॥ Jambunatha Ashtakam Kannada Lyrics ॥
॥ ಜಮ್ಬುನಾಥಾಷ್ಟಕಂ ॥
ಕಶ್ಚನ ಜಗತಾಂ ಹೇತುಃ ಕಪರ್ದಕನ್ದಲಿತಕುಮುದಜೀವಾತುಃ ।
ಜಯತಿ ಜ್ಞಾನಮಹೀನ್ದುರ್ಜನ್ಮಮೃತಿಕ್ಲಾಂತಿಹರದಯಾಬಿನ್ದುಃ ॥ 1 ॥
ಶ್ರಿತಭೃತಿಭದ್ಧಪತಾಕಃ ಕಲಿತೋತ್ಪಲವನನವಮದೋದ್ರೇಕಃ ।
ಅಖಿಲಾಂಡಮಾತುರೇಕಃ ಸುಖಯತ್ವಸ್ಮಾಂಸ್ತಪಃಪರೀಪಾಕಃ ॥ 2 ॥
ಕಶ್ಚನ ಕಾರುಣ್ಯಝರಃ ಕಮಲಾಕುಚಕಲಶಕಷಣನಿಶಿತಶರಃ ।
ಶ್ರೀಮಾನ್ ದಮಿತತ್ರಿಪುರಃ ಶ್ರಿತಜಂಭೂಪರಿಸರಶ್ಚಕಾಸ್ತು ಪುರಃ ॥ 3 ॥
ಶಮಿತಸ್ಮರದವವಿಸರಶ್ಶಕ್ರಾದ್ಯಾಶಾಸ್ಯಸೇವನಾವಸರಃ ।
ಕರಿವನಘನಭಾಗ್ಯಭರೋ ಗಿರತು ಮಲಂ ಮಮ ಮನಸ್ಸರಶ್ಶಫರಃ ॥ 4 ॥
ಗೃಹಿಣೀಕೃತವೈಕುಂಠಂ ಗೇಹಿತಜಂಭೂಮಹೀರುಡುಪಕಂಠಮ್ ।
ದಿವ್ಯಂ ಕಿಮಪ್ಯಕುಂಠಂ ತೇಜಃ ಸ್ತಾದಸ್ಮದವನಸೋತ್ಕಂಠಮ್ ॥ 5 ॥
ಕೃತಶಮನದರ್ಪಹರಣಂ ಕೃತಕೇತರಫಣಿತಿಚಾರಿರಥಚರಣಮ್ ।
ಶಕ್ರಾದಿಶ್ರಿತಚರಣಂ ಶರಣಂ ಜಂಭೂದ್ರುಮಾಂತಿಕಾಭರಣಮ್ ॥ 6 ॥
ಕರುಣಾರಸವಾರಿಧಯೇ ಕರವಾಣಿ ನಮಃ ಪ್ರಣಮ್ರಸುರವಿಧಯೇ ।
ಜಗದಾನನ್ದಧುನಿಧಯೇ ಜಂಭೂತರುಮೂಲನಿಲಯಸನ್ನಿಧಯೇ ॥ 7 ॥
ಕಶ್ಚನ ಶಶಿಚೂಡಾಲಂ ಕಂಠೇಕಾಲಂ ದಯೌಘಮುತ್ಕೂಲಮ್ ।
ಶ್ರಿತಜಂಭೂತರುಮೂಲಂ ಶಿಕ್ಷಿತಕಾಲಂ ಭಜೇ ಜಗನ್ಮೂಲಮ್ ॥ 8 ॥
॥ ಜಮ್ಬುನಾಥಾಷ್ಟಕಂ ಸಂಪೂರ್ಣಮ್ ॥
– Chant Stotra in Other Languages –
Lord Shiva Stotram » Jambunatha Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil