॥ Chandrachoodaalaa Ashtakam Kannada Lyrics ॥
॥ ಚನ್ದ್ರಚೂಡಾಲಾ ಅಷ್ಟಕಮ್ ॥
ಯಮನಿಯಮಾದ್ಯಙ್ಗಯುತೈರ್ಯೋಗೈರ್ಯತ್ಪಾದಪಙ್ಕಜಂ ದ್ರಷ್ಟುಮ್ ।
ಪ್ರಯತನ್ತೇ ಮುನಿವರ್ಯಾಸ್ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೧ ॥
ಯಮಗರ್ವಭಞ್ಜನಚಣಂ ನಮತಾಂ ಸರ್ವೇಷ್ಟದಾನಧೌರೇಯಮ್ ।
ಶಮದಮಸಾಧನಸಂಪಲ್ಲಭ್ಯಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೨ ॥
ಯಂ ದ್ರೋಣಬಿಲ್ವಮುಖ್ಯೈಃ ಪೂಜಯತಾಂ ದ್ವಾರಿ ಮತ್ತಮಾತಙ್ಗಾಃ ।
ಕಣ್ಠೇ ಲಸನ್ತಿ ವಿದ್ಯಾಸ್ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೩ ॥
ನಲಿನಭವಪದ್ಮನೇತ್ರಪ್ರಮುಖಾಮರಸೇವ್ಯಮಾನಪದಪದ್ಮಮ್ ।
ನತಜನವಿದ್ಯಾದಾನಪ್ರವಣಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೪ ॥
ನುತಿಭಿರ್ದೇವವರಾಣಾಂ ಮುಖರೀಕೃತಮನ್ದಿರದ್ವಾರಮ್ ।
ಸ್ತುತಮಾದಿಮವಾಕ್ತತಿಭಿಃ ಸತತಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೫ ॥
ಜನ್ತೋಸ್ತವ ಪಾದಪೂಜನಕರಣಾತ್ಕರಪದ್ಮಗಾಃ ಪುಮರ್ಥಾಃ ಸ್ಯುಃ ।
ಮುರಹರಪೂಜಿತಪಾದಂ ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೬ ॥
ಚೇತಸಿ ಚಿನ್ತಯತಾಂ ಯತ್ಪದಪದ್ಮಂ ಸತ್ವರಂ ವಕ್ತ್ರಾತ್ ।
ನಿಃಸರತಿ ವಾಕ್ಸುಧಾಮಾ ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೭ ॥
ನಮ್ರಾಜ್ಞಾನತಮಸ್ತತಿದೂರೀಕರಣಾಯ ನೇತ್ರಲಕ್ಷ್ಮಾದ್ಯಃ ।
ಧತ್ತೇಽಗ್ನಿಚನ್ದ್ರಸೂರ್ಯಾಂಸ್ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ॥ ೮ ॥
ಅಷ್ಟಕಮೇತತ್ಪಠತಾಂ ಸ್ಪಷ್ಟತರಂ ಕಷ್ಟನಾಶನಂ ಪುಂಸಾಮ್ ।
ಅಷ್ಟ ದದಾತಿ ಹಿ ಸಿದ್ಧೀರಿಷ್ಟಸಮಷ್ಟೀಶ್ಚ ಚನ್ದ್ರಚೂಡಾಲಃ ॥ ೯ ॥
ಇತಿ ಚನ್ದ್ರಚೂಡಾಲಾಷ್ಟಕಂ ಸಂಪೂರ್ಣಮ್ ॥
– Chant Stotra in Other Languages –
Lord Shiva Slokam » Chandrachoodaalaa Ashtakam Lyrics in Sanskrit » English » Bengali » Gujarati » Marathi » Malayalam » Odia » Telugu » Tamil