॥ Gauri Ashtottarashatanama Stotram Malayalam Lyrics ॥
॥ ഗൌര്യഷ്ടോത്തരശതനാമസ്തോത്രം ॥
॥ അഥ ഗൌര്യഷ്ടോത്തരശതനാമസ്തോത്രം ॥
॥ ദത്താത്രേയേണ ഗൌര്യഷ്ടോത്തരശതനാമസ്തോത്രോപദേശവര്‍ണനം ॥
ഇതി ശ്രുത്വാ കഥാം പുണ്യാം ഗൌരീവീര്യവിചിത്രിതാം ।
അപൃച്ഛദ്ഭാര്‍ഗവോ ഭൂയോ ദത്താത്രേയം മഹാമുനിം ॥ 1 ॥
ഭഗവന്നദ്ഭുതതമം ഗൌര്യാ വീര്യമുദാഹൃതം ।
ശൃണ്വതോ ന ഹി മേ തൃപ്തിഃ കഥാം തേ മുഖനിഃസൃതാം ॥ 2 ॥
ഗൌര്യാ നാമാഷ്ടശതകം യച്ഛച്യൈ ധിഷണോ ജഗൌ ।
തന്‍മേ കഥയ യച്ഛ്രോതും മനോ മേഽത്യന്തമുത്സുകം ॥ 3 ॥
ഭാര്‍ഗവേണേത്ഥമാപൃഷ്ടോ യോഗിരാഡത്രിനന്ദനഃ ।
അഷ്ടോത്തരശതം നാംനാം പ്രാഹ ഗൌര്യാ ദയാനിധിഃ ॥ 4 ॥
ജാമദഗ്ന്യ ശൃണു സ്തോത്രം ഗൌരീനാമഭിരങ്കിതം ।
മനോഹരം വാഞ്ഛിതദം മഹാഽഽപദ്വിനിവാരണം ॥ 5 ॥
സ്തോത്രസ്യാഽസ്യ ഋഷിഃ പ്രോക്ത അങ്ഗിരാശ്ഛന്ദ ഈരിതഃ ।
അനുഷ്ടുപ് ദേവതാ ഗൌരീ ആപന്നാശായ യോ ജപേത് ॥ 6 ॥
ഹ്രാം ഹ്രീം ഇത്യാദി വിന്യസ്യ ധ്യാത്വാ സ്തോത്രമുദീരയേത് ॥
॥ ധ്യാനം ॥
സിംഹസംസ്ഥാം മേചകാഭാം കൌസുംഭാംശുകശോഭിതാം ॥ 7
ഖഡ്ഗം ഖേടം ത്രിശൂലഞ്ച മുദ്ഗരം ബിഭ്രതീം കരൈഃ ।
ചന്ദ്രചൂഡാം ത്രിനയനാം ധ്യായേത്ഗൌരീമഭീഷ്ടദാം ॥ 8 ॥
॥ സ്തോത്രം ॥
ഗൌരീ ഗോജനനീ വിദ്യാ ശിവാ ദേവീ മഹേശ്വരീ ।
നാരായണാഽനുജാ നംരഭൂഷണാ നുതവൈഭവാ ॥ 9 ॥
ത്രിനേത്രാ ത്രിശിഖാ ശംഭുസംശ്രയാ ശശിഭൂഷണാ ।
ശൂലഹസ്താ ശ്രുതധരാ ശുഭദാ ശുഭരൂപിണീ ॥ 10 ॥
ഉമാ ഭഗവതീ രാത്രിഃ സോമസൂര്യാഽഗ്നിലോചനാ ।
സോമസൂര്യാത്മതാടങ്കാ സോമസൂര്യകുചദ്വയീ ॥ 11 ॥
അംബാ അംബികാ അംബുജധരാ അംബുരൂപാഽഽപ്യായിനീ സ്ഥിരാ ।
ശിവപ്രിയാ ശിവാങ്കസ്ഥാ ശോഭനാ ശുംഭനാശിനീ ॥ 12 ॥
ഖഡ്ഗഹസ്താ ഖഗാ ഖേടധരാ ഖാഽച്ഛനിഭാകൃതിഃ ।
കൌസുംഭചേലാ കൌസുംഭപ്രിയാ കുന്ദനിഭദ്വിജാ ॥ 13 ॥
കാലീ കപാലിനീ ക്രൂരാ കരവാലകരാ ക്രിയാ ।
കാംയാ കുമാരീ കുടിലാ കുമാരാംബാ കുലേശ്വരീ ॥ 14 ॥
മൃഡാനീ മൃഗശാവാക്ഷീ മൃദുദേഹാ മൃഗപ്രിയാ ।
മൃകണ്ഡുപൂജിതാ മാധ്വീപ്രിയാ മാതൃഗണേഡിതാ ॥ 15 ॥
മാതൃകാ മാധവീ മാദ്യന്‍മാനസാ മദിരേക്ഷണാ ।
മോദരൂപാ മോദകരീ മുനിധ്യേയാ മനോന്‍മനീ ॥ 16 ॥
പര്‍വതസ്ഥാ പര്‍വപൂജ്യാ പരമാ പരമാര്‍ഥദാ ।
പരാത്പരാ പരാമര്‍ശമയീ പരിണതാഖിലാ ॥ 17 ॥
പാശിസേവ്യാ പശുപതിപ്രിയാ പശുവൃഷസ്തുതാ ।
പശ്യന്തീ പരചിദ്രൂപാ പരീവാദഹരാ പരാ ॥ 18 ॥
സര്‍വജ്ഞാ സര്‍വരൂപാ സാ സമ്പത്തിഃ സമ്പദുന്നതാ ।
ആപന്നിവാരിണീ ഭക്തസുലഭാ കരുണാമയീ ॥ 19 ॥
കലാവതീ കലാമൂലാ കലാകലിതവിഗ്രഹാ ।
ഗണസേവ്യാ ഗണേശാനാ ഗതിര്‍ഗമനവര്‍ജിതാ ॥ 20 ॥
ഈശ്വരീശാനദയിതാ ശക്തിഃ ശമിതപാതകാ ।
പീഠഗാ പീഠികാരൂപാ പൃഷത്പൂജ്യാ പ്രഭാമയീ ॥ 21 ॥
മഹമായാ മതങ്ഗേഷ്ടാ ലോകാലോകാ ശിവാങ്ഗനാ ॥
॥ ഫലശ്രുതിഃ ॥
ഏതത്തേഽഭിഹിതം രാമ ! സ്തോത്രമത്യന്തദുര്ലഭം ॥ 22 ॥
ഗൌര്യഷ്ടോത്തരശതനാമഭിഃ സുമനോഹരം ।
ആപദംഭോധിതരണേ സുദൃഢപ്ലവരൂപകം ॥ 23 ॥
ഏതത് പ്രപഠതാം നിത്യമാപദോ യാന്തി ദൂരതഃ ।
ഗൌരീപ്രസാദജനനമാത്മജ്ഞാനപ്രദം നൃണാം ॥ 24 ॥
ഭക്ത്യാ പ്രപഠതാം പുംസാം സിധ്യത്യഖിലമീഹിതം ।
അന്തേ കൈവല്യമാപ്നോതി സത്യം തേ ഭാര്‍ഗവേരിതം ॥ 25 ॥
– Chant Stotra in Other Languages –
Goddess Durga Slokam » Gauri Ashtottara Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil