॥ Jambunatha Ashtakam Malayalam Lyrics ॥
॥ ജംബുനാഥാഷ്ടകം ॥
കശ്ചന ജഗതാം ഹേതുഃ കപര്‍ദകന്ദലിതകുമുദജീവാതുഃ ।
ജയതി ജ്ഞാനമഹീന്ദുര്‍ജന്‍മമൃതിക്ലാംതിഹരദയാബിന്ദുഃ ॥ 1 ॥
ശ്രിതഭൃതിഭദ്ധപതാകഃ കലിതോത്പലവനനവമദോദ്രേകഃ ।
അഖിലാണ്ഡമാതുരേകഃ സുഖയത്വസ്മാംസ്തപഃപരീപാകഃ ॥ 2 ॥
കശ്ചന കാരുണ്യഝരഃ കമലാകുചകലശകഷണനിശിതശരഃ ।
ശ്രീമാന്‍ ദമിതത്രിപുരഃ ശ്രിതജംഭൂപരിസരശ്ചകാസ്തു പുരഃ ॥ 3 ॥
ശമിതസ്മരദവവിസരശ്ശക്രാദ്യാശാസ്യസേവനാവസരഃ ।
കരിവനഘനഭാഗ്യഭരോ ഗിരതു മലം മമ മനസ്സരശ്ശഫരഃ ॥ 4 ॥
ഗൃഹിണീകൃതവൈകുണ്ഠം ഗേഹിതജംഭൂമഹീരുഡുപകണ്ഠം ।
ദിവ്യം കിമപ്യകുണ്ഠം തേജഃ സ്താദസ്മദവനസോത്കണ്ഠം ॥ 5 ॥
കൃതശമനദര്‍പഹരണം കൃതകേതരഫണിതിചാരിരഥചരണം ।
ശക്രാദിശ്രിതചരണം ശരണം ജംഭൂദ്രുമാംതികാഭരണം ॥ 6 ॥
കരുണാരസവാരിധയേ കരവാണി നമഃ പ്രണംരസുരവിധയേ ।
ജഗദാനന്ദധുനിധയേ ജംഭൂതരുമൂലനിലയസന്നിധയേ ॥ 7 ॥
കശ്ചന ശശിചൂഡാലം കണ്ഠേകാലം ദയൌഘമുത്കൂലം ।
ശ്രിതജംഭൂതരുമൂലം ശിക്ഷിതകാലം ഭജേ ജഗന്‍മൂലം ॥ 8 ॥
॥ ജംബുനാഥാഷ്ടകം സമ്പൂര്‍ണം ॥
– Chant Stotra in Other Languages –
Lord Shiva Stotram » Jambunatha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil