భద్రాచల రామదాసు కీర్తనలు
॥ Bucivani Piluvaboduna O Gopala Lyrics ॥
పంతువరాళి – రూపక
పల్లవి:
బూచివాని పిలువబోదునా ఓ గోపాలకృష్ణా బూ ॥
అను పల్లవి:
బూచివాని పిలువబోతె వద్దు వద్దు వద్దనేవు
ఆ చిచ్చి జోలపాడి ఆయిఊచిన నిదురపోవు బూ ॥
చరణము(లు):
మత్తగజముతెచ్చి చిన్నతిత్తిలో నమర్చి నాదు
నెత్తిమీద బెట్టి నన్ను ఎత్తుకోమనేవు కృష్ణా బూ ॥
అల్లమూరుగాయ పెరుగు అన్నమారగించమంటె
తల్లి వెన్నపాలు నాకు తెమ్ము తెమ్ము తెమ్మనేవు బూ ॥
రోటగట్టివేతు కృష్ణా రామదాసవరదా నీవు
మాటిమాటికిట్లు నన్ను మారాము చేసితేను బూ ॥
– Chant Stotra in Other Languages –
Sri Ramadasu Keerthanalu – Bucivani Piluvaboduna O Gopala Lyrics in English