॥ Shiva Stotra by Swamy Vivekananda Telugu Lyrics ॥
॥ శ్రీశివస్తోత్రం – స్వామీ వివేకానందవిరచితం ॥
ఓం నమః శివాయ ।
నిఖిలభువనజన్మస్థమభంగప్రరోహాః
అకలితమహిమానః కల్పితా యత్ర తస్మిన్ ।
సువిమలగగనాభే ఈశసంస్థేఽప్యనీశే
మమ భవతు భవేఽస్మిన్ భాసురో భావబంధః ॥
నిహతనిఖిలమోహేఽధీశతా యత్ర రూఢా
ప్రకటితపరప్రేమ్నా యో మహాదేవ సంజ్ఞః ।
అశిథిలపరిరంభః ప్రేమరూపస్య యస్య
ప్రణయతి హృది విశ్వం వ్యాజమాత్రం విభుత్వం ॥
వహతి విపులవాతః పూర్వ సంస్కారరూపః
ప్రమథతి బలవృందం ఘూర్ణితేవోర్మిమాలా ।
ప్రచలతి ఖలు యుగ్మం యుష్మదస్మత్ప్రతీతం
అతివికలితరూపం నౌమి చిత్తం శివస్థం ॥
జనకజనితభావో వృత్తయః సంస్కృతాశ్చ
అగణనబహురూపా యత్ర ఏకో యథార్థః ।
శమితవికృతవాతే యత్ర నాంతర్బహిశ్చ
తమహహ హరమౌడే చిత్తవృత్తేర్నిరోధం ॥
గలితతిమిరమాలః శుభ్రతేజఃప్రకాశః
ధవలకమలశోభః జ్ఞానపుంజాట్టహాసః ।
యమిజనహృదిగమ్యః నిష్కలం ధ్యాయమానః
ప్రణతమవతు మం సః మానసో రాజహంసః ॥
దురితదలనదక్షం దక్షజాదత్తదోషం
కలితకలికలంకం కమ్రకల్హారకాంతం ।
పరహితకరణాయ ప్రాణవిచ్ఛేదసూత్కం
నతనయననియుక్తం నీలకంఠం నమామః ॥
— స్వామీ వివేకానంద
– Chant Stotra in Other Languages –
Shiva Stotram by Swami Vivekananda in Sanskrit – English – Marathi । Bengali – Gujarati – Kannada – Malayalam – Odia – Telugu – Tamil