॥ Eka Mukha Hanumath Kavacham Malayalam Lyrics ॥
॥ ഏകാദശമുഖഹനുമത്കവചം ॥
ശ്രീഗണേശായ നമഃ ।
ലോപാമുദ്രാ ഉവാച ।
കുംഭോദ്ഭവ ദയാസിന്ധോ ശ്രുതം ഹനുമതഃ പരം ।
യന്ത്രമന്ത്രാദികം സര്‍വം ത്വന്‍മുഖോദീരിതം മയാ ॥ 1 ॥
ദയാം കുരു മയി പ്രാണനാഥ വേദിതുമുത്സഹേ ।
കവചം വായുപുത്രസ്യ ഏകാദശമുഖാത്മനഃ ॥ 2 ॥
ഇത്യേവം വചനം ശ്രുത്വാ പ്രിയായാഃ പ്രശ്രയാന്വിതം ।
വക്തും പ്രചക്രമേ തത്ര ലോപാമുദ്രാം പ്രതി പ്രഭുഃ ॥ 3 ॥
അഗസ്ത്യ ഉവാച ।
നമസ്കൃത്വാ രാമദൂതാം ഹനുമന്തം മഹാമതിം ।
ബ്രഹ്മപ്രോക്തം തു കവചം ശൃണു സുന്ദരി സാദരം ॥ 4 ॥
സനന്ദനായ സുമഹച്ചതുരാനനഭാഷിതം ।
കവചം കാമദം ദിവ്യം രക്ഷഃകുലനിബര്‍ഹണം ॥ 5 ॥
സര്‍വസമ്പത്പ്രദം പുണ്യം മര്‍ത്യാനാം മധുരസ്വരേ ।
ഓം അസ്യ ശ്രീകവചസ്യൈകാദശവക്ത്രസ്യ ധീമതഃ ॥ 6 ॥
ഹനുമത്സ്തുതിമന്ത്രസ്യ സനന്ദന ഋഷിഃ സ്മൃതഃ ।
പ്രസന്നാത്മാ ഹനൂമാംശ്ച ദേവതാ പരികീര്‍തിതാ ॥ 7 ॥
ഛന്ദോഽനുഷ്ടുപ് സമാഖ്യാതം ബീജം വായുസുതസ്തഥാ ।
മുഖ്യഃ പ്രാണഃ ശക്തിരിതി വിനിയോഗഃ പ്രകീര്‍തിതഃ ॥ 8 ॥
സര്‍വകാമാര്‍ഥസിദ്ധ്യര്‍ഥം ജപ ഏവമുദീരയേത് ।
ഓം സ്ഫ്രേം-ബീജം ശക്തിധൃക് പാതു ശിരോ മേ പവനാത്മജഃ ॥ 9 ॥
ക്രൌം-ബീജാത്മാ നയനയോഃ പാതു മാം വാനരേശ്വരഃ ।
ക്ഷം-ബീജരൂപഃ കര്‍ണൌ മേ സീതാശോകവിനാശനഃ ॥ 10 ॥
ഗ്ലൌം-ബീജവാച്യോ നാസാം മേ ലക്ഷ്മണപ്രാണദായകഃ ।
വം-ബീജാര്‍ഥശ്ച കണ്ഠം മേ പാതു ചാക്ഷയകാരകഃ ॥ 11 ॥
ഐം-ബീജവാച്യോ ഹൃദയം പാതു മേ കപിനായകഃ ।
വം-ബീജകീര്‍തിതഃ പാതു ബാഹൂ മേ ചാഞ്ജനീസുതഃ ॥ 12 ॥
ഹ്രാം-ബീജോ രാക്ഷസേന്ദ്രസ്യ ദര്‍പഹാ പാതു ചോദരം ।
ഹ്രസൌം-ബീജമയോ മധ്യം പാതു ലങ്കാവിദാഹകഃ ॥ 13 ॥
ഹ്രീം-ബീജധരഃ പാതു ഗുഹ്യം ദേവേന്ദ്രവന്ദിതഃ ।
രം-ബീജാത്മാ സദാ പാതു ചോരൂ വാര്‍ധിലംഘനഃ ॥ 14 ॥
സുഗ്രീവസചിവഃ പാതു ജാനുനീ മേ മനോജവഃ ।
പാദൌ പാദതലേ പാതു ദ്രോണാചലധരോ ഹരിഃ ॥ 15 ॥
ആപാദമസ്തകം പാതു രാമദൂതോ മഹാബലഃ ।
പൂര്‍വേ വാനരവക്ത്രോ മാമാഗ്നേയ്യാം ക്ഷത്രിയാന്തകൃത് ॥ 16 ॥
ദക്ഷിണേ നാരസിംഹസ്തു നൈഋര്‍ത്യാം ഗണനായകഃ ।
വാരുണ്യാം ദിശി മാമവ്യാത്ഖഗവക്ത്രോ ഹരീശ്വരഃ ॥ 17 ॥
വായവ്യാം ഭൈരവമുഖഃ കൌബേര്യാം പാതു മാം സദാ ।
ക്രോഡാസ്യഃ പാതു മാം നിത്യമൈശാന്യാം രുദ്രരൂപധൃക് ॥ 18 ॥
ഊര്‍ധ്വം ഹയാനനഃ പാതു ഗുഹ്യാധഃ സുമുഖസ്തഥാ ।
രാമാസ്യഃ പാതു സര്‍വത്ര സൌംയരൂപോ മഹാഭുജഃ ॥ 19 ॥
ഇത്യേവം രാമദൂതസ്യ കവചം യഃ പഠേത്സദാ ।
ഏകാദശമുഖസ്യൈതദ്ഗോപ്യം വൈ കീര്‍തിതം മയാ ॥ 20 ॥
രക്ഷോഘ്നം കാമദം സൌംയം സര്‍വസമ്പദ്വിധായകം ।
പുത്രദം ധനദം ചോഗ്രശത്രുസംഘവിമര്‍ദനം ॥ 21 ॥
സ്വര്‍ഗാപവര്‍ഗദം ദിവ്യം ചിന്തിതാര്‍ഥപ്രദം ശുഭം ।
ഏതത്കവചമജ്ഞാത്വാ മന്ത്രസിദ്ധിര്‍ന ജായതേ ॥ 22 ॥
ചത്വാരിംശത്സഹസ്രാണി പഠേച്ഛുദ്ധാത്മകോ നരഃ ।
ഏകവാരം പഠേന്നിത്യം കവചം സിദ്ധിദം പുമാന്‍ ॥ 23 ॥
ദ്വിവാരം വാ ത്രിവാരം വാ പഠന്നായുഷ്യമാപ്നുയാത് ।
ക്രമാദേകാദശാദേവമാവര്‍തനജപാത്സുധീഃ ॥ 24 ॥
വര്‍ഷാന്തേ ദര്‍ശനം സാക്ഷാല്ലഭതേ നാത്ര സംശയഃ ।
യം യം ചിന്തയതേ ചാര്‍ഥം തം തം പ്രാപ്നോതി പൂരുഷഃ ॥ 25 ॥
ബ്രഹ്മോദീരിതമേതദ്ധി തവാഗ്രേ കഥിതം മഹത് ॥ 26 ॥
ഇത്യേവമുക്ത്വാ വചനം മഹര്‍ഷിസ്തൂഷ്ണീം ബഭൂവേന്ദുമുഖീം നിരീക്ഷ്യ ।
സംഹൃഷ്ടചിത്താപി തദാ തദീയപാദൌ നനാമാതിമുദാ സ്വഭര്‍തുഃ ॥ 27 ॥
॥ ഇത്യഗസ്ത്യസാരസംഹിതായാമേകാദശമുഖഹനുമത്കവചം സമ്പൂര്‍ണം ॥
– Chant Stotras in other Languages –
Sri Anjaneya Kavacham » Eka Mukha Hanumath Kavacham Lyrics in Sanskrit » English » Bengali » Gujarati » Kannada » Odia » Telugu » Tamil