॥ Jambunatha Ashtakam Gujarati Lyrics ॥
॥ જમ્બુનાથાષ્ટકં ॥
કશ્ચન જગતાં હેતુઃ કપર્દકન્દલિતકુમુદજીવાતુઃ ।
જયતિ જ્ઞાનમહીન્દુર્જન્મમૃતિક્લાંતિહરદયાબિન્દુઃ ॥ ૧ ॥
શ્રિતભૃતિભદ્ધપતાકઃ કલિતોત્પલવનનવમદોદ્રેકઃ ।
અખિલાણ્ડમાતુરેકઃ સુખયત્વસ્માંસ્તપઃપરીપાકઃ ॥ ૨ ॥
કશ્ચન કારુણ્યઝરઃ કમલાકુચકલશકષણનિશિતશરઃ ।
શ્રીમાન્ દમિતત્રિપુરઃ શ્રિતજંભૂપરિસરશ્ચકાસ્તુ પુરઃ ॥ ૩ ॥
શમિતસ્મરદવવિસરશ્શક્રાદ્યાશાસ્યસેવનાવસરઃ ।
કરિવનઘનભાગ્યભરો ગિરતુ મલં મમ મનસ્સરશ્શફરઃ ॥ ૪ ॥
ગૃહિણીકૃતવૈકુણ્ઠં ગેહિતજંભૂમહીરુડુપકણ્ઠમ્ ।
દિવ્યં કિમપ્યકુણ્ઠં તેજઃ સ્તાદસ્મદવનસોત્કણ્ઠમ્ ॥ ૫ ॥
કૃતશમનદર્પહરણં કૃતકેતરફણિતિચારિરથચરણમ્ ।
શક્રાદિશ્રિતચરણં શરણં જંભૂદ્રુમાંતિકાભરણમ્ ॥ ૬ ॥
કરુણારસવારિધયે કરવાણિ નમઃ પ્રણમ્રસુરવિધયે ।
જગદાનન્દધુનિધયે જંભૂતરુમૂલનિલયસન્નિધયે ॥ ૭ ॥
કશ્ચન શશિચૂડાલં કણ્ઠેકાલં દયૌઘમુત્કૂલમ્ ।
શ્રિતજંભૂતરુમૂલં શિક્ષિતકાલં ભજે જગન્મૂલમ્ ॥ ૮ ॥
॥ જમ્બુનાથાષ્ટકં સંપૂર્ણમ્ ॥
– Chant Stotra in Other Languages –
Lord Shiva Stotram » Jambunatha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil