॥ Gaurigirisha Stotram Kannada Lyrics ॥
॥ ಗೌರೀಗಿರೀಶ ಸ್ತೋತ್ರಮ್ ॥
ಚನ್ದ್ರಾರ್ಧಪ್ರವಿಭಾಸಿಮಸ್ತಕತಟೌ ತನ್ದ್ರಾವಿಹೀನೌ ಸದಾ
ಭಕ್ತೌಘಪ್ರತಿಪಾಲನೇ ನಿಜತನುಚ್ಛಾಯಾಜಿತಾರ್ಕಾಯುತೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ಕಾರುಣ್ಯವಾರಾನ್ನಿಧೀ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೧ ॥
ಅನ್ಯೋನ್ಯಾರ್ಚನತತ್ಪರೌ ಮಧುರವಾಕ್ಸನ್ತೋಷಿತಾನ್ಯೋನ್ಯಕೌ
ಚನ್ದ್ರಾರ್ಧಾಂಚಿತಶೇಖರಾ ಪ್ರಣಮತಾಮಿಷ್ಟರ್ಥದೌ ಸತ್ವರಮ್ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ಶೃಙ್ಗಾರಜನ್ಮಾವನೀ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೨ ॥
ಸೌನ್ದರ್ಯೇಣ ಪರಸ್ಪರಂ ಪ್ರಮುದಿತಾವನ್ಯೋನ್ಯಚಿತ್ತಸ್ಥಿತೌ
ರಾಕಾಚನ್ದ್ರಸಮಾನವಕ್ತ್ರಕಮಲೌ ಪಾದಾಬ್ಜಕಾಲಙ್ಕೃತೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ಗಙ್ಗಾತಟಾವಾಸಿನೌ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೩ ॥
ಸಿಂಹೋಕ್ಷಾಗ್ರ್ಯಗತೀ ಮಹೋನ್ನತಪದಂ ಸಂಪ್ರಾಪಯನ್ತೌ ನತಾ-
ನಂಹೋರಾಶಿನಿವಾರಣೈಕನಿಪುಣೌ ಬ್ರಹ್ಮೋಗ್ರವಿಷ್ಣ್ವರ್ಚಿತೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ಗಾಙ್ಗೇಯಭೂಷೋಜ್ಜ್ವಲೌ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೪ ॥
ಕಸ್ತೂರೀಘಾನಸಾರಚರ್ಚಿತತನೂ ಪ್ರಸ್ತೂಯಮಾನೌ ಸುರೈ-
ರಸ್ತೂಕ್ತ್ಯಾ ಪ್ರಣತೇಷ್ಟಪೂರಣಕರೌ ವಸ್ತೂಪಲಬ್ಧಿಪ್ರದೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತಾವಙ್ಗಾವಧೂತೇನ್ದುಭೌ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೫ ॥
ವಾಣೀನಿರ್ಜಿತಹಂಸಕೋಕಿಲರವೌ ಪಾಣೀಕೃತಾಂಭೋರುಹೌ
ವೇಣೀಕೇಶವಿನಿರ್ಜಿತಾಹಿಚಪಲೌ ಕ್ಷೋಣೀಸಮಾನಕ್ಷಮೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ತುಙ್ಗೇಷ್ಟಜಾಲಪ್ರದೋ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರಿಶೌ ಮುದಾ ॥ ೬ ॥
ಕಾಮಾಪತ್ತಿವಿಭೂತಿಕಾರಣದಶೌ ಸೋಮಾರ್ಧಭೂಷೋಜ್ಜ್ವಲೌ
ಸಾಮಾಮ್ನಾಯಸುಗೀಯಮಾನಚರಿತೌ ರಾಮಾರ್ಚಿತಾಙ್ಘ್ರಿದ್ವಯೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ಮಾಣಿಕ್ಯಭೂಷಾನ್ವಿತೌ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೭ ॥
ದಂಭಾಹಙ್ಕೄತಿದೋಷಶೂನ್ಯಪುರುಷೈಃ ಸಂಭಾವನೀಯೌ ಸದಾ
ಜಂಭಾರಾತಿಮುಖಾಮರೇನ್ದ್ರವಿನುತೌ ಕುಂಭಾತ್ಮಜಾದ್ಯರ್ಚಿತೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ವಾಗ್ದಾನದೀಕ್ಷಾಧರೌ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೮ ॥
ಶಾಪಾನುಗ್ರಹಶಕ್ತಿದಾನನಿಪುಣೌ ತಾಪಾಪನೋದಕ್ಷಮೌ
ಸೋಪಾನಕ್ರಮತೋಽಧಿಕಾರೇಭಿರನುಪ್ರಾಪ್ಯೌ ಕ್ಷಮಾಸಾಗರೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ಲಾವಣ್ಯಪಾಥೋನಿಧೀ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೯ ॥
ಶೋಣಾಂಭೋರುಹತುಲ್ಯಪಾದಯುಗಳೌ ಬಾಣಾರ್ಚನಾತೋಷಿತೌ
ವೀಣಾಧೃಙ್ಮುನಿಗೀಯಮಾನವಿಭವೌ ಬಾಲಾರುಣಾಭಾಂಬರೌ ।
ಶೃಙ್ಗಾದ್ರಿಸ್ಥವಿವಾಹಮಣ್ಡಪಗತೌ ತುಲ್ಯಾಧಿಕೈರ್ವರ್ಜಿತೌ
ಕಲ್ಯಾಣಂ ತನುತಾಂ ಸಮಸ್ತಜಗತಾಂ ಗೌರೀಗಿರೀಶೌ ಮುದಾ ॥ ೧೦ ॥
ಇತಿ ಗೌರೀಗಿರೀಶಸ್ತೋತ್ರಂ ಸಂಪೂರ್ಣಮ್ ॥
– Chant Stotra in Other Languages –
Gaurigirisha Stotram in English – Marathi – Gujarati । Bengali – Kannada – Malayalam – Telugu