॥ Gaurishvara Stutih Gujarati Lyrics ॥
॥ ગૌરીશ્વર સ્તુતિ ॥
દિવ્યં વારિ કથં યતઃ સુરધુની મૌલૌ કથં પાવકો
દિવ્યં તદ્ધિ વિલોચનં કથમહિર્દિવ્યં સ ચાઙ્ગે તવ ।
તસ્માદ્દયૂતવિધૌ ત્વયાદ્ય મુષિતો હારઃ પરિત્યજ્યતા-
મિત્થં શૈલભુવા વિહસ્ય લપિતઃ શમ્ભુઃ શિવાયાસ્તુ વઃ ॥ ૧ ॥
શ્રીકણ્ઠસ્ય સકૃત્તિકાર્તભરણી મૂર્તિઃસદા રોહિણી
જ્યેષ્ઠા ભાદ્રપદા પુનર્વસુયુતા ચિત્રા વિશાખાન્વિતા ।
દિશ્યાદક્ષતહસ્તમૂલઘટિતાષાઢા મઘાલઙ્કૃતા
શ્રેયો વૈશ્રવણાન્વિતા ભગવતો નક્ષત્રપાલીવ વઃ ॥ ૨ ॥
એષા તે હર કા સુગાત્રિ કતમા મૂર્ધ્નિ સ્થિતા કિં જટા
હંસઃ કિં ભજતે જટાં નહિ શશી ચન્દ્રો જલં સેવતે ।
મુગ્ધે ભૂતિરિયં કુતોઽત્ર સલિલં ભૂતિસ્તરઙ્ગાયતે
એવં યો વિનિગૂહતે ત્રિપથગાં પાયાત્સ વઃ શઙ્કરઃ ॥ ૩ ॥
ઇતિ ગૌરીશ્વરસ્તુતિઃ સમાપ્તા ॥
– Chant Stotra in Other Languages –
Gaurishvara Stutih in Marathi – Gujarati । Bengali – Kannada – Malayalam – Telugu