॥ Chandrachoodaalaa Ashtakam Malayalam Lyrics ॥
॥ ചന്ദ്രചൂഡാലാഷ്ടകം ॥
ശിവായ നമഃ ॥
ചന്ദ്രചൂഡാലാ അഷ്ടകം
യമനിയമാദ്യംഗയുതൈര്യോഗൈര്യത്പാദപങ്കജം ദ്രഷ്ടും ।
പ്രയതന്തേ മുനിവര്യാസ്തമഹം പ്രണമാമി ചന്ദ്രചൂഡാലം ॥ ൧ ॥
യമഗര്വഭഞ്ജനചണം നമതാം സര്വേഷ്ടദാനധൗരേയം ।
ശമദമസാധനസംപല്ലഭ്യം പ്രണമാമി ചന്ദ്രചൂഡാലം ॥ ൨ ॥
യം ദ്രോണബില്വമുഖ്യൈഃ പൂജയതാം ദ്വാരി മത്തമാതംഗാഃ ।
കണ്ഠേ ലസന്തി വിദ്യാസ്തമഹം പ്രണമാമി ചന്ദ്രചൂഡാലം ॥ ൩ ॥
നലിനഭവപദ്മനേത്രപ്രമുഖാമരസേവ്യമാനപദപദ്മം ।
നതജനവിദ്യാദാനപ്രവണം പ്രണമാമി ചന്ദ്രചൂഡാലം ॥ ൪ ॥
നുതിഭിര്ദേവവരാണാം മുഖരീകൃതമന്ദിരദ്വാരം ।
സ്തുതമാദിമവാക്തതിഭിഃ സതതം പ്രണമാമി ചന്ദ്രചൂഡാലം ॥ ൫ ॥
ജന്തോസ്തവ പാദപൂജനകരണാത്കരപദ്മഗാഃ പുമര്ഥാഃ സ്യുഃ ।
മുരഹരപൂജിതപാദം തമഹം പ്രണമാമി ചന്ദ്രചൂഡാലം ॥ ൬ ॥
ചേതസി ചിന്തയതാം യത്പദപദ്മം സത്വരം വക്ത്രാത് ।
നിഃസരതി വാക്സുധാമാ തമഹം പ്രണമാമി ചന്ദ്രചൂഡാലം ॥ ൭ ॥
നമ്രാജ്ഞാനതമസ്തതിദൂരീകരണായ നേത്രലക്ഷ്മാദ്യഃ ।
ധത്തേഽഗ്നിചന്ദ്രസൂര്യാംസ്തമഹം പ്രണമാമി ചന്ദ്രചൂഡാലം ॥ ൮ ॥
അഷ്ടകമേതത്പഠതാം സ്പഷ്ടതരം കഷ്ടനാശനം പുംസാം ।
അഷ്ട ദദാതി ഹി സിദ്ധീരിഷ്ടസമഷ്ടീശ്ച ചന്ദ്രചൂഡാലഃ ॥ ൯ ॥
ഇതി ചന്ദ്രചൂഡാലാഷ്ടകം സംപൂര്ണം ॥
– Chant Stotra in Other Languages –
Lord Shiva Slokam » Chandrachoodaalaa Ashtakam Lyrics in Sanskrit » English » Bengali » Gujarati » Marathi » Kannada » Odia » Telugu » Tamil