॥ Hymn to Kottai Ishvara Gujarati Lyrics ॥
॥ ગોષ્ઠેશ્વરાષ્ટકમ્ ॥
સત્યજ્ઞાનમનન્તમદ્વયસુખાકારં ગુહાન્તઃસ્થિત-
શ્રીચિદ્વ્યોમ્નિ ચિદર્કરૂપમમલં યદ્ બ્રહ્મ તત્ત્વં પરમ્ ।
નિર્બીજસ્થલમધ્યભાગવિલસદ્ગોષ્ઠોત્થવલ્મીક-
સમ્ભૂતં સત્ પુરતો વિભાત્યહહ તદ્ગોષ્ઠેશલિઙ્ગાત્મના ॥ ૧ ॥
સર્વજ્ઞત્વનિદાનભૂતકરુણામૂર્તિસ્વરૂપામલા
ચિચ્છક્તિર્જડશક્તિકૈતવવશાત્ કાઞ્ચીનદીત્વં ગતા ।
વલ્મીકાશ્રયગોષ્ઠનાયકપરબ્રહ્મૈક્યકર્ત્રી મુહુઃ
નૃણાં સ્નાનકૃતાં વિભાતિ સતતં શ્રીપિપ્પિલારણ્યગા ॥ ૨ ॥
શ્રીમદ્રાજતશૈલશૃઙ્ગવિલસચ્છ્રીમદ્ગુહાયાં મહી-
વાર્વહ્ન્યાશુગખાત્મિકી વિજયતે યા પઞ્ચલિઙ્ગાકૃતિઃ ।
સૈવાશક્તજનેષુ ભૂરિકૃપયા શ્રીપિપ્પિલારણ્યગે
વલ્મીકે કિલ ગોષ્ઠનાયકમહાલિઙ્ગાત્મના ભાસતે ॥ ૩ ॥
યત્રાદ્યાપ્યણિમાદિસિદ્ધિનિપુણાઃ સિદ્ધેશ્વરાણાં ગણાઃ
તત્તદ્દિવ્યગુહાસુ સન્તિ યમિદૃગ્દૃશ્યા મહાવૈભવાઃ ।
યત્રૈવ ધ્વનિરર્ધરાત્રસમયે પુણ્યાત્મભિઃ શ્રૂયતે
પૂજાવાદ્યસમુત્થિતઃ સુમનસાં તં રાજતાદ્રિં ભજે ॥ ૪ ॥
શ્રીમદ્રાજતપર્વતાકૃતિધરસ્યાર્ધેન્દુચૂડામણે-
ર્લોમૈકં કિલ વામકર્ણજનિતં કાઞ્ચીતરુત્વં ગતમ્ ।
તસ્માદુત્તરવાહિની ભુવિ ભવાન્યાખ્યા તતઃ પૂર્વગા
કાઞ્ચીનદ્યભિધા ચ પશ્ચિમગતા નિલાનદી પાવની ॥ ૫ ॥
શ્રીમદ્ભાર્ગવહસ્તલગ્નપરશુવ્યાઘટ્ટનાદ્ દારિતે
ક્ષોણીધ્રે સતિ વામદક્ષિણગિરિદ્વન્દ્વાત્મના ભેદિતે ।
તન્મધ્યપ્રથિતે વિદારધરણીભાગેતિનદ્યાશ્રયે
સા નીલાતટિની પુનાતિ હિ સદા કલ્પાદિગાન્ પ્રાણિનઃ ॥ ૬ ॥
કલ્પાદિસ્થલમધ્યભાગનિલયે શ્રીવિશ્વનાથાભિધે
લિઙ્ગે પિપ્પિલકાનનાન્તરગતશ્રીગોષ્ઠનાથાભિધઃ ।
શ્રીશમ્ભુઃ કરુણાનિધિઃ પ્રકુરુતે સાંનિધ્યમન્યાદૃશં
તત્પત્ની ચ વિરાજતેઽત્ર તુ વિશાલાક્ષીતિ નામાઙ્કિતા ॥ ૭ ॥
શ્રીકાઞ્ચીતરુમૂલપાવનતલં ભ્રાજત્ત્રિવેણ્યુદ્ભવં
ત્યક્ત્વાન્યત્ર વિધાતુમિચ્છતિ મુહુર્યસ્તીર્થયાત્રાદિકમ્ ।
સોઽયં હસ્તગતં વિહાય કુધિયા શાખાગ્રલીનં વૃથા
યષ્ટ્યા તાડિતુમીહતે જડમતિર્નિઃસારતુચ્છં ફલમ્ ॥ ૮ ॥
શ્રીમદ્રાજતશૈલોત્થત્રિવેણીમહિમાઙ્કિતમ્ ।
ગોષ્ઠેશ્વરાષ્ટકમિદં સારજ્ઞૈરવલોક્યતામ્ ॥ ૯ ॥
ઇતિ ગોષ્ઠેશ્વરાષ્ટકં સમ્પૂર્ણમ્
– Chant Stotra in Other Languages –
Hymn to Kottai Ishvara Lyrics in Sanskrit » English » Bengali » Kannada » Malayalam » Odia » Telugu » Tamil