲೋತ್ಪಲೋತ್ಪಲಾಭೇ ಮುರಜಿತಿ ಕಮಲಾವಲ್ಲಭೇ ಗೋಪಲೀಲೇ ॥ 57 ॥
ಶಿವ ಶಿವ ಮಹಾಭ್ರಾನ್ತಿಸ್ಥಾನಂ ಸತಾಂ ವಿದುಷಾಮಪಿ
ಪ್ರಕೃತಿಚಪಲಾ ಧಾತ್ರಾ ಸೃಷ್ಟಾಃ ಸ್ತ್ರಿಯೋ ಹರಿಣೀದೃಶಃ ।
ವಿಜಹತಿ ಧನಂ ಪ್ರಾಣೈಃ ಸಾಕಂ ಯತಸ್ತದವಾಪ್ತಯೇ
ಜಗತಿ ಮನುಜಾ ರಾಗಾಕೃಷ್ಟಾಸ್ತದೇಕಪರಾಯಣಾಃ ॥ 58 ॥
ಹರತಿ ವಪುಷಃ ಕಾನ್ತಿಂ ಪುಂಸಃ ಕರೋತಿ ಬಲಕ್ಷಿತಿಂ
ಜನಯತಿ ಭೃಶಂ ಭ್ರಾನ್ತಿಂ ನಾರೀ ಸುಖಾಯ ನಿಷೇವಿತಾ ।
ವಿರತಿವಿರಸಾ ಭುಕ್ತಾ ಯಸ್ಮಾತ್ತತೋ ನ ವಿವೇಕಿಭಿ-
ರ್ವಿಷಯವಿರಸೈಃ ಸೇವ್ಯಾ ಮಾಯಾಸಮಾಶ್ರಿತವಿಗ್ರಹಾ ॥ 59 ॥
ಕಮಲವದನಾ ಪೀನೋತ್ತುಂಗಂ ಘಟಾಕೃತಿ ಬಿಭ್ರತೀ
ಸ್ತನಯುಗಮಿಯಂ ತನ್ವೀ ಶ್ಯಾಮಾ ವಿಶಾಲದೃಗಂಚಲಾ ।
ವಿಶದದಶನಾ ಮಧ್ಯಕ್ಷಾಮಾ ವೃಥೇತಿ ಜನಾಃ ಶ್ರಮಂ
ವಿದಧತಿ ಮುಧಾರಾಗಾದುಚ್ಚೈರನೀದೃಶವರ್ಣನೇ ॥ 60 ॥
ಜನಯತಿ ಸುತಂ ಕಂಚಿನ್ನಾರೀ ಸತೀ ಕುಲಭೂಷಣಂ
ನಿರುಪಮಗುಣೈಃ ಪುಣ್ಯಾತ್ಮಾನಂ ಜಗತ್ಪರಿಪಾಲಕಮ್ ।
ಕಥಮಪಿ ನ ಸಾಽನಿನ್ದ್ಯಾ ವನ್ದ್ಯಾ ಭವೇನ್ಮಹತಾಂ ಯತಃ ।
ಸುರಸರಿದಿವ ಖ್ಯಾತಾ ಲೋಕೇ ಪವಿತ್ರಿತಭೂತಲಾ ॥ 61 ॥
ಧನ್ಯಾ ಏತೇ ಪುಮಾಂಸೋ ಯದಯಮಹಮಿತಿ ತ್ಯಕ್ತಚೇತೋವಿಕಲ್ಪಾ
ನಿಶ್ಶಂಕಂ ಸಂಚರನ್ತೋ ವಿದಧತಿ ಮಲಿನಂ ಕರ್ಮ ಕಾಮಪ್ರಯುಕ್ತಾಃ ।
ಜಾನನ್ತೋಽಪ್ಯರ್ಥಹೀನಂ ಜಗದಿದಮಖಿಲಂ ಭ್ರಾನ್ತವದ್ದ್ವೈತಜಾಲಂ
ರಾಗದ್ವೇಷಾದಿಮನ್ತೋ ವಯಮಯಮಿತಿ ಹಾ ನ ತ್ಯಜನ್ತೇಽಭಿಮಾನಮ್ ॥ 62 ॥
ಪ್ರಜ್ಞಾವನ್ತೋಽಪಿ ಕೇಚಿಚ್ಚಿರಮುಪನಿಷದಾದ್ಯರ್ಥಕಾರಾ ಯತನ್ತೋ
ವ್ಯಾಕುರ್ವನ್ತೋಽಪಿ ಕೇಚಿದ್ದಲಿತಪರಮತಾ ಯದ್ಯಪಿ ಜ್ಞಾತತತ್ತ್ವಾಃ ।
ತೀರ್ಥೇ ತೀರ್ಥಂ ತಥಾಪಿ ಭ್ರಮಣರಸಿಕತಾಂ ನೋ ಜಹತ್ಯಧ್ವಖೇದಾ
ಯತ್ತತ್ಕಷ್ಟಂ ವಿಧತ್ತೇ ಮಮ ಮನಸಿ ಸದಾ ಪಶ್ಯತಸ್ತತ್ರ ಕೃತ್ಯಮ್ ॥ 63 ॥
ತೀರ್ಥಾವಸ್ಥಾನಜನ್ಯಂ ನ ಭವತಿ ಸುಕೃತಂ ದುಷ್ಕೃತೋನ್ಮೂಲನಂ ವಾ
ಯಸ್ಮಾದಾಭ್ಯಾಂ ವಿಹೀನಃ ಶ್ರುತಿಸಮಧಿಗತಃ ಪ್ರತ್ಯಗಾತ್ಮಾ ಜನಾನಾಮ್ ।
ಸರ್ವೇಷಾಮದ್ವಿತೀಯೋ ನಿರತಿಶಯಸುಖಂ ಯದ್ಯಪಿ ಸ್ವಪ್ರಕಾಶಾ-
ಸ್ತೀರ್ಥೇ ವಿದ್ಯಾಸ್ತಥಾಪಿ ಸ್ಪೃಹಯತಿ ತಪಸೇ ಯತ್ತದಾಶ್ಚರ್ಯಹೇತುಃ ॥ 64 ॥
ಉದಾಸೀನೋ ದೇವೋ ಮದನಮಥನಃ ಸಜ್ಜನಕುಲೇ
ಕಲಿಕ್ರೀಡಾಸಕ್ತಃಕೃತಪರಿಜನಃ ಪ್ರಾಕೃತಜನಃ ।
ಇಯಂ ಮ್ಲೇಚ್ಛಾಕ್ರಾನ್ತಾ ತ್ರಿದಶತಟಿನೀ ಚೋಭಯತಟೇ
ಕಥಂ ಭ್ರಾನ್ತಸ್ಥಾತಾ ಕಥಯ ಸುಕೃತೀ ಕುತ್ರ ವಿಭಯಃ ॥ 65 ॥
ನಿಸ್ಸಾರಾವಸುಧಾಧುನಾ ಸಮಜನಿ ಪ್ರೌಢಪ್ರತಾಪನಲ-
ಜ್ವಾಲಾಜ್ವಾಲಸಮಾಕುಲಾ ದ್ವಿಪಘಟಾಸಂಘಟ್ಟವಿಕ್ಷೋಭಿತಾ ।
ಮ್ಲೇಚ್ಛಾನಾಂ ರಥವಾಜಿಪತ್ತಿನಿವಹೈರುನ್ಮೀಲಿತಾ ಕೀದೃಶೀ-
ಯಂ ವಿದ್ಯಾ ಭವಿತೇತಿ ಹನ್ತ ನ ಸಖೇ ಜಾನೀಮಹೇ ಮೋಹಿತಾಃ ॥ 66 ॥
ವೇದೋ ನಿರ್ವೇದಮಾಗಾದಿಹ ನಮನಭಿಯಾ ಬ್ರಾಹ್ಮಣಾನಾಂ ವಿಯೋಗಾ-
ದ್ವೈಯಾಸಿಕ್ಯೋ ಗಿರೋಽಪಿ ಕ್ವಚಿದಪಿ ವಿರಲಾಃ ಸಮ್ಮತಂ ಸನ್ತಿ ದೇಶೇ ।
ಇತ್ಥಂ ಧರ್ಮೇ ವಿಲೀನೇ ಯವನಕುಲಪತೌ ಶಾಸತಿ ಕ್ಷೋಣಿಬಿಮ್ಬಂ
ನಿತ್ಯಂ ಗಂಗಾವಗಾಹಾದ್ಭವತಿ ಗತಿರಿತಃ ಸಂಸೃತೇರರ್ಥಸಿದ್ಧೌ ॥ 67 ॥
ಗಂಗಾ ಗಂಗೇತಿ ಯಸ್ಯಾಃ ಶ್ರುತಮಪಿ ಪಠಿತಂ ಕೇನಚಿನ್ನಾಮಮಾತ್ರಂ
ದುರಸ್ಥಸ್ಯಾಪಿ ಪುಂಸೋ ದಲಯತಿ ದುರಿತಂ ಪ್ರೌಢಮಿತ್ಯಾಹುರೇಕೇ ।
ಸ ಗಂಗಾ ಕಸ್ಯ ಸೇವ್ಯಾ ನ ಭವತಿ ಭುವನೇ ಸಜ್ಜನಸ್ಯಾತಿಭವ್ಯಾ
ಬ್ರಹ್ಮಾಂಡಂ ಪ್ಲಾವಯನ್ತೀ ತ್ರಿಪುರಹರಜಟಾಮಂಡಲಂ ಮಂಡಯನ್ತೀಮ್ ॥ 68 ॥
ಯತ್ತೀರೇ ವಸತಾಂ ಸತಾಮಪಿ ಜಲೈರ್ಮೂಲೈಃ ಫಲೈರ್ಜೀವತಾಂ
ಮುಕ್ತಾಹಂಮಮಭಾವಶುದ್ಧಮನಸಾಮಾಚಾರವಿದ್ಯಾವತಾಮ್ ।
ಕೈವಲ್ಯಂ ಕರಬಿಲ್ವತುಲ್ಯಮಮಲಂ ಸಮ್ಪದ್ಯತೇ ಹೇಲಯಾ ।
ಸ ಗಂಗಾ ಹ್ಯತುಲಾಮಲೋರ್ಮಿಮಪಟಲಾ ಸದ್ಭಿಃ ಕುತೋ ನೇಕ್ಷ್ಯತೇ 69 ॥
ತೀರ್ಥಾನಾಮವಲೋಕನೇ ಸುಮನಸಾಮುತ್ಕಂಠತೇ ಮಾನಸಂ
ತಾವದ್ಭೂವಲಯೇ ಸತಾಂ ಪುರರಿಪುಧ್ಯಾನಾಮೃತಾಸ್ವಾದಿನಾಮ್।
ಪಾವತ್ತೇ ನ ವಿಲೋಕಯನ್ತಿ ಸರಿತಾಂ ರೋಚಿಷ್ಣುಮುಕ್ತಾವಲೀಮ್ ।
ಶ್ರೀಮನ್ನಾಕತರಂಗಿಣೀಂ ಹರಜಟಾಜೂಟಾಟವೀವಿಭ್ರಮಾಮ್ ॥ 70 ॥
ಸಂಸಾರೋ ವಿವಿಧಾಧಿಬಾಧಬಧಿರಃ ಸಾರಾಯತೇ ಮಾನಸೇ
ನಿಃಸಾರೋಽಪಿ ವಪುಷ್ಮತಾಂ ಕಲಿವೃಕಗ್ರಾಸೀಕೃತಾನಾಂ ಚಿರಮ್ ।
ದೃಷ್ಟಾಯಾಂ ಘನಸಾರಪಾಥಸಿ ಮಹಾಪುಣ್ಯೇನ ಯಸ್ಯಾಂ ಸತಾಂ
ಸಾ ಸೇವ್ಯಾ ನ ಕುತೋ ಭವೇತ್ಸುರಧುನೀಸ್ವರ್ಗಾಪವರ್ಗೋದಯಾ ॥ 71 ॥
ಯಸ್ಯಾಃ ಸಂಗತಿರುನ್ನತಿಂ ವಿತನುತೇ ವಾರಾಮಮೀಷಾಂ ಜನೈ-
ರುದ್ಗೀತಾ ಕವಿಭಿರ್ಮಹೇಶ್ವರಮನೋಭೀಷ್ಟಾ ಮಹೀಮಂಡಲೇ ।
ಸಾ ಸನ್ತಃ ಶರದಿನ್ದುಸೋದರಪಯಃ ಪೂರಾಭಿರಾಮಾ ನದ-
ತ್ಕೋಕಶ್ರೇಣಿಮನೋಜಪುಣ್ಯಪುಲಿನಾ ಭಾಗೀರಥೀ ಸೇವ್ಯತಾಮ್ ॥ 72 ॥
ಕ್ವಚಿದ್ಧಂಸಶ್ರೇಣೀ ಸುಖಯತಿ ರಿರಂಸುಃ ಶ್ರುತಿಸುಖಂ
ನದನ್ತೀ ಚೇತೋ ನೋ ವಿಪುಲಪುಲಿನೇ ಮನ್ಥರಗತಿಃ ।
ತದೇತಸ್ಯಾ ಯೋಽರ್ಥೀ ಸುರತರುಲತಾ ನಾಕತಟಿನೀಈ
ಸದಾ ಸದ್ಭಿಃ ಸೇವ್ಯಾ ಸಕಲಪುರುಷಾರ್ಥಾಯ ಕೃತಿಭಿಃ ॥ 73 ॥
ಕಲೌ ಗಂಗಾ ಕಾಶ್ಯಾಂ ತ್ರಿಪುರಹರಪುರ್ಯಾಂ ಭಗವತೀ
ಪ್ರಶಸ್ತಾದೇವಾನಾಮಪಿ ಭವತಿ ಸೇವ್ಯಾನುದಿವಸಮ್ ।
ಇತಿ ವ್ಯಾಸೋ ಬ್ರೂತೇ ಮುನಿಜನಧುರೀಣೋ ಹರಿಕಥಾ-
ಸುಧಾಪಾನಸ್ವಸ್ಥೋ ಗಲಿತಭವಬನ್ಧೋಽತುಲಮತಿಃ ॥ 74 ॥
ಯಾವಜ್ಜಾಗರ್ತಿ ಚಿತ್ತೇ ದುರಿತಕಲುಷಿತೇ ಪ್ರಾಣಿನೋ ವಿತ್ತಪುತ್ರ-
ಕ್ಷೇತ್ರಾದ್ಯರ್ಥೇಷು ಚಿನ್ತಾ ತದತಿಪರತಯಾ ಭ್ರಾಮ್ಯಮಾನಸ್ಯ ನಿತ್ಯಮ್ ।
ತಾವನ್ನಾರ್ಥಸ್ಯ ಸಿದ್ಧಿರ್ಭವತಿ ಕಥಮಪಿ ಪ್ರಾಥಿತಸ್ಯಾರ್ತಿಭಾಜಾ
ಕೈವಲ್ಯಾಖ್ಯಸ್ಯ ಲೋಕೇ ರಮಣಸುಖಭುವೋ ಮುಕ್ತದೋಷಾನುಷಕ್ತೇಃ ॥ 75 ॥
ಸನ್ತ್ಯರ್ಥಾ ಮಮ ಸಂಚಿತಾ ಬಹುಧಾಃ ಪಿತ್ರಾದಿಭಿಃ ಸಾಮ್ಪ್ರತಂ
ವಾಣಿಜ್ಯೈಃ ಕೃಷಿಭಿಃ ಕಲಾಭಿರಪಿ ತಾನ್ವಿಸ್ತಾರಯಿಷ್ಯಾಮಿ ವಃ ।
ಹೇ ಪುತ್ರಾ ಇತಿ ಭಾವನ್ನನುದಿನಂ ಸಂಸಾರಪಾಶಾವಲೀಂ
ಛೇತ್ತಾಯಂ ತು ಕಥಂ ಮನೋರಥಮಯೀಂ ಜೀವೋ ನಿರಾಲಮ್ಬನಃ ॥ 76 ॥
ಜಾನನ್ನೇವ ಕರೋತಿ ಕರ್ಮ ಬಹುಲಂ ದುಃಖಾತ್ಮಕಂ ಪ್ರೇರಿತಃ
ಕೇನಾಪ್ಯಪ್ರತಿವಾಚ್ಯಶಕ್ತಿಮಹಿನಾ ದೇವೇನ ಮುಕ್ತಾತ್ಮನಾ ।
ಸರ್ವಜ್ಞೇನ ಹೃದಿಸ್ಥಿತೇನ ತನುಮತ್ಸಂಸಾರರಂಗಾಂಗಣೇ
ಮಾದ್ಯದ್ಬುದ್ಧಿನಟೀವಿನೋದನಿಪುಣೋ ನೃತ್ಯನ್ನಂಗಪ್ರಿಯಃ ॥ 77 ॥
ಕೋ ದೇವೋ ಭುವನೋದಯಾವನಕರೋ ವಿಶ್ವೇಶ್ವರೋ ವಿದ್ಯತೇ
ಯಸ್ಯಾಜ್ಞಾವಶವರ್ತಿನೋ ಜಲಧಿಯೋ ನಾಪ್ಲಾವಯನ್ತಿ ಕ್ಷಿತಿಮ್ ।
ಇತ್ಯಾಮ್ನಾತಮಪೀಶ್ವರಂ ಸುರಶಿರೋರತ್ನಂ ಜಗತ್ಸಾಕ್ಷಿಣಂ
ಸರ್ವಜ್ಞಂ ಧನಯೌವನೋದ್ಘತಮನಾ ನೋ ಮನ್ಯತೇ ಬಾಲಿಶಃ ॥ 78 ॥
ಕಸ್ಯೇಮೌ ಪಿತರೌ ಮನೋಭವವತಾ ತಾಪೇನ ಸಂಯೋಜಿತಾ-
ವನ್ಯೋನ್ಯಂ ತನಯಾದಿಕಂ ಜನಯತೋ ಭೂಮ್ಯಾದಿಭೂತಾತ್ಮಭಿಃ ।
ಇತ್ಥಂ ದುಃಸ್ಥಮತಿರ್ಮನೋಭವರತಿರ್ಯೋ ಮನ್ಯತೇ ನಾಸ್ತಿಕಃ
ಶಾನ್ತಿಸ್ತಸ್ಯ ಕಥಂ ಭವೇದ್ಘನವತೋ ದುಷ್ಕರ್ಮಧರ್ಮಶ್ರಮಾತ್ ॥ 79 ॥
ಹಿಕ್ಕಾಕಾಸ ಭಗನ್ದರೋದರಮಹಾಮೇದಜ್ವರೈರಾಕುಲಃ
ಶ್ಲೇಷ್ಮಾದ್ಯೈರಪಿ ನಿದ್ರಯಾ ವಿರಹಿತೋ ಮನ್ದಾನಲೋಲ್ಪಾಶನಃ ।
ತಾರುಣ್ಯೇಽಪಿ ವಿಲೋಕ್ಯತೇ ಬಹುವಿಧೋ ಜೀವೋ ದರಿದ್ರೇಶ್ವರೋ
ಹಾ ಕಷ್ಟಂ ಕಥಮೀದೃಶಂ ಭಗವತಃ ಸಂಸಾರದುಃಸಾಗರೇ ॥ 80 ॥
ಮಾದ್ಯತ್ತಾರ್ಕಿಕತಾನ್ತ್ರಿಕದ್ವಿಪಘಟಾಸಂಘಟ್ಟಪಂಚಾನನ-
ಸ್ತದ್ವದೃಪ್ತಕದನ್ತವೈದ್ಯಕಕಲಾಕಲ್ಪೋಽಪಿ ನಿಷ್ಕಿಂಚನಃ ।
ಯತ್ರ ಕ್ವಾಪಿ ವಿನಾಶಯಾ ಕೃಶತನುರ್ಭೂಪಾಲಸೇವಾಪರೋ
ಜೀವನ್ನೇವ ಮೃತಾಯತೇ ಕಿಮಪರಂ ಸಂಸಾರದುಃಸಾಗರೇ ॥ 81 ॥
ಆಢ್ಯಃ ಕಶ್ಚಿದಪಂಡಿತೋಽಪಿ ವಿದುಷಾಂ ಸೇವ್ಯಃ ಸದಾ ಧಾರ್ಮಿಕೋ
ವಿಶ್ವೇಷಾಮುಪಜಾರಕೋ ಮೃಗದೃಶಾಮಾನನ್ದಕನ್ದಾಕರಃ ।
ಕರ್ಪೂರದ್ಯುತಿಕೀರ್ತಿಭೂಷಿತಹರಿದ್ಭೂಮಂಡಲೇ ಗೀಯತೇ
ಶಶ್ವದ್ದ್ವನ್ದಿಜನೈರ್ಮಹೀತನುಭೃತಃ ಪುಣ್ಯೈರ್ನ ಕಸ್ಯೋದಯಃ ॥ 82 ॥
ಕರ್ತವ್ಯಂ ನ ಕರೋತಿ ಬನ್ಧುಭಿರಪಿ ಸ್ನೇಹಾತ್ಮಭಿರ್ವೋದಿತಃ
ಕಾಮಿತ್ವಾದಭಿಮನ್ಯತೇ ಹಿತಮತಂ ಧೀರೋಪ್ಯಭೀಷ್ಟಂ ನರಃ ।
ನಿಷ್ಕಾಮಸ್ಯ ನ ವಿಕ್ರಿಯಾ ತನುಭೃತೋ ಲೋಕೇ ಕ್ವಚಿದ್ದೃಶ್ಯತೇ
ಯತ್ತಸ್ಮಾದಯಮೇವ ಮೂಲಮಖಿಲಾನರ್ಥಸ್ಯ ನಿರ್ಧಾರಿತಮ್ ॥ 83 ॥
ನಿಷ್ಕಾಮಾ ಮುನಯಃ ಪರಾವರದೃಶೋ ನಿರ್ಧೂತಪಾಪ್ಮೋದಯಾ
ನಿಃಸಂಗಾ ನಿರಹಂಕೃತಾ ನಿರುಪಮಾನನ್ದಂ ಪರಂ ಲೇಭಿರೇ ।
ಯದ್ಗತ್ವಾ ನ ಲುಠನ್ತಿ ಮಾತೃಜಠರೇ ದುಃಖಾಕರೇ ಮಾನವಾ
ದುರ್ಗನ್ಧೇ ಪುನರೇತ್ಯಕಾಮಮಕರೇ ಸಂಸಾರಪಾಥೋನಿಧೌ ॥ 84 ॥
ಕಾಮಸ್ಯಾಪಿ ನಿದಾನಮಾಹುರಪರೇ ಮಾಯಾಂ ಮಹಾಶಾಸನಾ
ನಿಶ್ಚಿತ್ಕಾಂ ಸಕಲಪ್ರಪಂಚರಚನಾಚಾತುರ್ಯಲೀಲಾವತೀಮ್ ।
ಯತ್ಸಂಗಾದ್ಭಗವಾನಪಿ ಪ್ರಭವತಿ ಪ್ರತ್ಯಙ್ಮಹಾಮೋಹಹಾ
ಶ್ರೀರಂಗೋ ಭುವನೋದಯಾವನಲಯವ್ಯಾಪಾರಚಕ್ರೇಕ್ರಿಯಾಃ ॥ 85 ॥
ತುಲ್ಯಾರ್ಥೇನ ತ್ವಮೈಕ್ಯಂ ತ್ರಿಭುವನಜನಕಸ್ತತ್ಪದಾರ್ಥಃಪ್ರಪದ್ಯ
ಪ್ರತ್ಯಕ್ಷಂ ಮೋಹಜನ್ಮ ತ್ಯಜತಿ ಭಗವತಿ ತ್ವಂಪದಾರ್ಥೋಽಪಿ ಜೀವಃ ।
ಶ್ರುತ್ಯಾಚಾರ್ಯಪ್ರಸಾದಾನ್ನಿರುಪಮವಿಲಸದ್ಬ್ರಹ್ಮವಿದ್ಯೈಸ್ತದೈಕ್ಯಂ
ಪ್ರಾಪ್ಯಾನನ್ದಪ್ರತಿಷ್ಠೋ ಭವತಿ ವಿಗಲಿತಾನಾದ್ಯವಿದ್ಯೋಪರೀಹಃ ॥ 86 ॥
ಸಂನ್ಯಾಸೋ ವಿಹಿತಸ್ಯ ಕೇಶವಪದದ್ವನ್ದ್ವೇ ವ್ಯಧಾಯಿ ಶ್ರುತಾ
ವೇದಾನ್ತಾ ನಿರವದ್ಯನಿಷ್ಕಲಪರಾನನ್ದಾಃ ಸುನಿಷ್ಠಾಶ್ಚಿರಮ್ ।
ಸಂಸಾರೇ ವಧಬನ್ಧದುಃಖಬಹುಲೇ ಮಾಯಾವಿಲಾಸೇಽವ್ಯಯಂ
ಬ್ರಹ್ಮಾಸ್ಮೀತಿ ವಿಹಾಯ ನಾನ್ಯದಧುನಾ ಕರ್ತವ್ಯಮಾಸ್ತೇ ಕ್ವಚಿತ್ ॥ 87 ॥
ಹಿತ್ವಾ ವಿಶ್ವಾದ್ಯವಸ್ಥಾಃ ಪ್ರಕೃತಿವಿಲಸಿತಾ ಜಾಗ್ರದಾದ್ಯೈರ್ವಿಶೇಷೈಃ
ಸಾರ್ಧಂ ಚೈತನ್ಯಧಾತೌ ಪ್ರಕೃತಿಮಪಿ ಸಮಂ ಕಾರ್ಯಜಾತೈರಶೇಷೈಃ ।
ಜ್ಞಾನಾನನ್ದಂ ತುರೀಯಂ ವಿಗಲಿತಗುಣಕಂ ದೇಶಕಾಲಾದ್ಯತೀತಂ
ಸ್ವಾತ್ಮಾನಂ ವೀತನಿದ್ರಃ ಸತತಮಧಿಕೃತಶ್ಚಿನ್ತಯೇದದ್ವಿತೀಯಮ್ ॥ 88 ॥
ಅಗ್ರೇಪಶ್ಚಾದಧಸ್ತಾದುಪರಿ ಚ ಪರಿತೋ ದಿಕ್ಷು ಧಾನ್ಯಾಸ್ವನಾದಿಃ
ಕೂಟಸ್ಥಾ ಸಂವಿದೇಕಾ ಸಕಲತನುಭೃತಾಮನ್ತರಾತ್ಮಾನಿಯನ್ತ್ರೀ ।
ಯಸ್ಯಾನನ್ದಸ್ವಭಾವಾ ಸ್ಫುರತಿ ಶುಭಧಿಯಃ ಪ್ರತ್ಯಹಂ ನಿಷ್ಪ್ರಪಂಚಾ
ಜೀವನ್ಮುಕ್ತಃ ಸ ಲೋಕೇ ಜಯತಿ ಗತಮಹಾಮೋಹವಿಶ್ವಪ್ರಪಂಚಃ ॥ 90 ॥
ಕ್ವಾಹಂ ಬ್ರಹ್ಮೇತಿ ವಿದ್ಯಾ ನಿರತಿಶಯಸುಖಂ ದರ್ಶಯನ್ತೀ ವಿಶುದ್ಧಂ
ಕೂಟಸ್ಥಂ ಸ್ವಪ್ರಕಾಶಂ ಪ್ರಕೃತಿ ಸುಚರಿತಾ ಖಂಡಯನ್ತೀ ಚ ಮಾಯಾಮ್ ।
ಕ್ವಾವಿದ್ಯಾಹಂ ಮಮೇತಿ ಸ್ಥಗಿತಪರಸುಖಾ ಚಿತ್ತಭಿತ್ತೌ ಲಿಖನ್ತೀ
ಸರ್ವಾನರ್ಥಾನನರ್ಥಾನ್ ವಿಷಯಗಿರಿಭುವಾ ವಾಸನಾಗೈರಿಕೇಣ ॥ 91 ॥
ಅಹಂ ಬ್ರಹ್ಮಾಸ್ಮೀತಿ ಸ್ಫುರದಮಲಬೋಧೋ ಯದಿ ಭವೇ-
ತ್ಪುಮಾನ್ಪುಣ್ಯೋದ್ರೇಕಾದುಪಚಿತಪರಾನರ್ಥವಿರತಿಃ ।
ತದಾನೀಂ ಕ್ವಾವಿದ್ಯಾ ಭೃಶಮಸಹಮಾನೌಪನಿಷದಂ
ವಿಚಾರಂ ಸಂಸಾರಃ ಕ್ವ ಚ ವಿವಿಧದುಃಖೈಕವಸತಿಃ ॥ 92 ॥
ಕಶ್ಚಿತ್ಕ್ರನ್ದತಿ ಕಾಲಕರ್ಕಶಕರಾಕೃಷ್ಟಂ ವಿನಷ್ಟಂ ಹಠಾ-
ದುತ್ಕೃಷ್ಟಂ ತನಯಂ ವಿಲೋಕ್ಯ ಪುರತಃ ಪುತ್ರೇತಿ ಹಾ ಹಾ ಕ್ವಚಿತ್ ।
ಕಶ್ಚಿನ್ನರ್ತಕನರ್ತಕೀಪರಿವೃತೋ ನೃತ್ಯತ್ಯಹೋ ಕುತ್ರಚಿ-
ಚ್ಚಿತ್ರಂ ಸಂಸೃತಿಪದ್ಧತಿಃ ಪ್ರಥಯತಿ ಪ್ರೀತಿಂಚ ಕಷ್ಟಂಚ ನಃ ॥ 93 ॥
ನಾನ್ನಂ ಜೀರ್ಯತಿ ಕಿಂಚಿದೌಷಧಬಲಂ ನಾಲಂ ಸ್ವಕಾರ್ಯೋದಯೇ
ಶಕ್ತಿಶ್ಚಂಕ್ರಮಣೇ ನ ಹನ್ತ ಜರಯಾ ಜೀರ್ಣೀಕೃತಾಯಾಂ ತನೌ ।
ಅಸ್ಮಾಕಂ ತ್ವಧುನಾ ನ ಲೋಚನಬಲಂ ಪುತ್ರೇತಿ ಚಿನ್ತಾಕುಲೋ
ಗ್ಲಾಯತ್ಯರ್ಥಪರಾಯಣೋಽತಿಕೃಪಣೋ ಮಿಥ್ಯಾಭಿಮಾನೋ ಗೃಹೀ ॥ 94 ॥
ಅನ್ನಾಶಾಯ ಸದಾ ರಟನ್ತಿ ಪೃಥುಕಾಃಕ್ಷುತ್ಕ್ಷಾಮಕಂಠಾಸ್ತ್ರಿಯೋ
ವಾಸೋಭೀ ರಹಿತಾ ಬಹಿರ್ವ್ಯವಹೃತೌ ನಿರ್ಯಾನ್ತಿ ನೋ ಲಜ್ಜಯಾ ।
ಗೇಹಾದಂಗಣಮಾರ್ಜನೇಽಪಿ ಗೃಹಿಣೋ ಯಸ್ಯೇತಿ ದುರ್ಜೀವಿತಂ
ಯದ್ಯಪ್ಯಸ್ತಿ ತಥಾಪಿ ತಸ್ಯ ವಿರತಿರ್ನೋದೇತಿ ಚಿತ್ರಂ ಗೃಹೇ ॥ 95 ॥
ಸದ್ದ್ವಂಶೋ ಗುಣವಾನಹಂ ಸುಚರಿತಃ ಶ್ಲಾಘ್ಯಾಂ ಕರೋತ್ಯಾತ್ಮನೋ
ನೀಚಾನಾಂ ವಿದಧಾತಿ ಚ ಪ್ರತಿದಿನಂ ಸೇವಾಂ ಜನಾನಾಂ ದ್ವಿಜಃ ।
ಯೋಷಿತ್ತಸ್ಯ ಜಿಘೃಕ್ಷಯಾ ಸ ಚ ಕುತೋ ನೋ ಲಜ್ಜತೇ ಸಜ್ಜನಾ-
ಲ್ಲೋಭಾನ್ಧಸ್ಯ ನರಸ್ಯ ನೋ ಖಲು ಸತಾಂ ದೃಷ್ಟಂ ಹಿ ಲಜ್ಜಾಭಯಮ್ ॥ 96 ॥
ಕಾಮಾದಿತ್ರಿಕಮೇವ ಮೂಲಮಖಿಲಕ್ಲೇಶಸ್ಯ ಮಾಯೋದ್ಭವಂ
ಮರ್ತ್ಯಾನಾಮಿತಿ ದೇವಮೌಲಿವಿಲಸದ್ಭಾಜಿಷ್ಣುಚೂಡಾಮಣಿಃ ।
ಶ್ರೀಕೃಷ್ಣೋ ಭಗವಾನವೋಚದಖಿಲಪ್ರಾಣಿಪ್ರಿಯೋ ಮತ್ಪ್ರಭು-
ರ್ಯಸ್ಮಾತ್ತತ್ತ್ರಿಕಮುದ್ಯತೇನ ಮನಸಾ ಹೇಯಂ ಪುಮರ್ಥಾರ್ಥಿನಾ ॥ 97 ॥
ಯತ್ಪ್ರೀತ್ಯರ್ಥಮನೇಕಧಾಮನಿ ಮಯಾ ಕಷ್ಟೇನ ವಸ್ತು ಪ್ರಿಯಂ
ಸ್ವಸ್ಯಾಶಾಕವಲೀಕೃತೇನ ವಿಕಲೀಭಾವಂ ದಧಾನೇನ ಮೇ ।
ತತ್ಸರ್ವಂ ವಿಲಯಂ ನಿನಾಯ ಭಗವಾನ್ ಯೋ ಲೀಲಯಾ ನಿರ್ಜರೋ
ಮಾಂ ಹಿತ್ವಾ ಜರಯಾಕುಲೀಕೃತತನುಂ ಕಾಲಾಯ ತಸ್ಮೈ ನಮಃ ॥ 98 ॥
ಆಯುರ್ವೇದವಿದಾಂ ರಸಾಶನವತಾಂ ಪಥ್ಯಾಶಿನಾಂ ಯತ್ನತೋ
ವೈದ್ಯಾನಾಮಪಿ ರೋಗಜನ್ಮ ವಪುಷೋ ಹ್ಯನ್ತರ್ಯತೋ ದೃಶ್ಯತೇ ।
ದುಶ್ಚಕ್ಷೋತ್ಕವಲೀಕೃತತ್ರಿಭುವನೋ ಲೀಲಾವಿಹಾರಸ್ಥಿತಃ
ಸರ್ವೋಪಾಯವಿನಾಶನೈಕಚತುರಃ ಕಾಲಾಯ ತಸ್ಮೈ ನಮಃ ॥ 99 ॥
ತೇ ಧನ್ಯಾ ಭುವನೇ ಸುಶಿಕ್ಷಿತಪರಬ್ರಹ್ಮಾತ್ಮವಿದ್ಯಾಜನಾ
ಲೋಕಾನಾಮನುರಂಜಕಾ ಹರಿಕಥಾಪೀಯೂಷಪಾನಪ್ರಿಯಾಃ ।
ಯೇಷಾಂ ನಾಕತರಂಗಿಣೀತಟಶಿಲಾಬದ್ಧಾಸನಾನಾಂ ಸತಾಂ
ಪ್ರಾಣಾ ಯನ್ತಿ ಲಯಂ ಸುಖೇನ ಮನಸಾ ಶ್ರೀರಂಗಚಿನ್ತಾಭೃತಾಮ್ ॥ 100 ॥
ಹೇ ಪುತ್ರಾಃ ವ್ರಜತಾಭಯಂ ಯತ ಇತೋ ಗೇಹಂ ಜನನ್ಯಾ ಸಮಂ
ರಾಗದ್ವೇಷಮದಾದಯೋ ಭವತು ವಃ ಪನ್ಥಾಃ ಶಿವೋಽಮಾಯಯಾ ।
ಕಾಶೀಂ ಸಾಮ್ಪ್ರತಮಾಗತೋಽಹಮಹಹ ಕ್ಲೇಶೇನ ಹಾತುಂ ವಪುಃ
ಸರ್ವಾನರ್ಥಗೃಹಂ ಸುಪರ್ವತಟಿನೀವೀಚಿಶ್ರಿಯಾಮಂಡಿತಾಮ್ ॥ 101 ॥
ಯತ್ಸಾಕ್ಷಾದಭಿಧಾತುಮಕ್ಷಮತಯಾ ಶಬ್ದಾದ್ಯನಾಲಿಂಗಿತಂ
ಕೂಟಸ್ಥಂ ಪ್ರತಿಪಾದಯನ್ತಿ ವಿಲಯದ್ವಾರಾ ಪ್ರಪಂಚಸ್ರಜಃ ।
ಮೋಕ್ಷಾಯ ಶ್ರುತಯೋ ನಿರಸ್ತವಿಧಯೋ ಧ್ಯಾನಸ್ಯ ಚೋಚ್ಛಿತ್ತಯೇ
ತತ್ರಾದ್ವೈತವನೇ ಸದಾ ವಿಚರತಾಚ್ಚೇತಃ ಕುರಂಗಃ ಸತಾಮ್ ॥ 102 ॥
ಬುಧಾನಾಂ ವೈರಾಗ್ಯಂ ಸುಘಟಯತು ವೈರಾಗ್ಯಶತಕಂ
ಗೃಹಸ್ಥಾನಾಮೇಕಂ ಹರಿಪದಸರೋಜಪ್ರಣಯಿನಾಮ್ ।
ಜನಾನಾಮಾನನ್ದಂ ವಿತರತು ನಿತಾನ್ತಂ ಸುವಿಶದ-
ತ್ರಯಂ ಶೇಷವ್ಯಾಖ್ಯಾಗಲಿತತಮಸಾಂ ಶುದ್ಧಮನಸಾಮ್ ॥ 103 ॥
ಇತಿ ಶ್ರೀಭರ್ತೃಹರಿವಿರಚಿತಂ ವಿಜ್ಞಾನಶತಕಂ ಚತುರ್ಥಮ್ ।