॥ Jagannatha Panchakam Kannada Lyrics ॥
॥ ಜಗನ್ನಾಥ ಪಂಚಕಮ್ ॥
ರಕ್ತಾಮ್ಭೋರುಹದರ್ಪಭಂಜನಮಹಾಸೌನ್ದರ್ಯನೇತ್ರದ್ವಯಂ
ಮುಕ್ತಾಹಾರವಿಲಮ್ಬಿಹೇಮಮುಕುಟಂ ರತ್ನೋಜ್ಜ್ವಲತ್ಕುಂಡಲಮ್ ।
ವರ್ಷಾಮೇಘಸಮಾನನೀಲವಪುಷಂ ಗ್ರೈವೇಯಹಾರಾನ್ವಿತಂ
ಪಾರ್ಶ್ವೇ ಚಕ್ರಧರಂ ಪ್ರಸನ್ನವದನಂ ನೀಲಾದ್ರಿನಾಥಂ ಭಜೇ ॥ 1 ॥
ಫುಲ್ಲೇನ್ದೀವರಲೋಚನಂ ನವಘನಶ್ಯಾಮಾಭಿರಾಮಾಕೃತಿಂ
ವಿಶ್ವೇಶಂ ಕಮಲಾವಿಲಾಸವಿಲಸತ್ಪಾದಾರವಿನ್ದದ್ವಯಮ್ ।
ದೈತ್ಯಾರಿಂ ಸಕಲೇನ್ದುಮಂಡಿತಮುಖಂ ಚಕ್ರಾಬ್ಜಹಸ್ತದ್ವಯಂ
ವನ್ದೇ ಶ್ರೀಪುರುಷೋತ್ತಮಂ ಪ್ರತಿದಿನಂ ಲಕ್ಷ್ಮೀನಿವಾಸಾಲಯಮ್ ॥ 2 ॥
ಉದ್ಯನ್ನೀರದನೀಲಸುನ್ದರತನುಂ ಪೂರ್ಣೇನ್ದುಬಿಮ್ಬಾನನಂ
ರಾಜೀವೋತ್ಪಲಪತ್ರನೇತ್ರಯುಗಲಂ ಕಾರುಣ್ಯವಾರಾಂನಿಧಿಮ್ ।
ಭಕ್ತಾನಾಂ ಸಕಲಾರ್ತಿನಾಶನಕರಂ ಚಿನ್ತಾರ್ಥಿಚಿನ್ತಾಮಣಿಂ
ವನ್ದೇ ಶ್ರೀಪುರುಷೋತ್ತಮಂ ಪ್ರತಿದಿನಂ ನೀಲಾದ್ರಿಚೂಡಾಮಣಿಮ್ ॥ 3 ॥
ನೀಲಾದ್ರೌ ಶಂಖಮಧ್ಯೇ ಶತದಲಕಮಲೇ ರತ್ನಸಿಂಹಾಸನಸ್ಥಂ
ಸರ್ವಾಲಂಕಾರಯುಕ್ತಂ ನವಘನ ರುಚಿರಂ ಸಂಯುತಂ ಚಾಗ್ರಜೇನ ।
ಭದ್ರಾಯಾ ವಾಮಭಾಗೇ ರಥಚರಣಯುತಂ ಬ್ರಹ್ಮರುದ್ರೇನ್ದ್ರವಂದ್ಯಂ
ವೇದಾನಾಂ ಸಾರಮೀಶಂ ಸುಜನಪರಿವೃತಂ ಬ್ರಹ್ಮದಾರುಂ ಸ್ಮರಾಮಿ ॥ 4 ॥
ದೋರ್ಭ್ಯಾಂ ಶೋಭಿತಲಾಂಗಲಂ ಸಮುಸಲಂ ಕಾದಮ್ಬರೀಚಂಚಲಂ
ರತ್ನಾಢ್ಯಂ ವರಕುಂಡಲಂ ಭುಜಬಲೈರಾಕಾಂತಭೂಮಂಡಲಮ್ ।
ವಜ್ರಾಭಾಮಲಚಾರುಗಂಡಯುಗಲಂ ನಾಗೇನ್ದ್ರಚೂಡೋಜ್ಜ್ವಲಂ
ಸಂಗ್ರಾಮೇ ಚಪಲಂ ಶಶಾಂಕಧವಲಂ ಶ್ರೀಕಾಮಪಾಲಂ ಭಜೇ ॥ 5 ॥
ಇತಿ ಶ್ರೀಜಗನ್ನಾಥಪಂಚಕಂ ಸಮಾಪ್ತಮ್ ॥
– Chant Stotra in Other Languages –
Jagannatha Pamcakam Lyrics Sanskrit » English » Bengali » Gujarati » Malayalam » Odia » Telugu » Tamil