॥ Rudradhyaya Stuti Kannada Lyrics ॥
॥ ರುದ್ರಾಧ್ಯಾಯ ಸ್ತುತಿ ॥
ಧ್ಯಾನಂ ॥
ಆಪಾತಾಳ ನಭಃ ಸ್ಥಲಾಂತ ಭುವನ ಬ್ರಹ್ಮಾಂಡಮಾವಿಸ್ಫುರ-
ಜ್ಜ್ಯೋತಿಃ ಸ್ಫಾಟಿಕ ಲಿಂಗ ಮೌಳಿವಿಲಸತ್ ಪೂರ್ಣೇಂದು ವಾಂತಾಮೃತೈಃ ।
ಅಸ್ತೋಕಾಪ್ಲುತಮೇಕಮೀಶಮನಿಶಂ ರುದ್ರಾನುವಾಕಾನ್ ಜಪನ್
ಧ್ಯಾಯೇದೀಪ್ಸಿತಸಿದ್ಧಯೇ ಧ್ರುವಪದಂ ವಿಪ್ರೋಽಭಿಷಿಂಚೇಚ್ಛಿವಮ್ ॥
ಬ್ರಹ್ಮಾಂಡ ವ್ಯಾಪ್ತದೇಹಾಃ ಭಸಿತ ಹಿಮರುಚಾ ಭಾಸಮಾನಾ ಭುಜಂಗೈಃ
ಕಂಠೇ ಕಾಲಾಃ ಕಪರ್ದಾಃ ಕಲಿತ ಶಶಿಕಲಾಶ್ಚಂಡ ಕೋದಂಡ ಹಸ್ತಾಃ ॥
ತ್ರ್ಯಕ್ಷಾ ರುದ್ರಾಕ್ಷಮಾಲಾಃ ಸಲಲಿತವಪುಷಾಶ್ಶಾಂಭವಾ ಮೂರ್ತಿಭೇದಾಃ
ರುದ್ರಾಃ ಶ್ರೀರುದ್ರಸೂಕ್ತ ಪ್ರಕಟಿತ ವಿಭವಾಃ ನಃ ಪ್ರಯಚ್ಛಂತು ಸೌಖ್ಯಮ್ ॥
ಇತ್ಯುಕ್ತ್ವಾ ಸತ್ವರಂ ಸಾಂಬಂ ಸ್ಮೃತ್ವಾ ಶಂಕರಪಾದುಕೇ
ಧ್ಯಾತ್ವಾ ಯಯೌ ಗಣಾಧೀಶಃ ಶಿವಸನ್ನಿಧಿಮಾದರಾತ್ ।
ತತಃ ಪ್ರಣಮ್ಯ ಬಹುಧಾ ಕೃತಾಂಜಲಿ ಪುಟಃ ಪ್ರಭುಃ
ಶಂಭುಂ ಸ್ತೋತುಂ ಮತಿಂ ಚಕ್ರೇ ಸರ್ವಾಭೀಷ್ಟಪ್ರದಾಯಕಮ್ ॥
ಗಣೇಶ ಉವಾಚ –
ನಮಸ್ತೇ ದೇವ ದೇವಾಯ ನಮಸ್ತೇ ರುದ್ರ ಮನ್ಯವೇ ।
ನಮಸ್ತೇ ಚಂದ್ರಚೂಡಾಯಾಪ್ಯುತೋತ ಇಷವೇ ನಮಃ ॥ ೧ ॥
ನಮಸ್ತೇ ಪಾರ್ವತೀಕಾಂತಾ-ಯೈಕರೂಪಾಯ ಧನ್ವನೇ ।
ನಮಸ್ತೇ ಭಗವನ್ ಶಂಭೋ ಬಾಹುಭ್ಯಾಮುತ ತೇ ನಮಃ ॥ ೨ ॥
ಇಷುಃ ಶಿವತಮಾ ಯಾ ತೇ ತಯಾ ಮೃಡಾಯ ರುದ್ರಮಾಮ್ ।
ಶಿವಂ ಧನುರ್ಯದ್ಬಭೂವ ತೇನಾಪಿ ಮೃಡಯಾಧುನಾ ॥ ೩ ॥
ಶರವ್ಯಾ ಯಾ ಶಿವತಮಾ ತಯಾಪಿ ಮೃಡಯ ಪ್ರಭೋ ।
ಯಾ ತೇ ರುದ್ರ ಶಿವಾ ನಿತ್ಯಂ ಸರ್ವಮಂಗಳಸಾಧನಮ್ ॥ ೪ ॥
ತಯಾಭಿಚಾಕಶೀಹಿ ತ್ವಂ ತನುವಾ ಮಾಮುಮಾಪತೇ ।
ಘೋರಯಾ ತನುವಾಚಾಪಿ ರುದ್ರಾದ್ಯಾಽಪಾಪಕಾಶಿನೀ ॥ ೫ ॥
ಯಾ ತಯಾ ಮೃಡಯ ಸ್ವಾಮಿನ್ ಸದಾ ಶನ್ತಮಯಾ ಪ್ರಭೋ ।
ಗಿರಿಶನ್ತ ಮಹಾರುದ್ರ ಹಸ್ತೇ ಯಾಮಿಷುಮಸ್ತವೇ ॥ ೬ ॥
ಬಿಭರ್ಷಿ ತಾಂ ಗಿರಿತ್ರಾದ್ಯ ಶಿವಾಂ ಕುರು ಶಿವಾಪತೇ ।
ಶಿವೇನ ವಚಸಾ ರುದ್ರ ನಿತ್ಯಂ ವಾಚಾವದಾಮಸಿ ॥ ೭ ॥
ತ್ವದ್ಭಕ್ತಿ ಪರಿಪೂತಾಂಗಂ ಮಹಿಂಸೀಃ ಪುರುಷಂ ಜಗತ್ ।
ಯಚ್ಚ ಶರ್ವ ಜಗತ್ಸರ್ವಮಯಕ್ಷ್ಮಂ ಸುಮನಾ ಅಸತ್ ॥ ೮ ॥
ಯಥಾತಥಾವಮಾಂ ರುದ್ರ ತದನ್ಯಧಾಪಿ ಮೇ ಪ್ರಭೋ ।
ರುದ್ರ ತ್ವಮ್ ಪ್ರಥಮೋ ದೈವ್ಯೋ ಭಿಷಕ್ ಪಾಪವಿನಾಶಕಃ ॥ ೯ ॥
ಅಧಿವಕ್ತಾಽಧ್ಯವೋಚನ್ಮಾಂ ಭಾವಲಿಂಗಾರ್ಚಕಂ ಮುದಾ ।
ಅಹೀನ್ ಸರ್ವಾನ್ ಯಾತು ಧಾನ್ಯಃ ಸರ್ವಾ ಅಪ್ಯದ್ಯ ಜಂಭಯನ್ ॥ ೧೦ ॥
ಅಸೌ ತಾಮ್ರೋರುಣೋ ಬಭ್ರುಃ ನೀಲಗ್ರೀವಃ ಸುಮಂಗಳಃ ।
ವಿಲೋಹಿತೋ ಸ್ತ್ವಯಂ ಶಂಭೋ ತ್ವದಧಿಷ್ಠಾನ ಏವ ಹಿ ॥ ೧೧ ॥
ನಮೋ ನಮಸ್ತೇ ಭಗವನ್ ನೀಲಗ್ರೀವ ಮೀಢುಷೇ ।
ಸಹಸ್ರಾಕ್ಷಾಯ ಶುದ್ಧಾಯ ಸಚ್ಚಿದಾನಂದ ಮೂರ್ತಯೇ ॥ ೧೨ ॥
ಉಭಯೋಗಾರ್ತ್ನಿ ಯೋರ್ಜ್ಯಾ ಯಾ ಧನ್ವನಸ್ತಾಂ ಪ್ರಮುಂಚತಾಮ್ ।
ಸಂಪ್ರಾಪ್ಯ ಧನುರನ್ಯೇಷಾಂ ಭಯಾಯ ಪ್ರಭವಿಷ್ಯತಿ ॥ ೧೩ ॥
ಅಸ್ಮದ್ಭಯ ವಿನಾಶಾರ್ಥ ಮಧುನಾಭಯದ ಪ್ರಭೋ ।
ಯಾಶ್ಚತೇ ಹಸ್ತ ಇಷವಃ ಪರತಾ ಭಗವೋ ವಾಪ ॥ ೧೪ ॥
ಅವತತ್ಯ ಧನುಶ್ಚತ್ವಂ ಸಹಸ್ರಾಕ್ಷ ಶತೇಷುಧೇ ।
ಮುಖಾ ನಿಶೀರ್ಯ ಶಲ್ಯಾನಾಂ ಶಿವೋ ನಃ ಸುಮನಾ ಭವ ॥ ೧೫ ॥
ವಿಜ್ಯಂ ಧನುರಿದಂ ಭೂಯಾತ್ ವಿಶಲ್ಯೋ ಬಾಣವಾನಪಿ ।
ಅನೇಶನ್ನಿಷವಶ್ಚಾಪಿ ಹ್ಯಾಭುರಸ್ತು ನಿಷಂಗಥಿಃ ॥ ೧೬ ॥
ಕಪರ್ದಿನೋ ಮಹೇಶಸ್ಯ ಯದಿ ನಾಭುರ್ನಿಷಂಗಥಿಃ ।
ಇಷವೋ ಪಿ ಸಮರ್ಥಾಶ್ಚೇತ್ ಸಾಮರ್ಥ್ಯಾತು ಭಯಂ ಭವೇತ್ ॥ ೧೭ ॥
ಯಾ ತೇ ಹೇತಿರ್ಧನುರ್ಹಸ್ತೇನ ಮೀಢುಷ್ಟಮ ಬಭೂವ ಯಾ ।
ತಯಾಽಸ್ಮಾನ್ ವಿಶ್ವತಸ್ತೇನ ಪಾಲಯ ತ್ವಮಯಕ್ಷ್ಮಯಾ ॥ ೧೮ ॥
ಅನಾತತಾಯಾಽಯುಧಾಯ ನಮಸ್ತೇ ಧೃಷ್ಣವೇ ನಮಃ ।
ಬಾಹುಭ್ಯಾಂ ಧನ್ವನೇ ಶಂಭೋ ನಮೋ ಭೂಯೋ ನಮೋ ನಮಃ ॥ ೧೯ ॥
ಪರಿತೇ ಧನ್ವನೋ ಹೇತಿಃ ವಿಶ್ವತೋಽಸ್ಮಾನ್ ವೃಣಕ್ತು ನಃ ।
ಇಷುಧಿಸ್ತವ ಯಾ ತಾವದಸ್ಮದಾರೇ ನಿಧೇಹಿ ತಮ್ ॥ ೨೦ ॥
ಹಿರಣ್ಯ ಬಾಹವೇ ತುಭ್ಯಂ ಸೇನಾನ್ಯೇ ತೇ ನಮೋ ನಮಃ ।
ದಿಶಾಂ ಚ ಪತಯೇ ತುಭ್ಯಂ ಪಶೂನಾಂ ಪತಯೇ ನಮಃ ॥ ೨೧ ॥
ತ್ವಿಷೀಮತೇ ನಮಸ್ತುಭ್ಯಂ ನಮಃ ಸಸ್ಪಿಂಜರಾಯ ತೇ ।
ನಮಃ ಪಥೀನಾಂ ಪತಯೇ ಬಭ್ಲುಶಾಯ ನಮೋ ನಮಃ ॥ ೨೨ ॥
ನಮೋ ವಿವ್ಯಾಧಿನೇಽನ್ನಾನಾಂ ಪತಯೇ ಪ್ರಭವೇ ನಮಃ ।
ನಮಸ್ತೇ ಹರಿಕೇಶಾಯ ರುದ್ರಾಯ-ಸ್ತೂಪವೀತಿನೇ ॥ ೨೩ ॥
ಪುಷ್ಟಾನಾಂ ಪತಯೇ ತುಭ್ಯಂ ಜಗತಾಂ ಪತಯೇ ನಮಃ ।
ಸಂಸಾರ ಹೇತಿ ರೂಪಾಯ ರುದ್ರಾಯಾಪ್ಯಾತತಾವಿನೇ ॥ ೨೪ ॥
ಕ್ಷೇತ್ರಾಣಾಂ ಪತಯೇ ತುಭ್ಯಂ ಸೂತಾಯ ಸುಕೃತಾತ್ಮನೇ ।
ಅಹನ್ತ್ಯಾಯ ನಮಸ್ತುಭ್ಯಂ ವನಾನಾಂ ಪತಯೇ ನಮಃ ॥ ೨೫ ॥
ರೋಹಿತಾಯ ಸ್ಥಪತಯೇ ಮಂತ್ರಿಣೇ ವಾಣಿಜಾಯ ಚ ।
ಕಕ್ಷಾಣಾಂ ಪತಯೇ ತುಭ್ಯಂ ನಮಸ್ತುಭ್ಯಂ ಭುವಂತಯೇ ॥೨೬॥
ತದ್ವಾರಿವಸ್ಕೃತಾಯಾಸ್ತು ಮಹಾದೇವಾಯ ತೇ ನಮಃ ।
ಓಷಾಧೀನಾಂ ಚ ಪತಯೇ ನಮಸ್ತುಭ್ಯಂ ಮಹಾತ್ಮನೇ ॥ ೨೭ ॥
ಉಚ್ಚೈರ್ಘೋಷಾಯ ಧೀರಾಯ ಧೀರಾನ್ ಕ್ರನ್ದಯತೇ ನಮಃ ॥ ೨೮ ॥
ಪತ್ತೀನಾಂ ಪತಯೇ ತುಭ್ಯಂ ಕೃತ್ಸ್ನವೀತಾಯ ತೇ ನಮಃ ।
ಧಾವತೇ ಧವಲಾಯಾಽಪಿ ಸತ್ತ್ವನಾಂ ಪತಯೇ ನಮಃ ॥ ೨೯ ॥
ಅವ್ಯಾಧಿನೀನಾಂ ಪತಯೇ ಕಕುಭಾಯ ನಿಷಂಗಿಣೇ ।
ಸ್ತೇನಾನಾಂ ಪತಯೇ ತುಭ್ಯಂ ದಿವ್ಯೇಷುಧಿಮತೇ ನಮಃ ॥ ೩೦ ॥
ತಸ್ಕರಾಣಾಂ ಚ ಪತಯೇ ವಂಚತೇ ಪರಿವಂಚತೇ ।
ಸ್ತಾಯೂನಾಂ ಪತಯೇ ತುಭ್ಯಂ ನಮಸ್ತೇಽಸ್ತು ನಿಚೇರವೇ ॥ ೩೧ ॥
ನಮಃ ಪರಿಚರಾಯಾಽಪಿ ಮಹಾರುದ್ರಾಯ ತೇ ನಮಃ ।
ಅರಣ್ಯಾನಾಂ ಚ ಪತಯೇ ಮುಷ್ಣತಾಂ ಪತಯೇ ನಮಃ ॥ ೩೨ ॥
ಉಷ್ಣೀಷಿಣೇ ನಮಸ್ತುಭ್ಯಂ ನಮೋ ಗಿರಿಚರಾಯ ತೇ ।
ಕುಲುಂಚಾನಾಂ ಚ ಪತಯೇ ನಮಸ್ತುಭ್ಯಂ ಭವಾಯ ಚ ॥ ೩೩ ॥
ನಮೋ ರುದ್ರಾಯ ಶರ್ವಾಯ ತುಭ್ಯಂ ಪಶುಪತಯೇ ನಮಃ ।
ನಮ ಉಗ್ರಾಯ ಭೀಮಾಯ ನಮಶ್ಚಾಗ್ರೇವಧಾಯ ಚ ॥ ೩೪ ॥
ನಮೋ ದೂರೇವಧಾಯಾಽಪಿ ನಮೋ ಹಂತ್ರೇ ನಮೋ ನಮಃ ।
ಹನೀಯಸೇ ನಮಸ್ತುಭ್ಯಂ ನೀಲಗ್ರೀವಾಯ ತೇ ನಮಃ ॥ ೩೫ ॥
ನಮಸ್ತೇ ಶಿತಿಕಂಠಾಯ ನಮಸ್ತೇಽಸ್ತು ಕಪರ್ದಿನೇ ।
ನಮಸ್ತೇ ವ್ಯುಪ್ತಕೇಶಾಯ ಸಹಸ್ರಾಕ್ಷಾಯ ಮೀಢುಷೇ ॥ ೩೬ ॥
ಗಿರಿಶಾಯ ನಮಸ್ತೇಽಸ್ತು ಶಿಪಿವಿಷ್ಟಾಯ ತೇ ನಮಃ ।
ನಮಸ್ತೇ ಶಂಭವೇ ತುಭ್ಯಂ ಮಯೋಭವ ನಮೋಽಸ್ತು ತೇ ॥ ೩೭ ॥
ಮಯಸ್ಕರ ನಮಸ್ತುಭ್ಯಂ ಶಂಕರಾಯ ನಮೋ ನಮಃ ।
ನಮಶ್ಶಿವಾಯ ಶರ್ವಾಯ ನಮಶ್ಶಿವತರಾಯ ಚ ॥ ೩೮ ॥
ನಮಸ್ತೀರ್ಥ್ಯಾಯ ಕೂಲ್ಯಾಯ ನಮಃ ಪಾರ್ಯಾಯ ತೇ ನಮಃ ।
ಆವಾರ್ಯಾಯ ನಮಸ್ತೇಽಸ್ತು ನಮಃ ಪ್ರತರಣಾಯ ಚ ॥ ೩೯ ॥
ನಮ ಉತ್ತರಣಾಯಾಽಪಿ ಹರಾಽತಾರ್ಯಾಯ ತೇ ನಮಃ ।
ಆಲಾದ್ಯಾಯ ನಮಸ್ತೇಽಸ್ತು ಭಕ್ತಾನಾಂ ವರದಾಯ ಚ ॥ ೪೦ ॥
ನಮಶ್ಶಷ್ಪ್ಯಾಯ ಫೇನ್ಯಾಯ ಸಿಕತ್ಯಾಯ ನಮೋ ನಮಃ ।
ಪ್ರವಾಹ್ಯಾಯ ನಮಸ್ತೇಽಸ್ತು ಹ್ರಸ್ವಾಯಾಽಸ್ತು ನಮೋ ನಮಃ ॥ ೪೧ ॥
ವಾಮನಾಯ ನಮಸ್ತೇಽಸ್ತು ಬೃಹತೇ ಚ ನಮೋ ನಮಃ ।
ವರ್ಷೀಯಸೇ ನಮಸ್ತೇಽಸ್ತು ನಮೋ ವೃದ್ಧಾಯ ತೇ ನಮಃ ॥ ೪೨ ॥
ಸಂವೃಧ್ವನೇ ನಮಸ್ತುಭ್ಯಮಗ್ರಿಯಾಯ ನಮೋ ನಮಃ ।
ಪ್ರಥಮಾಯ ನಮಸ್ತುಭ್ಯಮಾಶವೇ ಚಾಜಿರಾಯ ಚ ॥ ೪೩ ॥
ಶೀಘ್ರಿಯಾಯ ನಮಸ್ತೇಽಸ್ತು ಶೀಭ್ಯಾಯ ಚ ನಮೋ ನಮಃ ।
ನಮ ಊರ್ಮ್ಯಾಯ ಶರ್ವಾಯಾಽಪ್ಯವಸ್ವನ್ಯಾಯ ತೇ ನಮಃ ॥ ೪೪ ॥
ಸ್ರೋತಸ್ಯಾಯ ನಮಸ್ತುಭ್ಯಂ ದ್ವೀಪ್ಯಾಯ ಚ ನಮೋ ನಮಃ ।
ಜ್ಯೇಷ್ಠಾಯ ಚ ನಮಸ್ತುಭ್ಯಂ ಕನಿಷ್ಠಾಯ ನಮೋ ನಮಃ ॥ ೪೫ ॥
ಪೂರ್ವಜಾಯ ನಮಸ್ತುಭ್ಯಂ ನಮೋಸ್ತ್ವಪರಜಾಯ ಚ ।
ಮಧ್ಯಮಾಯ ನಮಸ್ತುಭ್ಯಮಪಗಲ್ಭಾಯ ತೇ ನಮಃ ॥ ೪೬ ॥
ಜಘನ್ಯಾಯ ನಮಸ್ತುಭ್ಯಂ ಬುಧ್ನಿಯಾಯ ನಮೋ ನಮಃ ।
ಸೋಭ್ಯಾಯ ಪ್ರತಿಸರ್ಯಾಯ ಯಾಮ್ಯಾಯ ಚ ನಮೋ ನಮಃ ॥ ೪೭ ॥
ಕ್ಷೇಮ್ಯಾಯ ಚ ನಮಸ್ತುಭ್ಯಂ ಯಾಮ್ಯಾಯ ಚ ನಮೋ ನಮಃ ।
ಉರ್ವರ್ಯಾಯ ನಮಸ್ತುಭ್ಯಂ ಖಲ್ಯಾಯ ಚ ನಮೋ ನಮಃ ॥ ೪೮ ॥
ಶ್ಲೋಕ್ಯಾಯ ಚಾಽವಸಾನ್ಯಾಯಾಽವಸ್ವನ್ಯಾಯ ಚ ತೇ ನಮಃ ।
ನಮೋ ವನ್ಯಾಯ ಕಕ್ಷ್ಯಾಯ ಮೌನ್ಜ್ಯಾಯ ಚ ನಮೋ ನಮಃ ॥ ೪೯ ॥
ಶ್ರವಾಯ ಚ ನಮಸ್ತುಭ್ಯಂ ಪ್ರತಿಶ್ರವ ನಮೋ ನಮಃ ।
ಆಶುಷೇಣಾಯ ಶೂರಾಯ ನಮೋಸ್ತ್ವಾಽಶುರಥಾಯ ಚ ॥ ೫೦ ॥
ವರೂಥಿನೇ ಪರ್ಮಿಣೇ ಚ ಬಿಲ್ಮಿನೇ ಚ ನಮೋ ನಮಃ ।
ಶ್ರುತಾಯ ಶ್ರುತಸೇನಾಯ ನಮಃ ಕವಚಿನೇ ನಮಃ ॥ ೫೧ ॥
ದುನ್ದುಭ್ಯಾಯ ನಮಸ್ತುಭ್ಯಮಾಽಹನನ್ಯಾಯ ತೇ ನಮಃ ।
ಪ್ರಹಿತಾಯ ನಮಸ್ತುಭ್ಯಂ ಧೃಷ್ಣವೇ ಪ್ರಮೃಶಾಯ ಚ ॥ ೫೨ ॥
ಪಾರಾಯ ಪಾರವಿಂದಾಯ ನಮಸ್ತೀಕ್ಷ್ಣೇಷವೇ ನಮಃ ।
ಸುಧನ್ವನೇ ನಮಸ್ತುಭ್ಯಂ ಸ್ವಾಯುಧಾಯ ನಮೋ ನಮಃ ॥ ೫೩ ॥
ನಮಃ ಸ್ರುತ್ಯಾಯ ಪಥ್ಯಾಯ ನಮಃ ಕಾಟ್ಯಾಯ ತೇ ನಮಃ ।
ನಮೋ ನೀಪ್ಯಾಯ ಸೋದ್ಯಾಯ ಸರಸ್ಯಾಯ ಚ ತೇ ನಮಃ ॥ ೫೪ ॥
ನಮೋ ನಾದ್ಯಾಯ ಭವ್ಯಾಯ ವೈಶಂತಾಯ ನಮೋ ನಮಃ ।
ಅವಟ್ಯಾಯ ನಮಸ್ತುಭ್ಯಂ ನಮಃ ಕೂಪ್ಯಾಯ ತೇ ನಮಃ ॥ ೫೫ ॥
ಅವರ್ಷ್ಯಾಯ ಚ ವರ್ಷ್ಯಾಯ ಮೇಘ್ಯಾಯ ಚ ನಮೋ ನಮಃ ।
ವಿದ್ಯುತ್ಯಾಯ ನಮಸ್ತುಭ್ಯಮೀಧ್ರಿಯಾಯ ನಮೋ ನಮಃ ॥ ೫೬ ॥
ಆತಪ್ಯಾಯ ನಮಸ್ತುಭ್ಯಂ ವಾತ್ಯಾಯ ಚ ನಮೋ ನಮಃ ।
ರೇಷ್ಮಿಯಾಯ ನಮಸ್ತುಭ್ಯಂ ವಾಸ್ತವ್ಯಾಯ ನಮೋ ನಮಃ ॥ ೫೭ ॥
ವಾಸ್ತುಪಾಯ ನಮಸ್ತುಭ್ಯಂ ನಮಸ್ಸೋಮಾಯತೇ ನಮಃ ।
ನಮೋ ರುದ್ರಾಯ ತಾಮ್ರಾಯಾಽಪ್ಯರುಣಾಯ ಚ ತೇ ನಮಃ ॥ ೫೮ ॥
ನಮ ಉಗ್ರಾಯ ಭೀಮಾಯ ನಮಶ್ಶಂಗಾಯ ತೇ ನಮಃ ।
ನಮಸ್ತೀರ್ಥ್ಯಾಯ ಕೂಲ್ಯಾಯ ಸಿಕತ್ಯಯ ನಮೋ ನಮಃ ॥ ೫೯ ॥
ಪ್ರವಾಹ್ಯಾಯ ನಮಸ್ತುಭ್ಯಮಿರಿಣ್ಯಾಯ ನಮೋ ನಮಃ ।
ನಮಸ್ತೇ ಚಂದ್ರಚೂಡಾಯ ಪ್ರಪಥ್ಯಾಯ ನಮೋ ನಮಃ ॥ ೬೦ ॥
ಕಿಂಶಿಲಾಯ ನಮಸ್ತೇಽಸ್ತು ಕ್ಷಯಣಾಯ ಚ ತೇ ನಮಃ ।
ಕಪರ್ದಿನೇ ನಮಸ್ತೇಽಸ್ತು ನಮಸ್ತೇಽಸ್ತು ಪುಲಸ್ತಯೇ ॥ ೬೧ ॥
ನಮೋ ಗೋಷ್ಠ್ಯಾಯ ಗೃಹ್ಯಾಯ ಗ್ರಹಾಣಾಂ ಪತಯೇ ನಮಃ ।
ಸಮಸ್ತಲ್ಪ್ಯಾಯ ಗೇಹ್ಯಾಯ ಗುಹಾವಾಸಾಯ ತೇ ನಮಃ ॥ ೬೨ ॥
ಕಾಟ್ಯಾಯ ಗಹ್ವರೇಷ್ಠಾಯ ಹ್ರದಯ್ಯಾಯ ಚ ತೇ ನಮಃ ।
ನಿವೇಷ್ಪ್ಯಾಯ ನಮಸ್ತುಭ್ಯಂ ಪಾಗ್ಂಸವ್ಯಾಯ ತೇ ನಮಃ ॥ ೬೩ ॥
ರಜಸ್ಯಾಯ ನಮಸ್ತುಭ್ಯಂ ಪರಾತ್ಪರ ತರಾಯ ಚ ।
ನಮಸ್ತೇ ಹರಿಕೇಶಾಯ ಶುಷ್ಕ್ಯಾಯ ಚ ನಮೋ ನಮಃ ॥ ೬೪ ॥
ಹರಿತ್ಯಾಯ ನಮಸ್ತುಭ್ಯಂ ಹರಿದ್ವರ್ಣಾಯ ತೇ ನಮಃ ।
ನಮಃ ಉರ್ಮ್ಯಾಯ ಸೂರ್ಮ್ಯಾಯ ಪರ್ಣ್ಯಾಯ ಚ ನಮೋ ನಮಃ ॥ ೬೫ ॥
ನಮೋಽಪಗುರಮಾಣಾಯ ಪರ್ಣಶದ್ಯಾಯ ತೇ ನಮಃ ।
ಅಭಿಘ್ನತೇ ಚಾಽಖ್ಖಿದತೇ ನಮಃ ಪ್ರಖ್ಖಿದತೇ ನಮಃ ॥ ೬೬ ॥
ವಿಶ್ವರೂಪಾಯ ವಿಶ್ವಾಯ ವಿಶ್ವಾಧಾರಾಯ ತೇ ನಮಃ ।
ತ್ರ್ಯಂಬಕಾಯ ಚ ರುದ್ರಾಯ ಗಿರಿಜಾಪತಯೇ ನಮಃ ॥ ೬೭ ॥
ಮಣಿಕೋಟೀರ ಕೋಟಿಸ್ಥ ಕಾಂತಿದೀಪ್ತಾಯ ತೇ ನಮಃ ।
ವೇದವೇದಾಂತ ವೇದ್ಯಾಯ ವೃಷಾರೂಢಾಯ ತೇ ನಮಃ ॥ ೬೮ ॥
ಅವಿಜ್ಞೇಯ ಸ್ವರೂಪಾಯ ಸುಂದರಾಯ ನಮೋ ನಮಃ ।
ಉಮಾಕಾಂತ ನಮಸ್ತೇಽಸ್ತು ನಮಸ್ತೇ ಸರ್ವಸಾಕ್ಷಿಣೇ ॥ ೬೯ ॥
ಹಿರಣ್ಯ ಬಾಹವೇ ತುಭ್ಯಂ ಹಿರಣ್ಯಾಭರಣಾಯ ಚ ।
ನಮೋ ಹಿರಣ್ಯ ರೂಪಾಯ ರೂಪಾತೀತಾಯ ತೇ ನಮಃ ॥ ೭೦ ॥
ಹಿರಣ್ಯಪತಯೇ ತುಭ್ಯಮಂಬಿಕಾಪತಯೇ ನಮಃ ।
ಉಮಾಯಾಃ ಪತಯೇ ತುಭ್ಯಂ ನಮಃ ಪಾಪಪ್ರಣಾಶಕ ॥ ೭೧ ॥
ಮೀಢುಷ್ಟಮಾಯ ದುರ್ಗಾಯ ಕದ್ರುದ್ರಾಯ ಪ್ರಚೇತಸೇ ।
ತವ್ಯಸೇ ಬಿಲ್ವಪೂಜ್ಯಾಯ ನಮಃ ಕಳ್ಯಾಣರೂಪಿಣೇ ॥ ೭೨ ॥
ಅಪಾರ ಕಳ್ಯಾಣ ಗುಣಾರ್ಣವಾಯ
ಶ್ರೀ ನೀಲಕಂಠಾಯ ನಿರಂಜನಾಯ ।
ಕಾಲಾಂತಕಾಯಾಽಪಿ ನಮೋ ನಮಸ್ತೇ
ದಿಕ್ಕಾಲರೂಪಾಯ ನಮೋ ನಮಸ್ತೇ ॥ ೭೩ ॥
ವೇದಾಂತಬೃಂದಸ್ತುತ ಸದ್ಗುಣಾಯ
ಗುಣಪ್ರವೀಣಾಯ ಗುಣಾಶ್ರಯಾಯ ।
ಶ್ರೀ ವಿಶ್ವನಾಥಾಯ ನಮೋ ನಮಸ್ತೇ
ಕಾಶೀ ನಿವಾಸಾಯ ನಮೋ ನಮಸ್ತೇ ॥ ೭೪ ॥
ಅಮೇಯ ಸೌಂದರ್ಯ ಸುಧಾನಿಧಾನ
ಸಮೃದ್ಧಿರೂಪಾಯ ನಮೋ ನಮಸ್ತೇ ।
ಧರಾಧರಾಕಾರ ನಮೋ ನಮಸ್ತೇ
ಧಾರಾಸ್ವರೂಪಾಯ ನಮೋ ನಮಸ್ತೇ ॥ ೭೫ ॥
ನೀಹಾರ ಶೈಲಾತ್ಮಜ ಹೃದ್ವಿಹಾರ
ಪ್ರಕಾಶ ಹಾರ ಪ್ರವಿಭಾಸಿ ವೀರ ।
ವೀರೇಶ್ವರಾಽಪಾರದಯಾನಿಧಾನ
ಪಾಹಿ ಪ್ರಭೋ ಪಾಹಿ ನಮೋ ನಮಸ್ತೇ ॥ ೭೬ ॥
ಏವಂ ಸ್ತುತ್ವಾ ಮಹಾದೇವಂ ಪ್ರಣಿಪತ್ಯ ಪುನಃ ಪುನಃ ।
ಕೃತಾಂಜಲಿ ಪುಟಸ್ತಸ್ಥೌ ಪಾರ್ಶ್ವೇ ಡುಂಠಿವಿನಾಯಕಃ ॥
ತಮಾಲೋಕ್ಯ ಸುತಂ ಪ್ರಾಪ್ತಂ ವೇದಂ ವೇದಾಂಗಪಾರಗಂ ।
ಸ್ನೇಹಾಶ್ರುಧಾರಾ ಸಂವೀತಂ ಪ್ರಾಹ ಡುಂಠಿಂ ಸದಾಶಿವಃ ॥
ಇತಿ ಶ್ರೀ ಶಿವ ರಹಸ್ಯೇ ಹರಾಖ್ಯೇ ತೃತೀಯಾಂಶೇ ಪೂರ್ವಾರ್ಥೇ ಗಣೇಶ ಕೃತ ರುದ್ರಾಧ್ಯಾಯ ಸ್ತುತಿಃ ನಾಮ ದಶಮೋಧ್ಯಾಯಃ ॥
ಅನೇನಾ ಶ್ರೀಗಣೇಶ ಕೃತ ಶ್ಲೋಕಾತ್ಮಕ ರುದ್ರಧ್ಯಾಯ ಪಾರಾಯಣೇನ ಶ್ರೀ ವಿಶ್ವೇಶ್ವರ ಸ್ಸುಪ್ರೀತ ಸ್ಸುಪ್ರಸನ್ನೋ ವರದೋ ಭವತು॥
– Chant Stotra in Other Languages –
Rudradhyaya Stuti in Sanskrit – English – Kannada – Telugu – Tamil