॥ Ishana Stuti English Lyrics ॥
॥ īśāna stutiḥ ॥
vyāsa uvāca ।
prajāpatīnāṁ prathamaṁ tējasāṁ puruṣaṁ prabhum ।
bhuvanaṁ bhūrbhuvaṁ dēvaṁ sarvalōkēśvaraṁ prabhum ॥ 1 ॥
īśānaṁ varadaṁ pārtha dr̥ṣṭavānasi śaṅkaram ।
taṁ gaccha śaraṇaṁ dēvaṁ varadaṁ bhuvanēśvaram ॥ 2 ॥
mahādēvaṁ mahātmānamīśānaṁ jaṭilaṁ śivam ।
tryakṣaṁ mahābhujaṁ rudraṁ śikhinaṁ cīravāsasam ॥ 3 ॥
mahādēvaṁ haraṁ sthāṇuṁ varadaṁ bhuvanēśvaram ।
jagatpradhānamadhikaṁ jagatprītamadhīśvaram ॥ 4 ॥
jagadyōniṁ jagaddvīpaṁ jayinaṁ jagatō gatim ।
viśvātmānāṁ viśvasr̥jaṁ viśvamūrtiṁ yaśasvinam ॥ 5 ॥
viśvēśvaraṁ viśvanaraṁ karmaṇāmīśvaraṁ prabhum ।
śambhuṁ svayambhuṁ bhūtēśaṁ bhūtabhavyabhavōdbhavam ॥ 6 ॥
yōgaṁ yōgēśvaraṁ sarvaṁ sarvalōkēśvarēśvaram ।
sarvaśrēṣṭhaṁ jagacchrēṣṭhaṁ variṣṭhaṁ paramēṣṭhinam ॥ 7 ॥
lōkatrayavidhātāramēkaṁ lōkatrayāśrayam ।
sudurjayaṁ jagannāthaṁ janmamr̥tyujarātigam ॥ 8 ॥
jñānātmānaṁ jñānagamyaṁ jñānaśrēṣṭhaṁ sudurvidam ।
dātāraṁ caiva bhaktānāṁ prasādavihitān varān ॥ 9 ॥
tasya pāriṣadā divyā rūpairnānāvidhairvibhōḥ ।
vāmanā jaṭilā muṇḍā hrasvagrīvā mahōdarāḥ ॥ 10 ॥
mahākāyā mahōtsāhā mahākarṇāstathāparē ।
ananairvikr̥taiḥ pādaiḥ pārtha vēṣaiśca vaikr̥taiḥ ॥ 11 ॥
īdr̥śaiḥ sa mahādēvaḥ pūjyamānō mahēśvaraḥ ।
sa śivastāta tējasvī prasādādyāti tē:’grataḥ ॥ 12 ॥
tasmin ghōrē sadā pārtha saṅgrāmē lōmaharṣaṇē ।
drauṇikarṇakr̥pairguptāṁ mahēṣvāsaiḥ prahāribhiḥ ॥ 13 ॥
kastāṁ sēnāṁ tadā pārtha manasāpi pradharṣayēt ।
r̥tē dēvānmahēṣvāsādbahurūpānmahēśvarāt ॥ 14 ॥
sthātumutsahatē kaścinna tasminnagrataḥ sthitē ।
na hi bhūtaṁ samaṁ tēna triṣu lōkēṣu vidyatē ॥ 15 ॥
gandhēnāpi hi saṅgrāmē tasya kruddhasya śatravaḥ ।
visañjñā hatabhūyiṣṭhā vēpanti ca patanti ca ॥ 16 ॥
tasmai namastu kurvantō dēvāstiṣṭhanti vai divi ।
yē cānyē mānavā lōkē yē ca svargajitō narāḥ ॥ 17 ॥
yē bhaktā varadaṁ dēvaṁ śivaṁ rudramumāpatim ।
iha lōkē sukhaṁ prāpya tē yānti paramāṁ gatim ॥ 18 ॥
namaskuruṣva kauntēya tasmai śāntāya vai sadā ।
rudrāya śitikaṇṭhāya kaniṣṭhāya suvarcasē ॥ 19 ॥
kapardinē karālāya haryakṣa varadāya ca ।
yāmyāyāraktakēśāya sadvr̥ttē śaṅkarāya ca ॥ 20 ॥
kāmyāya harinētrāya sthāṇavē puruṣāya ca ।
harikēśāya muṇḍāya kaniṣṭhāya suvarcasē ॥ 21 ॥
bhāskarāya sutīrthāya dēvadēvāya raṁhasē ।
bahurūpāya śarvāya priyāya priyavāsasē ॥ 22 ॥
uṣṇīṣiṇē suvaktrāya sahasrākṣāya mīḍhuṣē ।
giriśāya suśāntāya patayē cīravāsasē ॥ 23 ॥
hiraṇyabāhavē rājannugrāya patayē diśām ।
parjanyapatayē caiva bhūtānāṁ patayē namaḥ ॥ 24 ॥
vr̥kṣāṇāṁ patayē caiva gavāṁ ca patayē tathā ।
vr̥kṣairāvr̥takāyāya sēnānyē madhyamāya ca ॥ 25 ॥
śruvahastāya dēvāya dhanvinē bhārgavāya ca ।
bahurūpāya viśvasya patayē muñjavāsasē ॥ 26 ॥
sahasraśirasē caiva sahasranayanāya ca ।
sahasrabāhavē caiva sahasracaraṇāya ca ॥ 27 ॥
śaraṇaṁ gaccha kauntēya varadaṁ bhuvanēśvaram ।
umāpatiṁ virūpākṣaṁ dakṣayajñanibarhaṇam ॥ 28 ॥
prajānāṁ patimavyagraṁ bhūtānāṁ patimavyayam ।
kapardinaṁ vr̥ṣāvartaṁ vr̥ṣanābhaṁ vr̥ṣadhvajam ॥ 29 ॥
vr̥ṣadarpaṁ vr̥ṣapatiṁ vr̥ṣaśr̥ṅgaṁ vr̥ṣarṣabham ।
vr̥ṣāṅkaṁ vr̥ṣabhōdāraṁ vr̥ṣabhaṁ vr̥ṣabhēkṣaṇam ॥ 30 ॥
vr̥ṣāyudhaṁ vr̥ṣaśaraṁ vr̥ṣabhūtaṁ mahēśvaram ।
mahōdaraṁ mahākāyaṁ dvīpicarmanivāsinam ॥ 31 ॥
lōkēśaṁ varadaṁ muṇḍaṁ brahmaṇyaṁ brāhmaṇapriyam ।
triśūlapāṇiṁ varadaṁ khaḍgacarmadharaṁ śubham ॥ 32 ॥
pinākinaṁ khaṇḍaparśuṁ lōkānāṁ patimīśvaram । [khaḍgadharaṁ]
prapadyē dēvamīśānaṁ śaraṇyaṁ cīravāsasam ॥ 33 ॥
namastasmai surēśāya yasya vaiśravaṇaḥ sakhā ।
suvāsasē namō nityaṁ suvratāya sudhanvinē ॥ 34 ॥
dhanurdharāya dēvaya priyadhanvāya dhanvinē ।
dhanvantarāya dhanuṣē dhanvācāryāya tē namaḥ ॥ 35 ॥
ugrāyudhāya dēvaya namaḥ suravarāya ca ।
namō:’stu bahurūpāya namastē bahudhanvinē ॥ 36 ॥
namō:’stu sthāṇavē nityaṁ namastasmai sudhanvinē ।
namō:’stu tripuraghnāya bhagaghnāya ca vai namaḥ ॥ 37 ॥
vanaspatīnāṁ patayē narāṇāṁ patayē namaḥ ।
mātr̥̄ṇāṁ patayē caiva gaṇānāṁ patayē namaḥ ॥ 38 ॥
gavāṁ ca patayē nityaṁ yajñānāṁ patayē namaḥ ।
apāṁ ca patayē nityaṁ dēvānāṁ patayē namaḥ ॥ 39 ॥
pūṣṇō dantavināśāya tryakṣāya varadāya ca ।
harāya nīlakaṇṭhāya svarṇakēśāya vai namaḥ ॥ 40 ॥
iti śrīmahābhāratē drōṇaparvaṇi tryadhikadviśatō:’dhyāyē īśāna stutiḥ ॥
– Chant Stotra in Other Languages –
Shiva Stotram » Ishana Stuti Lyrics in Sanskrit » Kannada » Telugu » Tamil