॥ Ishvara Prarthana Stotram Kannada Lyrics ॥
॥ ಈಶ್ವರ ಪ್ರಾರ್ಥನಾ ಸ್ತೋತ್ರಮ್ ॥
ಈಶ್ವರಪ್ರಾರ್ಥನಾಸ್ತೋತ್ರಮ್
ಈಶ್ವರಂ ಶರಣಂ ಯಾಮಿ ಕ್ರೋಧಮೋಹಾದಿಪೀಡಿತಃ ।
ಅನಾಥಂ ಪತಿತಂ ದೀನಂ ಪಾಹಿ ಮಾಂ ಪರಮೇಶ್ವರ ॥ ೧॥
ಪ್ರಭುಸ್ತ್ವಂ ಜಗತಾಂ ಸ್ವಾಮಿನ್ ವಶ್ಯಂ ಸರ್ವಂ ತವಾಸ್ತಿ ಚ ।
ಅಹಮಜ್ಞೋ ವಿಮೂಢೋಽಸ್ಮಿ ತ್ವಾಂ ನ ಜಾನಾಮಿ ಹೇ ಪ್ರಭೋ ॥೨॥
ಬ್ರಹ್ಮಾ ತ್ವಂ ಚ ತಥಾ ವಿಷ್ಣುಸ್ತ್ವಮೇವ ಚ ಮಹೇಶ್ವರಃ ।
ತವ ತತ್ತ್ವಂ ನ ಜಾನಾಮಿ ಪಾಹಿ ಮಾಂ ಪರಮೇಶ್ವರ ॥೩॥
ತ್ವಂ ಪಿತಾ ತ್ವಂ ಚ ಮೇ ಮಾತಾ ತ್ವಂ ಬನ್ಧುಃ ಕರುಣಾನಿಧೇ ।
ತ್ವಾಂ ವಿನಾ ನಹಿ ಚಾನ್ಯೋಽಸ್ತಿ ಮಮ ದುಃಖವಿನಾಶಕಃ ॥೪॥
ಅನ್ತಕಾಲೇ ತ್ವಮೇವಾಸಿ ಮಮ ದುಃಖ ವಿನಾಶಕಃ ।
ತಸ್ಮಾದ್ವೈ ಶರಣೋಽಹಂ ತೇ ರಕ್ಷ ಮಾಂ ಹೇ ಜಗತ್ಪತೇ ॥೫॥
ಪಿತಾಪುತ್ರಾದಯಃ ಸರ್ವೇ ಸಂಸಾರೇ ಸುಖಭಾಗಿನಃ ।
ವಿಪತ್ತೌ ಪರಿಜಾತಾಯಾಂ ಕೋಽಪಿ ವಾರ್ತಾಮ್ ನ ಪೃಚ್ಛತಿ ॥೬॥
ಕಾಮಕ್ರೋಧಾದಿಭಿರ್ಯುಕ್ತೋ ಲೋಭಮೋಹಾದಿಕೈರಪಿ ।
ತಾನ್ವಿನಶ್ಯಾತ್ಮನೋ ವೈರೀನ್ ಪಾಹಿ ಮಾಂ ಪರಮೇಶ್ವರ ॥೭॥
ಅನೇಕೇ ರಕ್ಷಿತಾಃ ಪೂರ್ವಂ ಭವತಾ ದುಃಖಪೀಡಿತಾಃ ।
ಕ್ವ ಗತಾ ತೇ ದಯಾ ಚಾದ್ಯ ಪಾಹಿ ಮಾಂ ಹೇ ಜಗತ್ಪತೇ ॥೮॥
ನ ತ್ವಾಂ ವಿನಾ ಕಶ್ಚಿದಸ್ತಿ ಸಂಸಾರೇ ಮಮ ರಕ್ಷಕಃ ।
ಶರಣಂ ತ್ವಾಂ ಪ್ರಪನ್ನೋಽಹಂ ತ್ರಾಹಿ ಮಾಂ ಪರಮೇಶ್ವರ ॥೯॥
ಈಶ್ವರ ಪ್ರಾರ್ಥನಾಸ್ತೋತ್ರಂ ಯೋಗಾನನ್ದೇನ ನಿರ್ಮಿತಮ್ ।
ಯಃ ಪಠೇದ್ಭಕ್ತಿಸಂಯುಕ್ತಸ್ತಸ್ಯೇಶಃ ಸಂಪ್ರಸೀದತಿ ॥೧೦॥
ಇತಿ ಶ್ರೀಯೋಗಾನನ್ದತೀರ್ಥವಿರಚಿತಂ ಈಶ್ವರಪ್ರಾರ್ಥನಾಸ್ತೋತ್ರಂ ಸಂಪೂರ್ಣಮ್ ॥
– Chant Stotra in Other Languages –
Ishvara Prarthana Stotram in English – Gujarati – Bengali – Marathi – Kannada – Malayalam । Telugu