భద్రాచల రామదాసు కీర్తనలు
॥ Abbabba Debbalaku Norvalenura Lyrics ॥
అసావేరి – ఆది
పల్లవి:
అబ్బబ్బా దెబ్బలకు నోర్వలేనురా
జబ్బుసేయకురా తబ్బిబ్బాయెనురా అ ॥
చరణము(లు):
అట్టె నిను పూజించినట్టి చేతులనిదిగో
కట్టె బెట్టి కొట్టిరెటు తాళుదునయ్య అ ॥
రట్టుతీర్చీవేళ గట్టిగా నీవునను
జెట్టుబట్టి యేలుకో పట్టాభిరామ అ ॥
శరణాగతత్రాణ బిరుదాంకుడవుగాద
శరధిబంధించిన శౌర్యమేమాయెరా అ ॥
పరంధామ నీ పాదములాన వినరా
పరులకొక్క కాసు నే నివ్వలేదురా అ ॥
భద్రాద్రి శ్రీరామ నీ నామమెపుడు
ప్రేమతో భజియించు రామదాసునేలు అ ॥