Bhagavan Manasa Pooja In Telugu

॥ Bhagavan Manasa Pooja Telugu Lyrics ॥

॥ భగవన్మానసపూజా ॥

హృదంభోజే కృష్ణః సజలజలదశ్యామలతనుః
సరోజాక్షః స్రగ్వీ ముకుటకటకాద్యాభరణవాన్ ।
శరద్రాకానాథప్రతిమవదనః శ్రీమురళికాం
వహన్ధ్యేయో గోపీగణపరివృతః కుంకుమచితః ॥ ౧ ॥

పయోఽంభోధేర్ద్వీపాన్మమ హృదయమాయాహి భగవన్
మణివ్రాతభ్రాజత్కనకవరపీఠం నరహరే ।
సుచిహ్నౌ తే పాదౌ యదుకులజ నేనేజ్మి సుజలైః
గృహాణేదం దూర్వాఫలజలవదర్ఘ్యం మురరిపో ॥ ౨ ॥

త్వమాచామోపేంద్ర త్రిదశసరిదంభోఽతిశిశిరం
భజస్వేమం పంచామృతరచితమాప్లావ్యమఘహన్ ।
ద్యునద్యాః కాళింద్యా అపి కనకకుంభస్థితమిదం
జలం తేన స్నానం కురు కురు కురుష్వాఽచమనకమ్ ॥ ౩ ॥

తటిద్వర్ణే వస్త్రే భజ విజయకాంతాధిహరణ
ప్రలంబారిభ్రాతర్మృదులముపవీతం కురు గళే ।
లలాటే పాటీరం మృగమదయుతం ధారయ హరే
గృహాణేదం మాల్యం శతదళతులస్యా విరచితమ్ ॥ ౪ ॥

దశాంగం ధూపం సద్వరద చరణాగ్రేఽర్పితమయే
ముఖం దీపేనేందుప్రభవరజసా దేవ కలయే ।
ఇమౌ పాణీ వాణీపతినుత సకర్పూరరజసా
విశోధ్యాగ్రే దత్తం సలిలమిదమాచామ నృహరే ॥ ౫ ॥

సదా మృష్టాన్నం షడ్రసవదఖిలవ్యంజనయుతం
సువర్ణామత్రే గోఘృతచషకయుక్తే స్థితమిదమ్ ।
యశోదాసూనో తత్పరమదయయాఽశా ససఖిభిః
ప్రసాదం వాంఛద్భిః సహ తదను నీరం పిబ విభో ॥ ౬ ॥

సచంద్రం తాంబూలం ముఖరుచికరం భక్షయ హరే
ఫలం స్వాదు ప్రీత్యా పరిమళవదాస్వాదయ చిరమ్ ।
సపర్యాపర్యాప్త్యై కనకమణిజాతం స్థితమిదం
ప్రదీపైరారార్తిం జలధితనయాశ్లిష్ట రుచయే ॥ ౭ ॥

విజాతీయైః పుష్పైరతిసురభిభిర్బిల్వతులసీ
యుతైశ్చేమం పుష్పాంజలిమజిత తే మూర్ధ్ని నిదధే ।
తవ ప్రాదక్షిణ్యక్రమణమఘవిధ్వంసి రచితం
చతుర్వారం విష్ణో జనిపథగతిశ్రాంత విదుషామ్ ॥ ౮ ॥

See Also  Sri Krishna Govinda Hare Murari Bhajan In Sanskrit

నమస్కారోఽష్టాంగః సకలదురితధ్వంసనపటుః
కృతం నృత్యం గీతం స్తుతిరపి రమాకాంత త ఇదమ్ ।
తవ ప్రీత్యై భూయాదహమపి చ దాసస్తవ విభో
కృతం ఛిద్రం పూర్ణం కురు కురు నమస్తేఽస్తు భగవన్ ॥ ౯ ॥

సదా సేవ్యః కృష్ణః సజలఘననీలః కరతలే
దధానో దధ్యన్నం తదను నవనీతం మురళికమ్ ।
కదాచిత్కాంతానాం కుచకలశపత్రాళిరచనా
సమాసక్తః స్నిగ్ధైః సహ శిశువిహారం విరచయన్ ॥ ౧౦ ॥

మణికర్ణేచ్ఛయా జాతమిదం మానసపూజనం ।
యః కుర్వీతోషసి ప్రాజ్ఞస్తస్య కృష్ణః ప్రసీదతి ॥

ఇతి శ్రీమద్వల్లభాచార్యవిరచితా భగవన్మానసపూజా ।

॥ – Chant Stotras in other Languages –


Bhagavan Manasa Puja in SanskritEnglish –  Kannada – Telugu – Tamil