॥ Chandramoulisha Stotram Kannada Lyrics ॥
॥ ಚನ್ದ್ರಮೌಲೀಶ ಸ್ತೋತ್ರಮ್ ॥
ಓ~ಂಕಾರಜಪರತಾನಾಮೋಙ್ಕಾರಾರ್ಥಂ ಮುದಾ ವಿವೃಣ್ವಾನಮ್ ।
ಓಜಃಪ್ರದಂ ನತೇಭ್ಯಸ್ತಮಹಂ ಪ್ರಣಮಾಮಿ ಚನ್ದ್ರಮೌಲೀಶಮ್ ॥ ೧ ॥
ನಮ್ರಸುರಾಸುರನಿಕರಂ ನಳಿನಾಹಙ್ಕಾರಹಾರಿಪದಯುಗಳಮ್ ।
ನಮದಿಷ್ಟದಾನಧೀರಂ ಸತತಂ ಪ್ರಣಮಾಮಿ ಚನ್ದ್ರಮೌಲೀಶಮ್ ॥ ೨ ॥
ಮನನಾದ್ಯತ್ಪದಯೋಃ ಖಲು ಮಹತೀಂ ಸಿದ್ಧಿಂ ಜವಾತ್ಪ್ರಪದ್ಯನ್ತೇ ।
ಮನ್ದೇತರಲಕ್ಷ್ಮೀಪ್ರದಮನಿಶಂ ಪ್ರಣಮಾಮಿ ಚನ್ದ್ರಮೌಲೀಶಮ್ ॥ ೩ ॥
ಶಿತಿಕಣ್ಠಮಿನ್ದುದಿನಕರಶುಚಿಲೋಚನಮಮ್ಬುಜಾಕ್ಷವಿಧಿಸೇವ್ಯಮ್ ।
ನತಮತಿದಾನಧುರೀಣಂ ಸತತಂ ಪ್ರಣಮಾಮಿ ಚನ್ದ್ರಮೌಲೀಶಮ್ ॥ ೪ ॥
ವಾಚೋ ವಿನಿವರ್ತನ್ತೇ ಯಸ್ಮಾದಪ್ರಾಪ್ಯ ಸಹ ಹೃದೈವೇತಿ ।
ಗೀಯನ್ತೇ ಶ್ರುತಿತತಿಭಿಸ್ತಮಹಂ ಪ್ರಣಮಾಮಿ ಚನ್ದ್ರಮೌಲೀಶಮ್ ॥ ೫ ॥
ಯಚ್ಛನ್ತಿ ಯತ್ಪದಾಂಬುಜಭಕ್ತಾಃ ಕುತುಕಾತ್ಸ್ವಭಕ್ತೇಭ್ಯಃ ।
ಸರ್ವಾನಪಿ ಪುರುಷಾರ್ಥಾಂಸ್ತಮಹಂ ಪ್ರಣಮಾಮಿ ಚನ್ದ್ರಮೌಲೀಶಮ್ ॥ ೬ ॥
ಪಞ್ಚಾಕ್ಷರಮನುವರ್ಣೈರಾದೌ ಕ್ಲೃಪ್ತಾಂ ಸ್ತುತಿಂ ಪಠನ್ನೇನಾಮ್ ।
ಪ್ರಾಪ್ಯ ದೃಢಾಂ ಶಿವಭಕ್ತಿಂ ಭುಕ್ತ್ವಾ ಭೋಗಾ~ಂಲ್ಲಭೇತ ಮುಕ್ತಿಮಪಿ ॥ ೭ ॥
ಇತಿ ಚನ್ದ್ರಮೌಲೀಶಸ್ತೋತ್ರಂ ಸಂಪೂರ್ಣಮ್ ॥
– Chant Stotra in Other Languages –
Chandramoulisha Stotram in Marathi – Gujarati । Bengali – Kannada – Malayalam – Telugu